TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 30

Page of edition: 24 Line of edition: 1    ბშვ ი̄რო̄ლა უმბილდ, ლასყა̄ლჟი̄ნ წორა̈შ ი იშგენ მა^̄̈ღვრალე მჴდე ქორ ლა̈სვ,
Line of edition: 2    ჩიისგა̈ ქორა̈ კეთილ იჴმარო̄ლდა ქორა გვეში გუ̄ღა.

Line of edition: 3       ლახე ქორისგა^̄̈შს ჲა̈რ ადგა̈რდა, ეჩქას ეჩი̄ ლიწვრი ქორა̈ გვეშ ლა̈სვ. ნამსყა
Line of edition: 4    ძვირდ გარ ჴა̈დდა მეზგე, მარე ლახე ჩუ ჲა̈რს ხესყა̄ლ ი წორს ი ჲედ გვაშვ ქა იკა̈დდა,
Line of edition: 5    ეჩქას ალა̄ჲ ქორა̈შ ლა̈სვ. ლიშდა̈ბ ჩუ ლ̄თა̄ლე ხა̄დხ. ხოშა̄მ, ხოხვრა̄მ, ზურალა̄რს
Line of edition: 6    ი ღვეჟმა̄რა ჩი̄ მიჩა-მიჩა ლეშდა̈ბ ხოთრო̄ნდა ი ეჯას ხეშდაბდა. ქორისგა
Line of edition: 7    მამჭირა̈ჲ ლახე ჲა̈რ ხეჩ̄დ, ეჯას ლაშგვრა̄ნოშ ი ლაყა̄ლვოშ ჩვა̈ვზურახ, ადო ლა̈ნ
Line of edition: 8    ტრა̄ლს ი ლა̄ცვს გვის ხოხპახ ქორშა̈რ. მახვშის ხოწვნდა ქორა̈ ლითხვმი ი ლი̄ქვი̄სგ
Line of edition: 9    მა^̄̈ჲ ჲა̈ს ხა̄დ ლეჩვმე ი ჲედ იმე ლეშდა̈ბ. ხოშა̄მ მახეღვაჟა̈რს ზექ ხა̄დხ ლექჩე
Line of edition: 10    ლელუნთად ი ლიჴნჲე̄ლისგა მუღუნწუში ლა̈სვხ. ხოხვრა̄მ მახაღვაჟა̈რს ხოწვუნდახ
Line of edition: 11    ლიჭმე, ლიჴდე, მღვი ლინჭლი, დაბრე ლიჰუნწვი, ლუფხვს ლიდცვე, ლათეჲჟი̄ნ
Line of edition: 12    ლინჩვრი, ლიჲჴეჲ, ლიმჭვა̈ლი ი ლა̈ქმათე ლი̄ზი. ზურალა̄რე გვეშ ლა̈სვ ლიფცხი.
Line of edition: 13    ლითი, ლიბა̄ბე, ლივჴი, ლიშყვდი, ლიგვეჰ, ლიფექ, ლირბჲე̄ლ ი ეჩნქა იშგენ ლიჴლტა̈რი.
Line of edition: 14    ჭყნტრე გვეშ ლილდეღ ლა̈სვ ი ლახვხა̈ნ ლეცი̄რი̄შ, ბუ̄რღვი̄შ, ღეჰიშ,
Line of edition: 15    კციგ ი იშგენ ლეზვებ ლეცი̄რარე ლიჴდე. ღველჲა̄ქრე მლდეღ დი̄ნა^̄̈ლ ლა̈სვხ
Line of edition: 16    ზავლადა̈ღ . ხამრეშ ი გოჭრე მლდეღ ხოხვრა ბოფშა̈რ ლა̈სვხ. ლა̄ნშყა ჴანრე ლი̄ნშყე
Line of edition: 17    მენენი გვეშ ლა̈სვ. ლა̄ნშყას გუნ ხო̄ზნა̈ნდახ. ლა̄ნშყა ხამრე მ̄ზნა̈ნი ხოშა̄მ
Line of edition: 18    ლაღა̈ლს ზურალა^̄̈რ ლა̈სვხ. ობა̈შინ ღვაჟა̈რი ლა̈სვხ. ლირბჲე̄ლ ლა̈ხრესჲა̄ლუშ
Line of edition: 19    ხა̄დხ, აშხვ ზავ ეშხუ ლა̈სვ მერბჲე̄ლ, მე̄რმა ზავ _ მე̄რმე ი ამჟი̄ნ იხრესჲა̄ლხ. მ შგა̄ლი,
Line of edition: 20    მყე̄ლი ი თა̈ში ოხდრისი მეფდა^̄̈ლი ხერასვშ ხა̄დხ ჟი მეკდე ზურალა^̄̈რს.
Line of edition: 21    მუნყუ̄ნა^̄̈ლი ი მუნჩუდნა^̄̈ლიი ხერასშვ ლა̈სვ, იშგენ ზურალა^̄̈რ აჭა^̄̈ლდახ ლა̈ხრესშვ.
Line of edition: 22    ამჟი̄ნ ხა̄დ მეზგა ჩუ ლუყვლურე მიჩა-მიჩა ლეშდა̈ბ ი ცვიდდ და^̄̈რ არდა გუნ მე
Line of edition: 23    ჩიჲა̈რ̄ნქა. ალჲა̈რ ჩუ გარ სგურდახ, ხო̄ზნა̈ნდახ ქორშა̈რ, მა^̄̈ჲ ლა̈თჲა̄ლს ლა̈სვ. ქორა̈
Line of edition: 24    ბედჟი̄ნ გოშრეშ, ამახვ-მკთი პასხვი ლიტხე̄შ, ნა̈ქიმი ლიშხვნი̄შ ი ლიხ̄რჯა̈ვიშ,
Line of edition: 25    ქორა მქაფდ პასხვი ლიტხე̄შ ი ჩი ნუკი ლიმხოშა̈ გვეშ მა̈გ ქორა̈ მახვში̄ გვეშ
Line of edition: 26    ლა̈სვ ი ეჯა, მა^̄̈ჲ ლა̈თჲალს ხა̄დ, ხოჟოღდა ქორს ი ლაშდაბისგა̄ჲ და^̄̈ს ხეყვლენდა ქა.
Line of edition: 27    ჰამა̈შ ი ნა̈ბზა̈ ლა̈დჲარა̄ლჟი̄ნი მიჩა-მიჩა ზნე ლა̈სვ ჟი მეკდე. ხოშა^̄̈ლ საკარცხვილჟი̄ნ
Line of edition: 28    ისგვრო̄ლდახ. აშხვ ფოყხა̈ნ ღვაჟა̈რ სგურდახ, მე̄რმახა̈ნ _ ზურალა^̄̈რ ი მე̄სმახა̈ნ
Line of edition: 29    _ ბოფშა̈რ. ხოშა̄მ ფიჩქს ხოგა̈მდახ ი მე̄რმა^̄̈ლს _ ჯო̄დი ტაბგა̈რს. ამჟი̄ნ თვით დიჲა̈რს
Line of edition: 30    ჩუ ხოდა^̄̈სგდახ ჩი̄ თვითო̄ლაჟი̄ნ. ეჩქანღო ლახე ნაყუნ ხუღვა^̄̈ნდახ, ფაკნარშვ
Line of edition: 31    თვითო̄ლაჟი̄ნ ჩი̄ ჩუ ხოგა̈მდახ სგვებინჩუ, ფაკა̈ნ ჩი̄ მიჩა-მიჩა ქა ხოთრო̄ნ. ლეღვ
Line of edition: 32    ლახე ხუღვა^̄̈ნხ, ამის მელეღვ ჩვალგა̈ფდა ი თვით ლაგა̈ფს ჩი̄ ჩუ ხოდა^̄̈სგდა. მელეღვი
Line of edition: 33    ქა ლთიშ ლა̈სვ მეზგაჲსგა ი წ̄და̈ი̄. ლახე ჰარა̈ყ ხო̄გა̈ნ მეზგ" ე̄ჩქა წდა̈ჲ ქა
Line of edition: 34    ხოგვშა^̄̈ლდა კათხა̈რთე ი ეჩნოვშ ჲთრახ. ლალა̈ღვჟი̄ნ ი ლა̈წდა̈ჲაჟი̄ნ მეგნე ხეყა̄დხ.
Line of edition: 35    მეაგნდ ხოხვრა ბოფშა̈რ იგნო̄ლდახ ი ეჩქანღო გარ იდჲარა̄ლხ, შომვა^̄̈ ლიზრულ
Line of edition: 36    ი ჰარყი ლითვნა^̄̈ლი ქა იზგრო̄ლდა. მა^̄̈ნკვი ლაგა̈ფ ი კათხ ხოშე̄მიშ ლა̈სვ.
Line of edition: 37    მეზგე ლამშიად სამ ი ო̄შთხვ უ̄ღვა ჴა̈ნს გარ იყდა^̄̈ნდა ი იშგვიდ-არა̄მ ფირვს,
Line of edition: 38    სერ დე̄მის, ეჯღ, ე̄რე ლინთვ იშგვიდ-არა დოშდულმახა ლი ი ალჲარე ლა̈ჩფა̄ნქა
Line of edition: 39    დეშ ჴიდა ჭემს, ლა̄რა̄ლე ნავღვა^̄̈ნოვშ. ამნქა ღველჲა̄ქა̈რსი ჩიფახ ლინთვისგა ეშდ-ეშდოხვიშდთეჟი̄ნ.
Line of edition: 40    ზურალა̈რს ლეთხუმდ ღველჲა̄ქა̈რ გარ ხორიხ, სერ მა̈მგვეშ.

Line of edition: 41       ნაჩფი̄რვ ქორს, ღველჲა̄ქ ლახე გიცა̈რს ათვე, ეჯა ხა̄რ. ჟინაღ დის ქა ხეყვლენი,
Line of edition: 42    ეჩქას დარბა̈ზთ' ა̈გნეხ ი სამ ზავ ეჩე̄'სგა ხორიხ ი ეჩქანღო გარ ა̈ჲსენიხ გუნ ლუგვა̈რს.
Line of edition: 43    ტკიცდ ლ' ე̄რე ალამა̈გ ფიშირ მეზგა ო̄შთხვ უ̄ღვა̈ ნაჴანვ დეშ ხა̄დ, მარე

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.