ARMAZI
Kartlis Cxovreba II
Part No. 224

Page of edition: 224  Line of edition: 1    ულო, აქ დახუდა, პირველ მოსული. და \ ვითარ იხილნა ულო \ სამნი ესე ქოუნნი,
Line of edition: 2    შეიწყნარნა და მისცა ქუეყანა ხუედრი მათი, და ესრეთ მშჳდობით იყოფოდეს.

Line of edition: 3    ხოლო ქუეყანა სამეფო, საყდარნი და მცხეთა და მისი მიმდგომი ქუეყანა და
Line of edition: 4    მონასტერნი არავისგან იცვებოდეს, რამეთუ წარჩინებულნი ამის სამეფოსანი თჳსისა
Line of edition: 5    ქუეყანისათჳს ზრუნვიდეს. ამისთჳს წარვიდა ულოს წინაშე კათალიკოსი ნიკოლოზ, კაცი
Line of edition: 6    მხილველი სულითა, ანგელოზთა მობაძავი, და მრავალთა მოღუაწებათა შინა საკჳრველი,
Line of edition: 7    მართლმადიდებელი, ძლიერი და თუალ-უხუავად მამხილებელი მეფეთა და მთავართა,
Line of edition: 8    რამეთუ იყო უმანკოცა, და არავის თუალნი აუხუნის. იხილა რა ყაენმან, განკჳრდა
Line of edition: 9    წესსა და ხილვასა შესახედავსა მისსა, რამეთუ არა მეცნიერ იყო ნათესავსა ქრისტეანეთასა,
Line of edition: 10    თჳნიერ არქუანთა; და ვითარ პატივ-სცა, დაუწერეს იერლაყილ რომელ არს
Line of edition: 11    წიგნი შეწყალებისა, შეუქმნეს და მოსცეს შანად ჯუარნი ოქროსანი, და შეუმკუნა თვალითა
Line of edition: 12    და მარგალიტითა, და უბოძა ერთი თჳთ კათალიკოსსა \ და ერთი მოძღუარსა
Line of edition: 13    ვარძიისასა, რომელი თანა ჰყვა კათალიკოსსა. და არგანიცა იგი ოქროთა შემკული
Line of edition: 14    მიანიჭა კათალიკოსსა ოდენ, ჯუარიანი იგიცა, და ესრეთ პატივითა წარმოავლინეს.

Line of edition: 15    და დაიცვნა ყოველნი საყდარნი და მონასტერნი.

Line of edition: 16    ხოლო იყვნეს ორნივე დავით და დავით ყუბილ ყაენს წინაშე. და იურვო\დეს
Line of edition: 17    ორნივე მეფობასა. თმოგუელი სარგის ძლიერად წინააღუდგებოდა თჳთ ნარინ
Line of edition: 18    დავითს და რომელნი მის წინაშე იყვნეს თანაზრდილნი მისნი, რამეთუ ეტყოდა:
Line of edition: 19    "არა ჯერ არს, რათამცა ნაშობმან დედაკაცისამან დაიპყრას მეფობა და არა ძემან


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.