TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 29

Text: 24

Line of edition: 19

24. ჯვინალდ ლფშირ მეზგე̄მი აშხუდ ლირდე,

Line of edition: 20       ლიმშავ, ლიქმე, ლილზიგა^̄̈ლ, იშგენ გოშა̈რ ი ლი̄თა̄ლ

Line of edition: 21       ჯვინალდ სოფლარისგ' ა̄რდახ ეჯკა̈ლიბ მეზგა^̄̈ლ, ერე უსგვა ი იშგვიდეშდ მა̄რ'
Line of edition: 22    ა̄რდა აშხვ ქორისგა ჩუ უ̄თად ი ეზერდ ხოსყე̄ნახ უშხვა̄რ ხოშა̄მ ლაღა̈ლს. ამკა̈ლიბ
Line of edition: 23    მეზგა^̄̈ლ ჲო̄რი ი სემი გარ იზგახ აშხვ სოფელისგა, იშგენ მეზგა^̄̈ლ ხომრხელდა
Line of edition: 24    ლა̈სხვ. ფიშირ მა̄რე მეზგაისგა ამის ხეფსოლდა: ლრა^̄̈ქვედ მა̄რა სემი მახეღვა̈ჟ
Line of edition: 25    გეზალ ხორდა. ალჲა̈რე გეზლი̄რი ჩუ იფშირო̄ლდახ. გეზლი̄რე გეზლი̄რსი
Line of edition: 26    ხეთვო̄ლდახ გეზლი̄რ ი ამჟი̄ნ მეზგე ჩუ იფშირო̄ლდა. ხვა^̄̈ინ ლ̄მა̄რ ეჯ', ე̄რე ქორა̈
Line of edition: 27    მახვშის ჟი ხე ჰო̄ლდა მიჩა ნა̈თსა̈ვა̈შ ი ნა̈თი ნა̈თსა̈ვა̈ ლიფშირ ოხვიშდუსგვა ეშდ
Line of edition: 28    თეჟი̄ნ ი მა̈გ ალ მეზგა ხენტჲა̄ლ. ლახე შვიდბა ხა̄დ მეზგ', ე̄ჩქა ჩუ იფშირო̄ლდა.
Line of edition: 29    ამჟი̄ნ, ერე უთა მეზგაისგა თვით მეხვშდა̄მი ი მე̄სგვ' ა̄მჟი̄ნ არდახ ლინა̄თვხა̈ნ. მა
Line of edition: 30    რე ეში̄ უშხუდ არდახ ი ჭირ ი ხინ ეშხუ ხა̄დდახ.

Line of edition: 31       ქორისგა^̄̈ ნაუ̄თა^̄̈ლი ქორა̈ მახვშისი ხოხალდა, ეჩი̄ ბედ ლა̈სვ. ლახე ხოჩა̄მ
Line of edition: 32    ჴერჴიანდ ი ბგიდ ხოჟოღდა ქორს, ქორს უ̄თად იგჭა: ჲერს ეშ ხონკა, ჲერს ეშ ხე
Line of edition: 33    ცვა̄ლ ი ამჟი̄ნ ჩუ იგჭა ქორს უ̄თად. ხვა^̄̈ჲნ ლა̈სვ ქორისგ' ე̄ჯკა̈ლიბ, ერე ი̄მჟი̄ნ დო
Line of edition: 34    ხა̄დხ უშხვა̄რ, ჩუ მა̈მ ხოხა̈ლდახ. აშხვ ჯიჯუნქა ი გვა̈რნქა ხიჲა^̄̈რი ათხე დვრევჟი̄ნ
Line of edition: 35    მეჲა̄ქა̄ლდ ხეყა^̄̈დხ, მარე მუშვა̈ნ მა̄რე ჯიჯვს დე̄მ კვიშა ჯვინალდ. ჯიჯვი ლიკვშეს
Line of edition: 36    შვანა̈რ ხაყლახ გვა̈რიშისგა ლიჲა̄ქა^̄̈ლს. ლახე გვა̈რიშისგა ჩუ ჲა̈რ იჲა̄ქა^̄̈ლ, ეჯ გვა̈რს
Line of edition: 37    მე̄რმე შვანა̈რ ხეჯღა^̄̈ვხ. ათხე და^̄̈ს მა ხა̄რ ამკა̈ლიბი სერდე ი გვა̈რიშისგა ფიშირ
Line of edition: 38    იჲა̄ქა^̄̈ლ.

Line of edition: 39       ამჟი̄ნ არდა ალამა̈გ ფიშირ მა̄რე აშხვ ქორისგა მა̈ჩვი̄ბისგა ქვინმგენა ი მა̈ნ
Line of edition: 40    ცინცახა̈ნ. ზავლა̈დღიშდ ჲერხი ხეხვ-ჭა̈შს კვეტო̄ლ მეგმრო̄ლა̈რ ხო̄გა̈ნხ ლალყურად
Page of edition: 23 Line of edition: 1    ი ზავლადა̈ღ ეჩე̄სგ' ა̄ყვრახ, მარე ლინთვისგ' ე̄ჯღა^̄̈ჲ მა̈გ აშხვ მა̈ჩვი̄ბისგ' ა̄ყვრახ.
Line of edition: 2    ლალყურა ტახდა̈რ ჩი მუხვირისგა ხო̄გა̈ნხ ი აშხვ ტა̈ხდისგ' ა̄ყვრახ ხეხვ-ჭა̈შ
Line of edition: 3    ი მინე გეზლი̄რ მა̈გ აშხუდ. ტა̈ხდისგა ჩიქე ჩალს ჲრშეჲდახ ფა̈ტვა̈შს, ი ჲედ ჭ̄მნა̈შს,
Line of edition: 4    ეჯის ჟიქა̄ნქა ნაბა̈დს ჲრშეჲდახ. თხურმა^̄̈შ ეშხუ სასტა̈ვილ ზსდან ი ჟიქან
Line of edition: 5    კვილი̄ შართქვინს იქვა̈მდახ. ჲერხი ნე̄შკა^̄̈ლჟი ისყე̄ნახ ლაყვრას, ჲერხი იმე ი ჲერ
Line of edition: 6    ხი იმე. მუშგვრი ლახ ხორდა მეზგა, ეჯას ლა̄ნუ̄ნა^̄̈ლჟი ხორშეჲდახ ლაყვრას, მა̄დეი
Line of edition: 7    ლრგიმჟი̄ნ, მარე ლანუ̄ნა^̄̈ლჟი̄ნ ხო̄ნშგვა ლაყვრა ლა̈სვ, ეჯღ' ე̄რე ჩუქვა̄ნ ჩალ ხერშა^̄̈ნ
Line of edition: 8    ი ლრგიმჟი̄ნ დემის ჲრშეჲდახ. ჲერხის მე̄რმე ქორა̈რი ხო̄გა̈ნდახ. ეჩჲა̈რისგა
Line of edition: 9    მა̈ჟი̄ბჟი̄ნ, დარბა̈ზს, ნე̄ნი ხო̄სდა̈ნხ, მა̈ჩვი̄ბს ქვინლმგენა̈ლ ხობდახ, ეჯღ' ე̄რე მეზგა
Line of edition: 10    ოხვიშდ-უსგვა უ̄ღვა ჴან, ეჩი̄შ ფირვ, ნეცინ მანგა̈რ ი მა̈ნცინ ხორდა ი მა̈გ აშხვ
Line of edition: 11    მა̈ჩვიბისგა დეშ ხასკდენდა. ზავლადა̈ღ ჲერხი ხეხვ-ჭა̈შ ეჩე̄სგა იყვნა̄ლდა, მარე
Line of edition: 12    ლინთვისგ' ე̄ში მა̈გ აშხვ მაჩვიბისგ' ა̄ყვრახ. სერთხი̄ მეზგე ლჲმა̈ხვ ლახე ლა̈სვ,
Line of edition: 13    ეჩქას ლა^̄̈თშვ მა̈გ აშხუდ არდახ. ჲერხი მეზგა ლაბა^̄̈ვ მეგმრა^̄̈ლ ხო̄განხ ჯვე̄დჲას.
Line of edition: 14    ეჩე ლინთვ დაჴა̈რ ხეყა^̄̈დხ. მეზგ' ე̄ჩი̄ზუმ ჭემს დეშ იმა̄რ" ა̄ვე ქვინლმგენა̄ჲ დაჴლს
Line of edition: 15    ჩი̄ ქა ხა̄რა^̄̈ნ, ამღა ლინთვისგა ბავთ' ა^̄̈ჲა^̄̈სგდახ ი ეჩე უსგვა̄მ-იშგვიდ დოშდულმახა
Line of edition: 16    ჩუ ხეყა^̄̈დხ. ლეზობდ დაჴა̈რს კვა̈ფხ ი ღუმრა̈შ ი გგბი აშხლა̈რ გარ ხუღვა^̄̈ნხ.
Line of edition: 17    ჩუ̄ჲ ეჩე იზა̄ლხ დაჴა̈რ . დაჴა̈რს ეშხუ მა̄რე ხეჭა̈მ. ალ მა̄რე ხოდრე̄ლ ლა̈სვ მიჩა ქორისგა
Line of edition: 18    ი ეჯღ' ა̄ზიზდახ ლაბა^̄̈ვდ. ალ მა̄რე მლდეღი ლა̈სვ, დაჴრე მზა̄ლვნე, ნეხშტარე
Line of edition: 19    მუჩგუნა^̄̈ლი, ზექი მმა̄რე, მერბიე̄ლ ი მა̈გ. ფექს ა̈გიხა̈ნ ა̈ჲა^̄̈სგდა ი ჩვარდ'
Line of edition: 20    ა̄მჟინ ლინთვ ლეჟა-ლექვა ჯა გარ დაჴა̈რცახა̈ნ, მარე ლჯახა̈ნ ეზერ ბედ ხა̄დ,
Line of edition: 21    ლახე დაჴა̈რ ჩუ იზა̄ლდახ, ეჩქანღო . ნეხშტარე ნამსა̈დვ ლჯე მა̈გ მიჩა ლა̈სვ ი მელა̄რა^̄̈ლ
Line of edition: 22    და^̄̈რ ხეყა^̄̈დდა. ლუფხვს ა̈გითე ჴიდახ დაჴა̈რს ი ნეხშტა̈რს. ნეხშტა̈რს ქა
Line of edition: 23    ხაყვლუ̄რახ დაჴა̈რს, ეჩქას ნეხშტა̈რს ბოფშა̈რ ხელდა̈ღდახ ი დაჴა̈რს ეჯა̄დ ე, ხედვა^̄̈ჲ
Line of edition: 24    ლინთვისგ' ა̄რდა ლაბა^̄̈ვს. ჲერხი მეზგა ჲო̄რი ი სემა̄შირ დაჴლ ხორდა, ალჲა̈ს
Line of edition: 25    ბოტა^̄̈ლი ხეჩ̄დხ მუბტვა̈ნიდ. აჯაღ ო̄შთხვ-ოხვიშდ ლ̄ზა̈ჲ ფუკვა̈რ ხეჩ̄დხ, ეჯ
Line of edition: 26    ჲა̈რ ძღდა̈რ ლა̈სვხ. ლუგვა̈რ ლა̈სხვ, ეჩქას ღნჲა^̄̈რვისგა ჩვა̈ჲსენდახ ი ხვა̈ჲ ლეღვ
Line of edition: 27    ხეფსო̄ლდახ.

Line of edition: 28       მახეღვაჟა̈რ ლინთვისგა ლა̈ქმათე ღრდახ ზა̈ნთე, გვირჲათე ი იმრეთთე, იმვა^̄̈ჲ
Line of edition: 29    ხოჩა ლემშავ ი ლა̈ქმა ხეთხო̄დახ, ეჩხა̄ვ. ქა ირა̄გახ ჲარვ ი სამ დოშდულმახა.
Line of edition: 30    ნა̈ქიმსვ ქა უბი̄რად ჩი̄ ქორთე ჴიდახ ი კა̄ჟი და^̄̈სგდახ. ეჩქანღვ' ა̄მის ქორა̈ მახვში
Line of edition: 31    სგა იბრა̈ჲა ი ჟი იშხვინდა, შომვა^̄̈ჲ ქორს ხაწხნ, ეჩქას ჩუ იჴმა̈რდა, იმვა^̄̈ჲ ნა̈რდ
Line of edition: 32    ხეკვა̈დ, ჲედ ლა̈მგებდ ი ჲედ იშგან გვაშვჟი̄ნ.

Line of edition: 33       ზავლადა̈ღ სა̈ვთე ღრდახ, ეჩე ჲარვ დოშდულმახა ირა̄გახ ი ეჩხა̈ნ ხაბნა̈რს
Line of edition: 34    ი გიცრა̈რს ჴიდახ, ალა^̄̈ჲ ქორა̈შ ლა̈სვ. ამჟი̄ნ, ერე სგა იმვა^̄̈ჲ ჲა̈რ იქმა ი ჲედ ჩუ
Line of edition: 35    იმის ჲა̈რ ითხა^̄̈ლდა, ეჯა მა̈გ ქორა̈შ ლა̈სვ. ლეთხვიმ ეჯა გარ ლა̈სვ ე, ლახე ქორისგა^̄̈
Line of edition: 36    მა̄რე მო̄რევდ ლა̈სვ ლთიშ ი ჲედ მოხელდ. ეჩქას იმვა^̄̈ჲ ითხა^̄̈ლდა: ჲედ ნამბა̈ნჲე̄რს
Line of edition: 37    ი ჲედ ა̈თისთავს, ალას ქორშა̈რ დე̄მის იშგომდახ ი მიჩ გარ ხა̈მბახ ლეთხუმდ,
Line of edition: 38    და^̄̈რ ხეცლა̈ვჲა̄ლ. ლახე ხოხვრა̄მ ლუმღვე̄ნა მეზგა გიმ ხა̄დ ლეჰვდი ლდგა̈რი ქუნე
Line of edition: 39    გვაშჟი̄ნ, ეჩქას ალ ლფშირ მეზგა ხაჭრა̈ჟდა. მეზგა ლახე მაბა̈ც ხუღვა^̄̈ნდა, ჟი
Line of edition: 40    იყიდდა ალ გიმს ლექორდ ი ფა̈სი ქორა^̄̈შ ლა̈სვ. მეზგე ლახე ზურა̄ლა̈ ნაჭვლაშ-ნა̈ყდანვი̄რს
Line of edition: 41    იკა̈დდა, ალა̄ჲ ქორა̈შ ლა̈სვ. ზურა̄ლა̈ მა̄ყაი ქორა̈შ ლა̈სვ ი ქორს ხა̄დ
Line of edition: 42    ლემა̄რე. ლახე მეზგე თელღ̄რას ჴიდა ქორთე, ამი̄ ნაჭვლაშ-ნა̈ყდანვი̄რი ი ქვერწლი
Line of edition: 43    ხა̈რჯ ი მაჴმარა ქორს ხა̄დ ლეჴდე. ქორისგა^̄̈შს ლახე მა̄რე ხედგარო̄ლდა, ნა̈-

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.