ARMAZI
Kartlis Cxovreba II
Part No. 248

Page of edition: 248  Line of edition: 1    მან ჰკითხა: "პაპა სარგის შენ ხარა?", რამეთუ პაპა სარგისს უწოდდეს თათარნი, და
Line of edition: 2    მან რქუა: "იგი ვარ". რქუა მას: "რაისათჳს განაყენე მეფე ჩემგან და არღუნს შემოები?".

Line of edition: 3    ხოლო სარგის არა მეცნიერ იყო ენასა მათსა, წარმოაყენეს სადუნი თარგმანად,
Line of edition: 4    რომელი ფრიად უყუარდა ულის, და დიდად პატივ-ეცა, რამეთუ იყო კაცი იგი
Line of edition: 5    გონიერი, და ენა-კეთილი, სიტყჳთა მარჯუე ყაენს წინაშე მეტყუელებად.

Line of edition: 6    მაშინ სარგის მიუგო: "დიდო ყაენო, არა იყო სხუა მიზეზი, რამეთუ მან მიიღო
Line of edition: 7    მეფობა დავითისი, ქალაქი და სოფელი, მან დაიჭირნა ეკლესიანი და ციხენი ყოველნი
Line of edition: 8    დაარღჳვნა. ბედნიერო ყაენო, არღარავინ გაგაგონებდა უსამართლობასა ამას, შეკრა
Line of edition: 9    კარი თქუენი ქრთამითა. ამის მიზეზისათჳს მე წარვიყვანე მეფე, რათა ბედნიერმან
Line of edition: 10    ყაენმან გაიგონოს და იკი\თხოს საქმე ესე, ვითარცა აწ კითხვასა ღირს მყო. ესეცა
Line of edition: 11    უწყოდი, ყაენო, რომელ სპარსნი ძუელითგან მტერნი არიან ჩუენ ქართველთანი.

Line of edition: 12    ამისთჳს არღუნს თანა ვყავ ბრძოლა და ომი, რამეთუ საქმე და უსამართლობა მეფის
Line of edition: 13    მიმართ ხოჯა-აზისისგან ვერღარა დავსთმეთ. აწ, ყაენო, მეფე უბრალო არს; მე ვარ,
Line of edition: 14    რომელმან განვაყენე მეფე კარისაგან თქუენისა". და განმრავლდა სიტყუა მათ შორის
Line of edition: 15    და მრავალგუარად უბნობა, რომელთა არა \ არს ჟამი თქმათ და წერად. და მეფეცა
Line of edition: 16    მრავალსა რასმე იტყოდა, და ენუქ არქუნ და დიდი იგი ნოინი სხდეს შუა და სადუნი
Line of edition: 17    იგი კეთილად თარგმნიდა, და კაზმევდა თქმულთა \ მეფისათა, რამეთუ მეფე ენა-მძიმე
Line of edition: 18    იყო მცირედ, მანკაბერდელი სადუნი კეთილ-მეტყუელებდა, და ყოველნი მოელოდეს
Line of edition: 19    ბოროტის ყოფასა მეფისათჳს, და სიკუდილსა სარგისისსა.

Line of edition: 20    მაშინ მოუვლინა ღმერთმან წყალობა მოსავთა მისთა, და აწცა დაიცვა, ვითარცა
Line of edition: 21    მარადის ფარავს. და ვითარ სიტყუასა უგებდეს ყაენი და მეფე ურთიერთას, მოვიდა
Line of edition: 22    კაცი დარუბანდით, გზის მცველთა ყაენისთა, რომელთა ყაფულობით უწოდდეს. რამეთუ
Line of edition: 23    არღარა განსრულებულ იყო სიტყუა, შევიდა ყაენის კაცი იგი ურდოსა ყაენის წინაშე
Line of edition: 24    და მოაჴსენა: "არა არს ჟამი მეტყუელებად, რამეთუ შეიძრა ულუსი დიდი დიდისა
Line of edition: 25    ყაენის ბათოსი, და შვილი მისი, ყაენი დი\დი ბერქაი, მოვალს გზასა დარუბანდისასა
Line of edition: 26    უმრავლითა, დიდად დიდითა ლაშქრითა".



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.