TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 24

Text: 23

Line of edition: 20

23. მო̄შ-მო̄შ ლა̈მზ̄რ ა̈დგილა̈რ ი ეჩე ლიმზრ

Line of edition: 21       1. ჰლიშ. ჰლშიე̄რ ხა̈მთქვახ შვა̈ნს, პა̈რპო̄ლდში ვიჭმ ჟი იბნი, ეჩქას
Line of edition: 22    ი ღნ ლი ჲარვ ლადა̈ღ.

Line of edition: 23       მაშე̄ნე ღნ ჰ̄ლშიე̄რ ხემთქვა^̄̈ნხ მესტიას ი ლენჯა^̄̈რს. ეჩქა^̄̈ში ლიმზრეშ ნა̈ღვლა̈ჲ
Line of edition: 24    როქვ ხა̄რ მესტჲას ი ლენჯა^̄̈რს ი ალა ლმა^̄̈რ ამჟი̄ნ: აშხვ ზავ ესნა̈რ მასა̈რდ
Line of edition: 25    გვა^̄̈ლიანობ ლმა^̄̈რ ი ზა̈ჲ დე̄სა ა̈მჴედ. მე̄რმე ზავ ჩვალნა̈ზო̄რე̄ლიხ მესტჲა̄ლა̈რ ი
Line of edition: 26    ლენჯა̄რა̈რ ი ჟ'ოხღულჲახ ჰლიშ ი ათჴრე̄ნახ ჲელ ლენჯა^̄̈რიშს ი ჯგრა^̄̈გ მესტია^̄̈შს
Line of edition: 27    ი ჲორი ლადა̈ღ ჟი ლოხვცხატახ ელჲა̈შ ი ჯგრა^̄̈გი ლა̈მზრდ.

Line of edition: 28       ლენჯა^̄̈რ ჰლშიე̄რს იჩომდახ ამჟინ ა: ჰლიშთე̄'სგა ო̄შთხვ-ოხვიშდ ნაგზი
Line of edition: 29    ხო̄ზ" ე̄ჩქას სოფელ ქა ითში ო̄შთხვ მეზგა. ალ ო̄შთხვ მეზგე ქა ხაჭიმ მეზგან ი
Line of edition: 30    მეზგან ი თვით თა̈ს ჭმინს იზრი ლეჰრა̈ყიდ. ეჩნქა ჲერვა^̄̈ჲ პა̈რპო̄ლდა̈შთე̄სგა ვებიშ
Line of edition: 31    ი საფტინს ხაშდბა ი იგმა^̄̈ლ, ეჯას თვით კარა̈ნ ჭმინს ხაკედხ. ალ ნაზორ ჭმინს
Line of edition: 32    ჩვაჰრა̈ყიხ ი ჟი იშვხნიხ ჰლშა̈შდ. ჰლშა̈ ვებილადა̈ღ ალ ო̄თშხვ მეზგე̄მი ზურალა̈რ
Line of edition: 33    ქა ხეჭმენიხ სოფელს ი თვით გვეგინა̈ჲ თა̈სს კვეცნა̈ ფექს იზვრიხ ლესკრარე
Line of edition: 34    ნა̈ტფუნდ.

Line of edition: 35       ღვაჟა̈რ ამ ლადა̈ღ ღუნვა̈რს იყდიხ ი ჲელმ̄ყ ლიღუნვა^̄̈რის იჩოხ. ჰარა̈ყ,
Line of edition: 36    ლეღვ ი დიჲა̈რ მასა̈რდ ხუღვეხ ი ჰამუნღვე̄ ნა̈ბოზდ ხინ, ხიად ი ლიმზრ ხა̄რხ.

Line of edition: 37       საფტინ ლადა̈ღ ჰამს ღვაჟა̈რ ქა̄დ ხაჭიმხ სოფელს ი მეზგე მა̈გ თვით ქივს ხოჴდე,
Line of edition: 38    ესვა^̄̈ჲ ლა̄შგ ხა̄რ. ალ თა̈შ ამ ლა̈დღი ქუთვარე ნა̈ჩდუნია̄ქ ხა̄რხ.

Line of edition: 39       ზურალა^̄̈რ ჴიცს ჟი იშგურდენიხ ი ხოშა̄მ ლესკრა̈რს ანყეხ თა̈ში ლჩი̄დს. ალჲა^̄̈რ
Line of edition: 40    ხაკუჩ, ერე ქა მჭანღო ჩვა̈დქუცუ̄რე̄ნხ ი ეჩჟი̄ნ ა̈თრიგვენხ მესვფელს, ჲერვა^̄̈ჲ
Line of edition: 41    ჰარყი მთრე ჩუ ი̄რი. ისგლადა̈ღუნღო სოფელ ჩუ იზვრი ჲელმყ. ხოხვრა^̄̈ლ
Line of edition: 42    ლიხი̄რვილს იბნე́ხ: ჲერხი ბა^̄̈ჩს აკვა̄ნეხ, ხოშა მახეღვაჟა̈რ ლგრათე ითვე̄ფ. ლგ-
Page of edition: 18 Line of edition: 1    რე ბიკს ხა̄რ ჟი ლჭი̄რხ ი ეჩე̄სგა ა^̄̈რი. ხოჩა მეთვეფ ქა ხატყცი ლგრა. ბიკს ფინდხა̈რ
Line of edition: 2    სგა ხესდენიხ. ნა̈ბოზს ლგრა̄ლე მგემ ჩვაცლრე ბიკს. ფინდხა̈რს ქა ითში
Line of edition: 3    ბიკხა̈ნქა. ფინდხა̈რ ჩუ ლლტნე ლიხ, მარე ალჲა̈რს ჩი̄ მახად ა̈ჰნე ი აშხვ ლუტვს
Line of edition: 4    ხაფსე. სოფელ ერ მა̈გ ჩუ იტყვბი, ეჩქას დორჲარშვ ჰარა̈ყს ჴიდეხ ელთექა, ფიჩქარშვ
Line of edition: 5    _ ლესკრა̈რს ი ჟი ხა̈მზრიხ ელს ი ხეჴ̄რა^̄̈ლხ და̈რიშ ი ჰავდრი მასგვობს. ამ
Line of edition: 6    დვრევს მესტჲახა̈ნ ჴედნიხ ლწსე მარა^̄̈ლ ეშდოხვიშდ ღეთ. ალჲა̈რს სგვებნავ
Line of edition: 7    ჟი იხურჲე̄ლეხ, ეჩქანღო ლაჭშხა̈შს რიღვეხ. ლგრათე ხეთვეფხ ი იხი̄რვილხ, ეჩქანღო
Line of edition: 8    ალჲა̈რს მეზგათე ინჴრინეხ. ეჩე მუშგვრარეშდ მო̄შ ტაბა̈გ ხარხ ლმა̄რე,
Line of edition: 9    ლაჲსალი ხა̄რხ ლზიჰ, ხოჩა ხა̈რჯ _ მსყე. მუშგვრა̈რცახა̈ნ ლენჯა^̄̈რი ლთიშ
Line of edition: 10    მა̄რა^̄̈ლი ა̈რიხ, ჩუ ისგვრიხ ი ისგლა̄თვ ხინ ი ხიად ი ლა̈ხი̄რულ ხა̄რხ.

Line of edition: 11       ჟი̄ბ, ელმყ, სოფელ ჩუ ისგვრი. თვით ლესკრი ნა̈კვიშს ჩი ქა ხაჰვდიხ, ჲერვა^̄̈ჲ
Line of edition: 12    ჰარყი მთრე ლი, ვარჩხლი თასარშვ ჰარა̈ყს ათვნა^̄̈ლიხ ნაბოზდ. იმჟი ჲა̈ს ხაკუ,
Line of edition: 13    ეჯჟი ჲთრე მა̈გ ი ნა̈ბოზს მაშდმა^̄̈რ ჟი იგნა^̄̈ლხ. ჟი ნა̈გნა̄ლუნღო დაბა̈რთე ჩი̄რხუვა̈რს
Line of edition: 14    ხეთვეფხ ი ამჟი̄ნ ლაღრა̄ლუშ ჩუ ფხეჟნიხ მა̈გ.

Line of edition: 15       მიშლადა̈ღ მესტჲას ხა̈მთქვახ ჰ̄ლიშ. ამ ლადა̈ღ ხა̈ლხ ჩუ ინზვე̄რი, მე̄რმა სოფელხა̈ნი
Line of edition: 16    ხვა̈ჲ ჴედნი მესტჲა^̄̈ ჰლიშთე, ეჯღ' ე̄რე ამ ლადა̈ღ ჩა̄ჟრე ლიმქრა̄ლვნე
Line of edition: 17    ხა̈მთქვახ. ამღა მერმე მესფელა ხოჩა̄მ ჩა̄ჟა̈რს ჴიდეხ. იგსლადაღვ ლა̈ხირუ̄ლ, ბა̈ჩა̈
Line of edition: 18    ლიკვა̄ნე ი ლითოფ ხა̄რხ ლგრათე, ნა̈ბზა̈ დვრევჟი̄ნ ჯგრა^̄̈გი საყდა̈რხა̈ნქა ქა
Line of edition: 19    ჴიდეხ ლემს. ლჩა̄ჟუ, ოშვა^̄̈ჲდ დო ი̄რიხ, ჟი ლუყვბე ლიხ. ამ ლადა̈ღ მჩა^̄̈ჟი მმსტივ
Line of edition: 20    გარ ლი, მე̄რმა მესვფელს დე̄მ ხასგვრეხ ჩა̄ჟვ, მარე ჟი იდჲა^̄̈ნიხ ჩა̄ჟა̈რს.

Line of edition: 21       ეშხუ მელჯგრა^̄̈გ ჟი ილჯენი ლემს ი ამჟი̄ნ ლაჴვმი̄ლდხა̈ნქა ი ლეჟა^̄̈ ბოგდ
Line of edition: 22    უსგვა̄მინ ლეჟა-ლექვა იტხეს ლაჭმუშ ჩა̄ჟა̈რს ლემ ერვა^̄̈ჲს ხოლჯა, ეჯას გუნ გარჯ
Line of edition: 23    ხოჴდენი, ეჯღ' ე̄რე ბიქვ ლემს ქ'ა̄ბე̄ლე ი ეჩქას მასა̈რდ გვა̈მი ლი. ხვა^̄̈ინ ლ̄მა^̄̈რ,
Line of edition: 24    ერე ჩა̄ჟრე ლამქრა̄ლჟი̄ნ ობაშ მეშყდე̄ლი ჩა̄ჟვხა̈ნჩუ̄ნ, ჲედე ჩა^̄̈ჟ ლუჟო̄რე̄ლი ჩუ,
Line of edition: 25    ეჩქას ჩუ ლჴა^̄̈ფ ლი ი მა̄რე̄ჲ ჩუ მეშყდე̄ლი. ამ ლადა̈ღ ლენჯა^̄̈რხა̈ნი ჴედნიხ მესტჲათე
Line of edition: 26    მუშგვრა̈რ ეშდ-ეშდოხვიშდთეჟი̄ნ. ალჲა̈რს ეშხუ ლერქვა̈შ ჰარა̈ყ ხუღვეხ.
Line of edition: 27    სგვებნა̄ვ ჯგრა^̄̈გი ჰა̈ზვისგა ჟი იკურჲე̄ლიხ, ეჩქანღო ლაჭშხაშს ფხიჟეხ. ალჲა̈რს
Line of edition: 28    მესტჲა^̄̈ ლთიშ ხეხო̄ლიხ, ჩუ ისგრიხ ჯგრა^̄̈გი ჰა̈ზვისგა ი ალ ჰარა̈ყს ჩუ ჲთრეხ.
Line of edition: 29    ეჩქანღო მესტჲა̄ლა̈რ ქ'ა^̄̈წჰიხ ლენჯა̄რა̈რს, სგ'ა^̄̈ჲე̄სგიხ მეზგათე̄სგა ი გუნ ხოჩა̄მ
Line of edition: 30    ხინს ხოსყე̄ნეხ. ისგლა̄თვ ხინ ხა̈რხ ი ეჩქანღო ჩუ ფხეჟნიხ. ლენჯარა̈რ მინე ქორთე
Line of edition: 31    ღრიხ ი მესტჲა̄ლა̈რ ქორს სედნიხ. ჰლშიე̄რ იშგნა^̄̈გი ხა̈მთქვახ. ჩუბეჴევს თეკერისგა
Line of edition: 32    ჩა̄ჟრე ლიმქრა̄ლვნე ხა̈მთქვახ, მარე ლემ ი დურშა̈ჲ ეჩე მა̄მ ხუღვეხ, მარე
Line of edition: 33    ხინ მო̄შ ხა̈მთქვახ. ეჩე ლასკა̈რნ ი ლასკა̈რნ ისგვრა^̄̈ლ მა̈გ. მიჩა-მიჩა მუშგვრი
Line of edition: 34    ჩი ხაყა, ეჯღ'ე̄რე ამ ლადა̈ღ ბა^̄̈ლნჩუ̄ნ მა̄რე ფიშირ ღრი ჩუბეჴევთე ი ჟი ხელა̈კ
Line of edition: 35    ეჩეჩუ̄ნა̈ ღნს ი ხოჩა̄მ ლარდას ი ხინს.

Line of edition: 36       ჰლშიე̄რისგა ღალ ფიშრა̄მინ ლჩი̄დლი ტე̄ვა. ამის ლიყა^̄̈რჲე̄ლ ხაჭმა ი ფიშირ
Line of edition: 37    მეჩდე̄ ლი ქორთე და̈თქლიფა^̄̈რ, თხვიმ მეკვშე.

Line of edition: 38       2. უღვლა̈შობ. უღვლა̈შობ ალა ჩუბეჴევს ხა̈მთქვახ ყვილჲე̄რისგა.
Line of edition: 39    მა^̄̈ნკვი ჟი იყვბა^̄̈ლხ მახეღვაჟა̈რ ი ქა ითშიხ ყაენია̄ქს(\\ დოლფანა̄ჲს ), ეჩქანღო მიჩა
Line of edition: 40    აფხნეგა̈რს ი მოსმართლას. ამ ლე̄თ ჟი იყვბა^̄̈ლხ დოლფანა̈ჲ ი მიჩა აფხნეგა̈რ. ყაენ
Line of edition: 41    ქ'ა̄ზზი აფხნეგა̈რს ჩი მეზგათე. ალჲა̈რდ ხაკუჩ ერე ა̈დქვითეხ მეზგახა̈ნქა მა̄ლე
Line of edition: 42    ბა̈რგ ი სგ' ო̄ხჴ̄დეხ დოლფანა̈ჲს. ალ ბა̈რგს მოსმართლა ჟ'ალგვენიხ ი ხაკუჩ ერე
Line of edition: 43    ამი̄ ნაფა̈ს, ჰი̄ბა̄რ ქ'ა^̄̈დჴდეს მეზგე̄მ ჰარაყვშ. მე̄რმა ლადა̈ღ ჟი ინზო̄რა^̄̈ლხ. დოლფანა̈ჲს

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.