TITUS
Svan Chrestomathy
Part No. 65
Previous part

Text: 61a 
Page of edition: 57 
Line of edition: 10 
61. მო̄შ-მო̄შ ნაპო̄ლრეშ, ქვინლჷ̄მგენა̄ლეშ ი იშგნე̄მი ლინწირ
Line of edition: 11 
ი ჲერხი ლა̈ნშანა̈რ

Line of edition: 12 
ა


Line of edition: 13       ლინწირ გუნ ხეჯრავა̈̄ნხ შვანა̈რს ჯვინალდ ი ჲერხის ათხეჲ ჩუ̄დ ხაჯრავახ,
Line of edition: 14    მარე ლა̈ჲდ ჩი̄ მა̄მა:

Line of edition: 15       გა̈გო ლახე ჰამს იყლვე̄ნნი ი მა̄რა უნცელად ქა ხესმი, ეჩას ესერ ცხეკისგა̈̄ მაყალვ
Line of edition: 16    ხოხალ.

Line of edition: 17       მჷჴლი̄ნდს ლახე მა̄რე მა̈̄ნკვი ჰაგა̈რ ქა ხეწდენი, ეჩას ესერ ეჯ ზავჲა̈ ლიჰგარვ
Line of edition: 18    ხოხალ.

Line of edition: 19       მეთნაფო̄ლ ლახე ჩვა̈თწინი მა̄რა, ეჯ ზავ ეჯ მა̄რე̄მი ლა̈ზგაისგა ბოფშრე ლეგდ
Line of edition: 20    ლირდე ხოხა.

Line of edition: 21       პა̈რპო̄ლდ ლახე ლეჟა̄ვ ესი̄ზინი მა̈̄ნკვი, ეჩქას მა̄რე ხა̈წრე, ლახე -- ლექვა̄ვ,
Line of edition: 22    ეჩქას -- პა̈რპო̄ლდ.

Line of edition: 23       მა̈̄ნკვი მჷჴნას ლახე ეჯჟი̄ნ ხეწდენ', ე̄რე ღა̈ნწვიშ ლექვა̄ვ ესი̄ზინი, ეჯას ლეგდ
Line of edition: 24    ლირდე ხოხალ.

Line of edition: 25       ჰამს მინზვე̄ ჩჷრჩხჷ̄ნ ურქვად ქა ხესმი მა̄რა, ეჯას ეჯ ზავჲა̈ ნა̈ტტველი როქვ ხოხა.
Line of edition: 26    მჷრშკ ლახე მა̈̄ნკვი ჭჷშხჟი̄ნ ა̈ხბველი მა̄რა, ეჯას ესერ ეჯ მა̄რე̄მიშდ მახე̄რა ხო ხა.
Line of edition: 27    შვა̈ლს ჴურუთე̄სგა ლახ ა̈ხრეკნე მა̈̄ნკვი მა̄რე თან, ეჯ ზავ ეჯ მა̄რე სევჲა̈ნ ი̄რი
Line of edition: 28    ჩიჟი.

Line of edition: 29       მებვი̄ლ ლახე მჷჟ ხეყვნი, ეჯჟი̄ნ ლახე ხეწდენი, ეჯ ზავისგა ხოლა̄მ ნჷნთე̄სგა
Line of edition: 30    დე̄მის შყედნი.

Line of edition: 31       შყა̈ჟვ ლახე მა̄რე̄მი სგვებინჩუ̄ნ ლაბჷ̄ლუვშ ჟ'ა̈ნპრენი, ეჯ ზავ მაყალისგა ირდი
Line of edition: 32    მა̄რე.

Line of edition: 33       ჴავიჩ ლახე ლერთან ფოყხა̈ნ ლაჯჩჷრჩხნი მა̄რა, ეჯას ეჯ ლა̈დღი ხოლა მირ ხოხა.
Line of edition: 34    ბაპრა̄ნდა̈რს ლახე ჰა̄ვდა̈რჟი ხეწდენი მა̄რე მა̈̄ნკვი, ვეფ ხეგნო̄ლხი ლაშდაბისგა.
Line of edition: 35    წა̈̄ვრარე, ყჷრყჷ̄ნ მა̈̄ნკვი ლახე ხესმი მა̄რა, ეჯას ლა̄ხვისგა ჰა̄ვდრია̈̄ნი ხოხა.
Line of edition: 36    მილცს ლახე ლჷცისგა მულცვნა ხეწდენი მა̄რე, ჭვეკქა ჩიგარ ხეყვლი̄ნნ' ე̄ჯ
Line of edition: 37    ზავისგა.
Page of edition: 58  Line of edition: 1    ნეხშტა̈ნ ვა̈̄ლ ლახე ხუნკვი ხესმი მა̄რა, ეჯ ზავისგა ტიშა̈რ ხერდვნი მასა̈რდ.
Line of edition: 2    ჟინღა̈ ძღჷ̄ლ ლახე ხესმი ხუ̄ნკვიდ მა̄რა, ეჯ ზავ ღველჲა̄ქრე კვა̈დ ხოხა.
Line of edition: 3    გვეჭს ლახე ეჩჟი̄ნ ხეწდენი მა̄რე, ერე ჭყჷლ ქა მა̄მ ხესმი, ეჩას ხა̈მრე ლიფშირ ხოხა.
Line of edition: 4    ღუნს ფირვ ლახე ხელო̄კე ი ეჩჟი̄ნ ხეწდენი, ლუნყუ̄რად ლირდე ხოხა მეზგაისგა.
Line of edition: 5    მოდბაშა ლახე სკო̄რუშეს ღჷრიხ ლადბა̈შთე, ეჯჲარე ლიწედს ლეხჲა̈დი ლიდი ხოხა.
Line of edition: 6    მჷჭმა ლახე ღვეშგდ ანტიხხ ლჷმა̄ლრე ნადა̈̄სგუნღო, ეჯჲარე ლიწედ ხოჩა ლი
Line of edition: 7    ეჯ ზავისგა.

Line of edition: 8       მა̈̄ლი̄დრე ქარვა̈ნ ლახე მა̈̄ნკვი ლაჭყჷ̄ლოშ ჴედნი, ეჯას ხოლა ლუფხვ ი მუსობ
Line of edition: 9    ხოხა.

Line of edition: 10       მაღლავ ლახე ლერსგვანხა̈ნ ლაჯჭჷრხნი, ისგვა ამახვს ა̈ხწინი, ეჯ' ე̄სერ ხოხა.
Line of edition: 11    ფიშირჷდ ლიხ ამკა̈ლიბ ჩი̄მი ლინწირ, მარე ჩი̄ ლახ ჟ'ათგენი მა̄რე, ჰა̈დურდ
Line of edition: 12    სურუ ხეფსი. აშ ალა ჩუ ლ', ე̄რე მო̄შ ნუკვი ლიხვჲე ნა̈პო̄ლრეშ გუნ ხეჯრავა̈̄ნ
Line of edition: 13    მუშვა̈ნ მა̄რა ი მო̄შ-მო̄შ ხესმო̄ლდა.



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.