ARMAZI
Kartlis Cxovreba II
Part No. 234

Page of edition: 234  Line of edition: 1    დაეცის, და არა თაყუანის-ცა. ბრძანა განყვაება გარე და წარავლინა ელგონ ნოინ
Line of edition: 2    რათა მოკლან ხალიფა და შვილნი მისნი, და რქუა ხალიფას: "ყაენმან შეგიწყალა",
Line of edition: 3    და იგი მხიარულ იქმნა და ეტყოდა: "ვითარ შემიწყალებს, განმიტეოს, და ბაბილოვანი
Line of edition: 4    მომცეს". ხოლო ელგონ რქუა: "არა, არამედ ყაენი თჳთ მისითა ჴელითა და
Line of edition: 5    ჴრმლითა მოგაკუდინებს, და ყაენის შვილი აბაღა შენსა შვილსა მოჰკლავს". და ხალიფა
Line of edition: 6    განკჳრვებული ეტყოდა: "უკეთუ მომკლავთ, გენე\ბოს ძაღლმან და გენებოს კაცმან
Line of edition: 7    მომკლას". და ესრეთ მოიკლა ხალიფა, ყოვლითა სახლეულითა მისითა. და შეიწყალნეს
Line of edition: 8    სხუანი დაშთომილნი ბაღდადელნი. და ბრძანა შენება, და დაყარნა შანანი, და
Line of edition: 9    ესრეთ სავსენი ტყუე-ალაფითა მივიდეს საიგურს.

Line of edition: 10    ამათ ჟამთა შინა იქმნა ესეცა, რამეთუ ყაენმან ბათო, რომელი უდიდეს იყო
Line of edition: 11    ყოველთა ყაენთა, ინება განსწორება და აღთუალვა ყოვლისა ქუეყანისა, და პოვა კაცი
Line of edition: 12    ვინმე, ნათესავით ოირიდი, სახელით არღუნ, სამართლის მოქმედი და ფრიად მართლის-მეტყუელი.

Line of edition: 13    და ღრმად გამგონე და განმზრახი რჩეული. ესე წარავლინა ყოველსა
Line of edition: 14    საბრძანებელსა მას მისსა რუსეთს, ხაზარეთს, ოვსეთს, ყივჩაყეთს, ვიდრე ბნელეთამდე,
Line of edition: 15    აღმოსავლით ვიდრე ჩრდილოეთამდე და ხატაეთამდე, რათა აღ\თუალოს და განაჩინოს
Line of edition: 16    მჴედარი და მეომარი \ ლაშქრად განმავალი ნოინთა თანა, დიდთა და მცირეთა,
Line of edition: 17    ღირსებისაებრ მათისა ულუფა, რომელ არს ძღუენი მიმავალთა გზად და ქირა ცხენისა
Line of edition: 18    და საპალნისა. და ვითარ განჩინა \ საბრძანებელსა ბათოსსა, მიერ წარავლინა
Line of edition: 19    ყარაყურუმს, ყბილ ყაენს წინაშე. რათა მანცა ესრეთ განაჩინოს ჴელსა ქუეშე არღუნისასა.

Line of edition: 20    და მი-რა-იწია ყუბილ ყაენს წინაშე, ინება მანცა ესრეთ, ქმნად, და წარავლინა
Line of edition: 21    იგივე არღუნ განგებად საბრძანებელისა მათისა და განუწესა იგივე წესი. და მივიდა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.