ARMAZI
Kartlis Cxovreba II
Part No. 225

Page of edition: 225  Line of edition: 1    თჳთმპყრობელისა მეფისა \ მამაკაცისამან". ხოლო იგინი მიუგებდეს, ვითარმედ: "დაღათუ
Line of edition: 2    ნარინ დავით დედაკაცისა ნაშობი იყო, არამედ მეფევე იყო გჳრგჳნოსანი რუსუდან,
Line of edition: 3    ძმისა მისისა გიორგისგან დატევებული, და მეფისავე ძე არს ნარინ დავით
Line of edition: 4    და ვითარ განგრძელდა ცილობა, ავაგ ამირსპასალარი წარმოავლინეს, და მისცეს
Line of edition: 5    იერლაყი შეწყალებისა, და ქალი ქმნულ-კეთილი, ნათესავი წარჩინებულთა, სახელით
Line of edition: 6    ესლომ, და ელჩი ულო ყაენს თანა, რათა კეთილად შეიწყნაროს ავაგ, და
Line of edition: 7    ესრეთ მოიწია ულო ყაენს წინაშე. ხოლო მან პატივით შეიტკბო და წარმოავლინა
Line of edition: 8    საქართველოსა, მამულსა თჳსსა. და ვითარ ცნეს ქართველთა მოსლვა ავაგ ამირსპასალარისა,
Line of edition: 9    წინა მიეგებნეს ყოველნი მთავარნი და წარჩინებულნი, თჳთ შანშე
Line of edition: 10    და ეგარსლან, რომელსა კნინღა-და სახელი მეფობისა ეპყრა. და ვითარ მიეახლა
Line of edition: 11    ავაგ, ჰგონებდა ჰუნისაგან გარდამოჴდომად და ეგრეთ ხილვად ეგარსლანისგან. ხოლო
Line of edition: 12    იგი განლაღებულ იყო, და არა ინება წესისაებრ პატივით ხილვა, და ამბორის-ყოფად
Line of edition: 13    ავაგისა. და ვითარ იხილა ავაგ, \ განძჳნდა და თავსა მათრაჴითა უხეთქნა, და უბრძანა
Line of edition: 14    მას ქუეშე დაწესებულთა, რათა ცხენისაგან უპატიოდ დაამჴუან ქუეყანად, და ყვესცა
Line of edition: 15    ეგრეთ, და პატივისაგან უპატიო ყვეს, და განძრცჳლი განაძეს, და მიერითგან უპატიო
Line of edition: 16    იქმნა. და ესრეთ განაგდეს შანშე და ავაგ და თავადთა საქართველოსათა.

Line of edition: 17    ხოლო ჩუენ პირველივე სიტყუა მოვიჴსენოთ. და ვითარ ცილობა იყო მეფეთა
Line of edition: 18    შორის, და არა განეჩინეს ყუბ\ილ ყაენსა, თუ რომლისა იყოს მეფობა, ამისთჳს დაშთეს
Line of edition: 19    მრავალთა წელთა ყარაყურუმს. ხოლო სულტანი ყიასდინ და ხლათელი წარმოავლინეს
Line of edition: 20    ავაგსავე თანა, და მივიდეს სახლად სამეფოდ მათდა. და ვითარ განგრძელდა
Line of edition: 21    ეყოფა ყარაყურუმს და ხატაეთს ორთავე მეფეთა, მაშინ ინება ყუბილ ყაენმან და წარმოავლინნა
Line of edition: 22    ორნივე მეფენი ძმასა მისსა ულოს თანა, და მიუეცნო ესრეთ, რათა, უკეთუ


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.