TITUS
Svan Chrestomathy
Part No. 99
Previous part

Text: 94 
Page of edition: 82 
Line of edition: 12 
94. სალდათობ


Line of edition: 13       მა̈̄ნკვი რვისი მთავრობ ა̈მჴედ, ეჯა მა̄მ მაშყიდ ხოჩა̄მდ. მა̈̄ნკვი̄შქა მა̄მ ლჷმა̈̄რ
Line of edition: 14    სალდათობ ი ეჩქანღო გარ ა̈ნბინეხ ფისრაუდ. მა̈̄ნკვი ზავ კენჭობ ი სალდათობ
Line of edition: 15    ა̈ნბია̈̄ნ ეჯ ზავ ამხვიე̄ნა მიი კენჭთე ლი̄ზი. ეჯ ზავ მი სა̈ვჲა̈ ლა̈ჭმას ხვარდ ი ეშხვი
Line of edition: 16    თვე მიკა̈ლდა ვადა̈̄ ქა ლიზგჷრა̄ლა̈̄ლდ, ეჩქას მიშგვი ბიძა̈ჲ ანჴა̈დ სგა სა̈ვთე ი ეჯა
Line of edition: 17    ლა̈მცა̄დ ლა̈ჭმას. მი ქ'ო̄ღვერ ა̈გითე. ეჩქას კენჭობ ბეჩვის მა̄დ ლა̈სვ ი ლა̈შხთე
Line of edition: 18    ხა̄დ ჩი̄ ლე̄ზი. ა̈ხვმა̄რა̈ნ ჟი. მიშგვი მუ ი ბიძა̈ჲ ოთარშე̄რთ' ა̄ჩა̈დხ, ჯა̈ნსუხვიშთე.
Line of edition: 19    ჩხარა ლჷნგა̈ზ ღუნ ოთჴიდხ ი ვარჩხლი ნა̄ჭა ძღვენდ ი მიშგვი თხვიმი სგა ლახჴჷ̄რნეხ
Line of edition: 20    ესნა̈რ. ღუნ ი ნა̄ჭა ჩვესცვირხ ი მინ ა̈გით' ა̄ნჴა̈დხ ლახე̄ნა̄ლუშ: "ჯა̈ნსუხვს ესერ
Line of edition: 21    ეჯკა̈ლიბ იმედ ხო̄ქვა, ერე სერ მი დე̄მის მა̈ჲე̄სგიხ. სალდა̈თდ ლი̄ზა̄ლე დვრევ ანჴა̈დ,
Line of edition: 22    ეჩქას ლოხვჴერდად უშხვა̄რ მი ი ო̄შთხვ მიშგვ ა̄ფხნეგ (ნიშგვეჲ სოფელხა̈ნქა
Line of edition: 23    ოხვიშდ ხვა̈სვდ მე̄ზი) ი ოჩა̈დდ ლა̈̄შხთე. სამწჷხვდ ნიშგვეჲდ ეშხვი თვიმენ ლამე̄მხ.
Line of edition: 24    მე̄რმა ლადა̈ღ სგ' ო̄ჩა̈დდ ლა̈̄შხთე ი ეჩხე̄შ ი ამხე̄ შვანე ლესჷლდა̈თ მახეღვა̈ჟ
Line of edition: 25    მა̈გ ჩვა̈თვნა̈ზო̄რა̈̄ნდ. ობა̈შ მა̄რე ხვა̈სვდ ი ჩიე̄სგი სოფლი მამასახლა̈რი ეჩ'
Line of edition: 26    ა̄რდახ. მი თხვიმ გეზალ ხვა̈სვ ი ხაკუჩ, ერე ნომმ' ო̄თხუჲე̄ნ. მა̈̄ნკვი სგა̈̄მჰერხ, ეჩქას
Line of edition: 27    მა̈̄ქვხ, ერე "ა̈გითე̄ვ ესერ ოდე, თა̈ვისუფა̈ლ ესერ ხვი". მა̈ჲ საკვრელ, მასა̈რდ
Line of edition: 28    ამხი̄დჷნ ი ქ'ო̄ღვერ. ნა̈ბზა̈ დვრევთე ა̈გითე ლიჭვე̄ნის ყულედ, ამჟი̄ნ ჩაფა̈რ ანჴა̈დ
Line of edition: 29    ი ნა̈̄ქვ, ერე "მჷხა̈რ ესერ კენჭ ნა̄რ ჩი̄ ლეკვედ". მე̄რმა ლადა̈ღ კენჭი ლიკედ ლა̈სვ.
Line of edition: 30    მი ჩვამხვი̄დდა კენჭ. ეჩჟი̄ნ ლჷშდჷრკი̄ნე ხვა̈სვ ნასავ, ერე ქა მა̈ჲა̈̄სგდახ, მარე ეშხუ
Line of edition: 31    ფხულე ფჷრი მა̄რ ტვეტიშ ი ამი̄ ბა̈დშვ მა̄მ ამჲეხ. შვა̈ნხა̈ნქა ეშდ მა̄რ' ა̄თხვი̄დ
Line of edition: 32    სალდათობ. ალჲა̈რს ჩიემ თვით მანა̈თ ჟ'ოხვზვერდ საჩქვა̈რდ ი ა̈გით' ო̄ნჴვა̈დდ.
Line of edition: 33    ეჯჲა̈რ ღალ შიშდ ადჲეხ ი მა̈გ ჟ'ანხვა̈ტხ.


Line of edition: 34 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.