ARMAZI
Kartlis Cxovreba II
Part No. 255

Page of edition: 255  Line of edition: 1    სიკუდილი ყაენისა მათისა, წარიღეს მკუდარი და განვლეს კარი დარუბანდისა. ესრეთ
Line of edition: 2    დამშჳდნა ქუეყანა ესე.

Line of edition: 3    ხოლო თათართა გულად აქუნდის შიში ბერქას ლაშქრის გამოსლვისა, და ყოველთა
Line of edition: 4    სთუელთა წარვიდიან სიბასა ზედა. და ვითარ მოეახლის ჟამი სიბას წარსლვისა,
Line of edition: 5    მოუწოდა მეფემან სპათა თჳსთა და სარგის ჯაყელ-ციხისჯარელსა. ვითარ მივიდა
Line of edition: 6    სარგის დავით მეფესა წინაშე ტფილისს, ეგონა სარგისის განდგომილება ყაენს წინაშე,
Line of edition: 7    და დაივიწყა ნამსახურება \ განზრახვითა უკეთურთა კაცთათა. მოუწოდა პალატად და
Line of edition: 8    შეიპყრა შინა, და ტყუე ყო. და ვითარ ცნეს ესე აზნაურ\თა თანამყოლთა სარგისისთა,
Line of edition: 9    ივლტოდეს და წარვიდეს ყაენს წინაშე, და მოაჴსენეს აბათა ნოინსა, რათა მან განაჩინოს
Line of edition: 10    მეფისაგან დაჭირვა სარგისისი და მოაჴსენოს ყაენს აბაღას და სთხოვოს სარგის.

Line of edition: 11    ხოლო აბაღა ნოინი მივიდა წინაშე ყაენისა და ვედრებით სთხოვა სარგის,
Line of edition: 12    რათა იჴსნას ჴელთაგან დავით მეფისათა. ისმინა მსწრაფლ ვედრება აბათა ნოინისა,
Line of edition: 13    და მოსცა ელჩი, და წარმოავლინეს, და მოიწია ტფილისს, და წარიყვანა
Line of edition: 14    სარგის, და მოჰგუარა აბათა ნოინსა. და მიერითგან იქმნეს ჯაყელნი მორჩილნი
Line of edition: 15    ულოსისანი, ვიდრე ჟამთამდე მეფეთა შორის ბრწყინვალისა და საჩი\ნოსა დიდისა
Line of edition: 16    გიორგისათა.

Line of edition: 17    ხოლო მეფე ჯერეთ არა წარსულ იყო სიბასა, შეედვა სალმობა მუცლისა ძესა
Line of edition: 18    მისსა პირმშოსა გიორგის, რომელი სიკეთე-აღმატებულებითა სავსე იყო. განგრძელდა
Line of edition: 19    სალმობა ესეზომ, რომელ კნინღა მკუდარ საგონებელ იყო, და იდვა უჴმრად, უძრავად,
Line of edition: 20    სულთა აღმომფშვინველი, და მითცა ძლით. ამას მწუხარებასა და უღონოებასა რა
Line of edition: 21    მოეცვა მეფე და ყოველნი მკჳდრნი საქართველოსანი, მოეჴსენა მეფესა დმანისისა
Line of edition: 22    ღმრთისმშობელი, და წარვიდა წინაშე მისსა, და თჳთ წარმოაჩინა, ვითარ ყოველი
Line of edition: 23    უჴამურითა ფერჴითა მოჰყვებოდეს და მოეგებოდეს, მჴურვალითა ცრემლითა წყალობად
Line of edition: 24    მათდა აღძრვიდეს. მაშინ შეისმინა ვედრება მათი წმიდათა უწმიდესისა \ ღმრთისმშობელმან,
Line of edition: 25    და მყის შეხებასავე თანა, და პირსა ზედა შეხებასა, თუალნი აახუნა მსწრაფლ


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.