TITUS
Svan Chrestomathy
Part No. 66
Previous part

Text: 61b 
Page of edition: 58 
Line of edition: 14 
ბ

Line of edition: 15    ალა ჟი ლჷჲირ გვა̄რა, ნა̈პო̄ლრე ნალხვიჲ, მარე ლიხ აჯაღ ეჯკა̈ლიბ ნა̈პო̄ლა̈რ
Line of edition: 16    ერე ეჯჲარე ჰერს ი ლიყლეს მო̄შ-მო̄შ ლა̈ნშანა̈რ ი იშგენ ხუღვეხ:
Line of edition: 17    ჰამს დო̄სგ ლახე გვა̈წინა̈ჲ (გვაწანი̄ლ) ლინთჲა̈ ონაჟი̄ნ ქორს ყო̄რისგა ხაჭჷრჭყჷნი,
Line of edition: 18    ეჯა ეჩი̄ ლა̈ნშა̈ნ, ლ', ე̄რე ეჯ ქორ ჲედ ეჯ ქორა̈ მერდე მახა გვეშს მირ იმჴერი.
Line of edition: 19    ლუფხვ, მახად ნაჴა̈დვ მჷჴლი̄ნდს, მა̈̄ნკვი ლახე მა̄რე ჰაგა̈რ ქა ხეწდენი ი ეჩჟი̄ნ
Line of edition: 20    ლა̈ხხო̄ლი ი ლახე მჷჴლი̄ნდ სგვებნა̄ვ ჭჷრჭყჷ̄ნს ჟ'ოხვჩიშე, ეჯა ეჩი̄ ლა̈ნშა̈ნ ლ',
Line of edition: 21    ერე ეჯ ზავისგა მა̄რა ნაჰგა̈რი ხე̄რა ი ჭიშხს ბაჩვ ხორკინვნი.
Line of edition: 22    ანღლა̈ბ ლადაღვ ი ჲედ ანღლა̈ბ ლადა̈ღ ლახა ჰამს მარა უნცელად გა̈გვე̄ ჰერ
Line of edition: 23    ხესმო̄ლდა, ეჯა ხოლა̄მდ ხომჴერა̈̄ნ მუშვა̈ნს ი ამი გუ̄ღა ჰამს ჩიგარ ლენცელს იდ
Line of edition: 24    ა̈სგდა მა̈გ, ერე გა̈გვე̄ ჰერ უნცელად ნომ ხასმე̄ნს. ლჷნცელაჟი̄ნ ლახე ხესმო̄ლდა
Line of edition: 25    მა̄რა ამი ჰერ, ეჩქას ყჷლა: მჷწნე̄ვ ჯა̄რ გა̈გოს ლა̈დინღოჲ ზა̈ჲდი ამჩიქდ, ხოჩა̄ვ ლ25 გვი გარ მი̄ზ" ი ეჩქანღო მა̄რე ჩუ იშა̄რდო̄ლდა.
Line of edition: 26    ღვამა̈ლ ლახე სოფელ ჟიქა̄ნქა ლაყჷრყჷნუშ ღჷრდას, ეჯ სოფელისგა ჲერვა̄ლე
Line of edition: 27    ჩუ იდგარო̄ლდა, მა̄დეჲ სოფლი ნა̈̄თი̄ დაგრა ხეკვჰენდა ესვა̄ლა.
Line of edition: 28    მინზო ლახე ჰამს უნცელად მა̄რა ლახჩჷრჩხნი̄ს, ეჯას ეჩი̄ მჷსმი̄ნა მა̄რე̄მი ხოლა
Line of edition: 29    ნა̄ზვ-ნამჩა̈დვ ხოხალდა კალვისგა ლამშვნაჟი̄ნ ჩიგარ.

Line of edition: 30       გა̈გო ლახე უნცელა ზურა̄ლს ჟი ხა̈წრა, ეჯას ხოხალდ'ე̄რე ლა̄შგა̈̄ლჟი̄ნ ზურა̄ლს
Line of edition: 31    უბრაქვ ში ხე̄რო̄ლ ეჯ ზავ ი ნა̄შგვ-ნაყა̈̄ლვი̄ უბრაქვ ხე̄რო̄ლ.
Line of edition: 32    ლახე უნცელა მა̄რა ჴა̈დ მეგა̈მთე ხე̄რო̄ლ ი ეჯ მეგემს მაყგუნა ლახე ხეშდე̄ნკა̄ლ
Line of edition: 33    ნო̄ლ, ეჯას ეჯ მა̄რე̄მი ჴა̈დი ლიყურყუნი ხოხალდა.

Line of edition: 34       ღვამა̈ლ ლახე უნცელად ჟიქა̄ნჩუ ლახყჷრყნი̄ს, ეჯას ეჯ ზავისგა ეჯა ხოხალდ'
Line of edition: 35    ე̄რე, ეჯ მა̄რა ჩილადა̈ღ ჴადვისგა ხოლა მიჰმა̈ნ ხე̄რო̄ლ.

Line of edition: 36       მუჟჴვარი̄ლ ლახე ჰამს უნცელად მა̄რა ლახჭჷრჭნი̄ს, ეჯას თერა̈რქა წიწვ
Line of edition: 37    ხოხალდა.



Page of edition: 59 
Line of edition: 1 
ბ) გადმოცემები, ამბები



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.