ARMAZI
Kartlis Cxovreba II
Part No. 277

Page of edition: 277  Line of edition: 1    კათალიკოსი და ნიკოლოზ მაწყუერელი ჯუანშერის-ძე, გარნა არავინ ყურად იღებდა
Line of edition: 2    სიტყუასა მათსა.

Line of edition: 3    და კუალად სხუანიცა აღმოსცენდებოდეს ბოროტნი, რამეთუ იწყეს ურთიერთას.

Line of edition: 4    მძლავრებად და მიხუეჭად, და არავინ იპოვებოდა სამართლის მყოფელი, რამეთუ იყო
Line of edition: 5    მღდელთ-მთავარი და მღდელი ლაღ-ამპარტავან, ანგარ-ბოროტისმყოფელ, უწესო. და
Line of edition: 6    ვითარ განვამრავლოთ სიტყუა, რამეთუ იყვნენ ყოვლით კერძო ბოროტ. მაშინ მოიწია
Line of edition: 7    სამართალი სასჯელი ცოდვათა ჩუენთათჳს.

Line of edition: 8    რამეთუ ზემოჴსენებული იგივე არღუნ წარმოემართა სამცხეს ხილვად სარგის
Line of edition: 9    ჯაყელისა, რომელი დაბერებულ იყო, და სენთაგან სიბერისათა დაჴსნილ იყო ყოვლითა
Line of edition: 10    ასოთა \ შემოვლო სომხითი, ტფილისი და ქართლი, მჴედრითა ორითა ბევრითა,
Line of edition: 11    და დიდად ავნებდა ქუეყანათა, დაღათუ არა ბოროტისმყოფელი, არამედ საზრდელისა
Line of edition: 12    ძლით დიდად დასჭირდა \ ქუეყანასა. და უგრძნაულად მივიდა სამცხეს და დადგა
Line of edition: 13    აწყუერს, და ცნა \ სარგის მოსლვა არღუნისი, და მივიდა მის წინაშე, იგი და ძე მისი
Line of edition: 14    ბექა. განკჳრდა ორთავე მოსლვასა, და სარგის წარიტანა ურდოს და ბექა დაუტევა
Line of edition: 15    სამცხეს; რამეთუ იყო მეხუთე კჳრიაკე წმიდათა მარხვათა, და წარმოვიდეს სამცხით
Line of edition: 16    მოვიდეს სომხითს, და მოიწია ვნებისა კჳრიაკე, და დიდსა ოთხშაბათსა შეიძრა მძაფრიად
Line of edition: 17    ქუეყანა, სამხილებელად უსჯულოებათა ჩუენთათჳს; და კუალად ხუთშაბათსა მცირედ
Line of edition: 18    შეიძრა, და არავინ გულისჴმა ყო, რათამცა წყალობად აღეძრა ღმერთი შემნდობელი,
Line of edition: 19    და ვითარ მოიწია პარასკევი ვნებისა უფლისა, კუალადცა შეიძრა.

Line of edition: 20    დაყუდდა, და არღარა იქმნა. და ვითარ მოიწია შაბათი, და იქმნა სამ ჟამად
Line of edition: 21    ხვალისა დღე ჯერ იყო სიხარული აღდგომისათჳს უფლისა და ყოველნი მოელოდეს სიხარულსა,
Line of edition: 22    ესოდენ რისხვით მოხედნა ღმერთმან ქუეყანასა, სიმრავლისათჳს უსამართლოებათა
Line of edition: 23    ჩუენთასა, რამეთუ საფუძველითურთ შეიძრა ქუეყანა და შეძრწუნდა ესოდენ
Line of edition: 24    რომელ დაიქცეს საყდარნი და მონასტერნი, ეკლესიანი, ციხენი, სახლნი, ნაშენებნი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.