ARMAZI
Kartlis Cxovreba II
Part No. 227

Page of edition: 227  Line of edition: 1    "ნებითა ღ(მრ)თისათა, დავით და დავით". და ჴელიცა ორთავესი რთავს: "ჩემ დავითისგან
Line of edition: 2    მტკიცე არს, და ჩემ დავითისგანცა მტკიცე არს". ხოლო დასხდეს ორნივე მტკიცედ
Line of edition: 3    მეფედ, ვითარ ვთქუ, რომლისათჳს საეჭუელ იქმნა შანშესგან ლაშას ძისა დავითის
Line of edition: 4    სიყუარული, და ავაგისგან რუსუდანის ძისა დავითის მიმდგომობა. და ვერ განაცხადეს,
Line of edition: 5    რამეთუ ორნივე დავით და დავით სიყუარულსა ზედა ეგნეს და არა წინააღუდგებოდეს.

Line of edition: 6    ერთმანერთსა, და მოჩილობდეს ულო ყაენსა და ხარაჯას მისცემდეს. ხოლო უპირატესი
Line of edition: 7    პატივი და ზემოჯდომა ლაშას ძესა დავითს ეპყრა \ ლაშას-ძეობისათჳს, დაღაცათუ
Line of edition: 8    უხუცესობისათჳს.

Line of edition: 9    ვინათგან თათარნი არა დამშჳდნეს ყოველთა ნათესავთა სრვად და ოჴრებად, და
Line of edition: 10    თანამბრძოლ აქუნდეს ქართველნი წყობათა შინა სიმჴნისა მათისათჳს, ამისთჳს დიდსა
Line of edition: 11    ჭირსა შინა იყვნეს მეფენი და მთავარნი, დაუცხრომელად ებრძოდეს ურჩთა და უმეტეს
Line of edition: 12    ალმუთს მყოფთა. რამეთუ შჳდისა წლისა ჟამთა განგრძელდა ბრძოლისა ყოფა მათი,
Line of edition: 13    ამისთჳს წარავლინნა ულოცა ნოინნი, და მათ თანა მეფე, გიორგის ძე დავით, ქართველთა
Line of edition: 14    სპითა რათა ბრძოდენ ალმუთს ხოლო იგინი ამისნი მცნობელნი და მრავალთა
Line of edition: 15    ომთა მიერ შეიწრებულნი, ყოვლისა ღონისძიებისაგან უღონო-ქმნილნი,
Line of edition: 16    ივლტოდეს ეგჳპტედ, რომელ არს მისრეთი. რამეთუ აიღეს დედაწული და ხუასტაგი
Line of edition: 17    და ყოველი სიმდიდრე მათი, \ და მუნ დაამკჳდრნა სულტანმან მისრეთისამან, და აწ
Line of edition: 18    რომელ მულიმნი მისრეთით გამოვლენ, იგივე ალმუთელნი არიან, მუნ
Line of edition: 19    დამკჳდრებულნი.

Line of edition: 20    და ესრეთ რა ჴელთ იგდო ულო ალმუთი და ყოველი ხუარასანი, ინება ამჴედრება
Line of edition: 21    ყოველთა ნათესავთა ურჩთა, \ და მოსრვიდა კაცთა ესოდენ, რომელ ათორმეტი
Line of edition: 22    დღე ოდენ დაყვეს ერთსა ადგილსა ზედა, ამისთჳს რომე მოკლულითა კაცითა აღყროლდის


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.