ARMAZI
Kartlis Cxovreba II
Part No. 216

Page of edition: 216  Line of edition: 1    უწოდეს ხარაჯად. ესე რა ესმა, არა სრულიად ირწმუნა, და ბრძანა განძრცვა ყოველთა,
Line of edition: 2    მჴართა შეკრვა ყოველთა, სიცხესა შინა შიშველთა მოედანთა ზედა დასხდომა, და
Line of edition: 3    ყოველთა დღეთა ჰკითხვიდის მიზეზსა შეკრებისასა, და უკეთუ არა აღიარონ ჭეშმარიტი,
Line of edition: 4    სიკუდილსა მისცენ ყოველნი ესე ზემოჴსენებულნი მთავარნი. ხოლო იგინი დაამტკიცებდეს,
Line of edition: 5    "რათა განვაჩინოთ ხარაჯა". და ამას ჰყოფდეს მრავალ \ დღე, რამეთუ არა
Line of edition: 6    არწმუნებდეს.

Line of edition: 7    და ვითარ მოეახლა პაემანი, მივიდა დადიანიცა ცოტნე, ლაშქრითა, მათდა ადგილსა,
Line of edition: 8    რომელ არს რკინის-ჯუარი, შორის სამცხისა და ღადოსა, და ვითარ აუწყეს
Line of edition: 9    წარსხმა ყოველთა მთავართა საქართველოსათა ანისად, და შეკრებულთა ყოფა სატანჯველთა
Line of edition: 10    შინა ბოროტთა ვითარ ესმა, მწუხარე იქმნა უზომოდ, და თჳსად სიკუდილად
Line of edition: 11    და სირცხჳლად შერაცხა საქმე იგი. და წარავლინა ლაშქარი თჳსი, და ორითა კაცითა
Line of edition: 12    წარვიდა ანისად, დამდები სულისა თჳსისა და აღმსარბელი მცნებისა უფლისასა,
Line of edition: 13    რომელსა იტეჳს: \"უფროს ამისსა სიყვარული არა არს, რათა დადვას კაცმან სული
Line of edition: 14    თჳსი მოყუსისა თჳსისათჳს", \ რომელ ყო პატიისანმანცა ამან კაცმან ცოტნე სათნოება
Line of edition: 15    მაღალი და განსათქმელი, საქმე საკჳრველი და ყოვლისა ქებისა ღირსი განვლო
Line of edition: 16    სამცხე და ჯავახეთი და მივიდა ანისსა.

Line of edition: 17    რამეთუ ქალაქად შესრულ იყვნეს ნოინნი, და ესე წარჩინებულნი, მოედანსა შინა
Line of edition: 18    დაკრულნი მჴრითა, შიშუელნი მსხდომარე იყვნეს. ვითარ იხილნა ცოტნე წარჩინებულნი,
Line of edition: 19    ესრეთ უპატიოდ მსხდომარენი და სიკუდილად განწირულნი, გარდაჴდა ჰუნისაგან,
Line of edition: 20    და დააბნია. სამოსელი თჳსი, განშიშულდა, და შეიკრნა მჴარნი, და დაჯდა
Line of edition: 21    წარჩინებულთა თანა. და ვითარ იხილეს თათართა, განკჳრდეს და მსწრაფლ აუწყეს
Line of edition: 22    ნოინთა, ვითარმედ: ცოტნე დადიანი მოვიდა ორითა კაცითა, და განიძარცუა სამოსელი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.