TITUS
Svan Chrestomathy
Part No. 69
Previous part

Text: 64 
Page of edition: 60 
Line of edition: 6 
64. აკჷლდამა̈რ ი კარა̈რ შვა̈ნისგა


Line of edition: 7       შვა̈ნს ჯვინალდ გუნ ეზერ ლისყე̄ნე ხახლე̄ნახ აკჷლდამრეშ. ამნოვშ ჲერხი თემა̈რ
Line of edition: 8    ლჷდგარუსი ლჷმლაგვნინხ ი საფლავრე ლიბჷრჯე̄ ჭირსი ქა ლჷმქადვინხ.
Line of edition: 9    აკჷლდამა̈რს ძღჷდ მა̈ბციე̄რ მეზგა̈̄ლ ი თემა̈რ გარ ლჷმსყა̈ვინხ. ალჲა̈რთე̄სგა
Line of edition: 10    სამხუბვა̈რ ლჷდგარუს სგა ლჷმგა̈მვინხ კუბვარშვ. ჟი ლუმგვა̈შლო̄ლინხ, ეჩქას
Line of edition: 11    მე̄რმა̄დ ლჷმგა̈მვინხ.

Line of edition: 12       ჯვინალდ მაყლობ ლჷმა̈̄რლი ჩიჲა̈̄გ შვა̈ნისგა ი ჲერხი მეზგა̈̄ლ უშხვა̄რთე ლაზელ
Line of edition: 13    ა̄ლდ ორუნჩუ̄ნ კა̈რს ლჷმსყა̈ვინხ. ალ კარა̈რ ათხე̄ჲ ჩუ სიდხ იმე-იმე. ჩუქა̄
Line of edition: 14    გიმ ლი. ეჩხა̈ნ-ამხა̈ნ ჭვა̈დვა̈რ გა̈რ ლჷგხ, ჟიქა̄ნ ჩიქე კაშვ ლიხ ჟი მენკვე ი ეჩქან
Line of edition: 15    ღო გირწყალშვ ჩუ ლჷგჷრწყილავე. ჟიქა̄ნ აჯაღჷდ ვერ ხაფრა ი გუდ ლაჴა̈დ მა̄მ
Line of edition: 16    ხა̄რ, იმე დო ლი კა̈რ. ამი̄შ ეჯ მეზგა̈̄ლს გარ ხოხალდახ ე, ჲესვა̈̄ჲ ამკა̈ლიბა̈რ ჟი მჷ
Line of edition: 17    სყე ხა̄დხ.

Line of edition: 18       მესტჲას ჯგჷრა̈̄გი ჰა̈ზვისგა ოხვიშდ ღეთ ლჷგხ აკჷლდამა̈რ. ეშხუ ჩა̈რთოლა̄ნრეშ
Line of edition: 19    ლი ი ათხე̄ჲ ლაჴმა̈რდ ხუღვეხ, მე̄რმა̈̄ლს და̈̄რ იჴმა̈რი ი თესი და̈̄რ ხა̈ხვტინე,
Line of edition: 20    მარე ქა თერახ, ეშვა̈̄იშ ლიხ.

Line of edition: 21       ალ ჯგჷრა̈̄გი ჰა̈ზვხა̈ნქა ჯვინალდ სეტელშე̄რ ბაპ ფუთუს კა̈რ ხა̄რა მჷსყე მიჩა
Line of edition: 22    ქორთე̄სგა ი ლა̈წჷრველჟი̄ნ ალ კა̈რქა ლჷმზელა̈̄ლ ჰილვშ. ათხე ჩუ ლუქვმე ლი ალ
Line of edition: 23    კა̈რ, მარე იმე-იმე ქა̄დ ხეთრა. ჯგჷრა̈̄გი ჰა̈ზვისგა ჩეი̄ კუბი ანგვა̈ბ. გუდ ლაჴა̈დ ლ',
Line of edition: 24    ერე მასა̈რდ ლჷმბეც მეზგა̈̄ლ ლჷმა̈რდხ შვა̈ნისგა ი ანღელს ლ', ე̄რე ჯვინელ აკჷლ
Line of edition: 25    დამა̈რისგა ობა̈შ გა̈ნზ ანგვებს. ლაღმი მაცხვა̈̄რს ქა̄მეჩუ̄ნ ი სგა̈̄ნჩუ̄ნ ჰა̈ზვისგა ობ
Line of edition: 26    ა̈შ აკჷლდამა̈რ ლჷმგენხ, მა̄რე და̈̄ს ხაშყიდ ი დე̄ჲ ხასმა ჲა̈ს, მა̈ჲ მეზგა ი სამხუბს
Line of edition: 27    დო ხოგა ი იშა დო ლიხ. ლენჯა̈̄რი ობა̈შ ლჷგხ აკჷლდამა̈რ. ჲერხი ეჯ ჩიქქა გვებ
Line of edition: 28    ნიხ საფლა̈ვი ლაბჷრჯაჟი̄ნ, ერე ეშ და̈̄რ ა̈ნღლი. ალჲა̈რჷნქა ჲერხი სოფლა̈რს ჯვე̄
Line of edition: 29    დჲახა̈ნ სტუ̄რარშვ ლიცი ხა̄რახ ლუკვა̈რ . ალჲა̈რ სგა̈̄ნ ვერი სტუ̄რა̈რ ლიხ, ქა̄მენ
Line of edition: 30    ქა ჩუ ლჷგჷრწყილავე, ეჩქანღო უშხვა̄რ ხო̄გხ ეჩჟი̄ნ, ერე კკუკუმ ლიც დე̄მის ხოჩ
Line of edition: 31    დენიხ, ეჩჟი̄ნ შეკჷმბვი̄რდ ლემსყა̈ვინხ ჯვინალდ ხოშა̈̄ლ.


Line of edition: 32 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.