ARMAZI
Kartlis Cxovreba II
Part No. 230

Page of edition: 230  Line of edition: 1    ყოველთა კაცთა (რამეთუ ჟამსა შინა ამისსა სრულიად სამეფოსა შინა მპარავი და
Line of edition: 2    ავაზაკი არა იპოვებოდა, და თუ სადა გაჩნდის, ძელსა ჩამოჰკიდიან), და სხუად არარა
Line of edition: 3    ნიჭთა მქონებელი. ესე განდიდნა მეფისა დავითის მიერ დიდად ერთგულობისათჳს,
Line of edition: 4    და ჴელთ უდვა სამეფოსა და სახლისა განგება, და დაუტევა ტფილისს, დედოფალს.

Line of edition: 5    წინაშე, რომელმან აღაშენა ისანთა პალატი, განგებითა დიდითა, და ფხოელნი მოხარკე
Line of edition: 6    ყვნა. და მეჯორედ ყვნა კაცნი იგი მჴეცისა ბუნებანი.

Line of edition: 7    და წარვიდა მეფე წინაშე ბათოსა, ხოლო მან პატივითა შეიწყნარა, და ყოველი
Line of edition: 8    სათხოველი აღუსრულა. და იყოფოდა მეფე წინაშე ბათოსა ჟამთა მრავალთა, და თჳთოეული
Line of edition: 9    თემის-თემისა ადგილი თჳთოეულ\სა კაცსა შევედრის, რომლისათჳს კახეთიცა
Line of edition: 10    პანკელსა თორღუას შევედრა, და ამცნო რათა ბრძანებასა დედოფლისასა ერჩდეს. ჰგონა
Line of edition: 11    თორღუამან არღარა მოსლვა მეფისა, უკუდგა პანკისსა ციხესა, და თჳსად დაიჭირა
Line of edition: 12    კახეთი, და არღარა მორჩილდებოდა დედოფალსა, და მესტუმრესა \ ჯიქურსა.

Line of edition: 13    მაშინ შეიწყალა ყაენმან დავით მეფე, და მოსცა სუქური საჩრდილობელი, რომელი
Line of edition: 14    სხუასა არავის აქუნდის, თჳნიერ ყაენთა და ნათესავსა ყათსა, და მოუმცნო ულოს,
Line of edition: 15    რათა თჳნიერ ულუსისა ნოინისა კიდე ურდოს შესლვასა \ მეფის ზედათ არავინ დადგებოდის,
Line of edition: 16    რამეთუ ესე იყო წესი თათართა, რომელ ყაენს წინ არავინ დაჯდებოდის,
Line of edition: 17    არცა პურისა ჭამასა შინა. ესრეთ პატივ-სცა მეფესა, და წარმოავლინა სამეფოდ ქართლად.

Line of edition: 18    და ვითარ მოიწია ჰერეთს, მიეგებნეს ყოველნი წარჩინებულნი სამეფოსა მისისანი,
Line of edition: 19    ხოლო თორღუა შეშინებული უკუდგა პანკისს, ხოლო მეფე მოიწია ტფილისს,
Line of edition: 20    და იყო სიხარული ყოველთა მკჳდრთა საქართველოსათა. ხოლო თორღუას მოუწოდა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.