TITUS
Svan Chrestomathy
Part No. 68
Previous part

Text: 63 
Page of edition: 59 
Line of edition: 23 
63. თამარ დეთფა̈ლი ლა̈̄რტყ


Line of edition: 24       თამარ დეთფა̈ლ ეჯკა̈ლი ხოჩა თვალა̈შ ლჷმა̈̄რლ' ე̄რე დეცლჷფარ ჩუქვა̄ნ
Line of edition: 25    ეჯგვა̈რ და̈̄რ ლჷმჷრდე̄ლი. ჩიე̄სგი ხელწიფს გუ ხა̄რ' ე̄ჯნა̈რ, მარე დე̄მთე ლოხვშ
Line of edition: 26    გედა ლი̄ზი ი ტველდ ჟი და̈̄ს ლჷმკიდვინ. ლახე ქა დო̄მ ლჷმა̈̄ზ, ეჩქას ხელწფა̈რ
Line of edition: 27    ლიშჲა̈̄ლს ხაგცხადვნახ, მარე თამა̄რ დეთფა̈ლ ი მიჩა ლაშგა̈რ ჩი ჟი ხა̈წნო̄ლდახ
Line of edition: 28    ლა̈შია̄ლისგა. თათრი ხელწიფ ეში̄ დე̄მჟი̄ნ ხა̈კდუნა ჰაჯს. ლიშია̈̄ლი ხვა̈ინ ხა̄რახ, ლ28 მარე ეში̄ დე̄მჟი მოშ ოხკვარა ცხას თამარ დეთფა̈ლ. ეჩქას ხო̄ქვა: "მიჩა ლიგნ'
Line of edition: 29    ე̄სერ ეჩქად მა̄მა ლიზ ბაც, ოდე დო თამარ დეთფა̈ლს ედ ლჷჲა̈რს ი მა̄დეჲ ლჷდგ
Line of edition: 30    ა̈რს ჩუ დო ა̈დხვიე̄სგი. საფლა̈ვისგ' ე̄სერ ლახე ირდი, ეჩის ესერი ჟ'ა̈ნთხინე,
Line of edition: 31    ლჷდგა̈რს ჟ'ა̈ნშდუღვე̄რი ი ეში̄ ესერ ადი̄ნე ი ეში̄".

Line of edition: 32       ობა̈შ ხა̈ნ ახა̄რახ ამჟი̄ნ. ღვეშგმეპილს ლოხვთჷრა თამარ დეთფა̈ლს, ერე "სერ
Line of edition: 33    ესერ ხვა̈ჲ ხა̈ნს მერდე მა̄მა ლი ამაბა̄სდ". ლოხვბინა ჩი̄თე ლი̄ზი ლაქა̈̄ბდ, მარე ჩუ
Line of edition: 34    დე̄მე მოშ ლჷმსკა̈ბვინ. ჩია̈̄გ ხაყვლინნ'ე̄რე "მიჩა საფლა̈ვს ესერ ჟ'ა̈თნხინე თათრი
Line of edition: 35    ხელწიფ". ჰარა̈კ უშგულთე̄ჲ ა̈მჩედ ი ეჩეჲ ოთგა სალუნთ ი სანზავ სანგეჭვ მურყ
Line of edition: 36    ვმა̈რ, მარე ეჩე̄ჲჲ დეშ ა̈მსკებელი. ღვეშგმეპილს ჰეცერთ'ა̈̄მჴედ ი ჩვა̈მსედ ოთარშე̄
Line of edition: 37    რმჷყ. ამის ხა̈ნჴრინა ეშხუ ხოჩა თვალა̈შ ვა̈ზირ, ჟახად შოთა ხაჟხე̄ნა. ალჲა̈რ
Line of edition: 38    ეჩჟი̄ნ მალტა̈̄რ ჩუ ლჷმა̈̄რხ, ერე მჷფცხჷ̄რე მა̄მგვეშ მოშ ლჷმფჷცხჷ̄რვინ. დაგრო
Line of edition: 39    ბა̈ პილ ახჴედ', ე̄ჩქა მიჩა ლა̈̄რტყ ოთარშე̄რ ლჷფკე̄ლდ ხოსჩუქვრა ი ჩვალდაგა̈რ.
Page of edition: 60  Line of edition: 1    შოთაჲ ეჯ წა̈მჟი̄ნ ალდაგა̈რ ი აშხუდ ოთშდუღვახ ჩეი̄ კუბშვ ეცერისგა. ალ
Line of edition: 2    ლა̈̄რტყ ჩუ ხარდე̄ნახ ოთარშე̄რ (\\ ოთარშე̄რს) ი შომვა̈̄ჲ თენგიზ ოთარშა ჩვიბი
Line of edition: 3    ოთარშა ნამა̈̄ტვ ლეჩხუმთ' ა̈̄მჩედ, ალ ლა̈̄რტყ შუნ ლო̄ხვია ი და̈დია̄ნშე̄რ ლჷფკე̄
Line of edition: 4    ლდ ლოჰოდა.


Line of edition: 5 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.