TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 35

Text: 25

Line of edition: 35

25. იმჟი̄ნ არდახ ჯვინალდ ქორისგა

Line of edition: 36       ჯვინალდ ათხაშა̄ლ ლპრი̄ნწვე მა̄დ ლა̈სვ მა̈გ ი ხვა̈ჲ არდა აშხუდ ქორისგა.
Line of edition: 37    ობა̈შინ ეჯამ მა̈გ ჩვარდახ აშხუდ, ერე იმჟი დო ხა̄დხ უშხვა̄რ წა̈მ, ეჩი̄ში მა̄მ ხო ხალდახ.
Line of edition: 38    ქორისგა ეშხუ ხოშა ქა თერი̄ნდა ი ეჩი̄ ნამხოშს ესჭიმდა მა̈გ, იმვა^̄̈ჲჟი̄ნ
Line of edition: 39    ლეჩვემ ხა̄დხ ლიშდა̈ბ ღნს ი ჰა̈მურს, ლაჴა̈ნჟი, ლა̈ჭმაჟი, ზექ ლაქჩაჟი, ლახვრევჟი,
Line of edition: 40    ლაჰა̈ნწვჟი, ლალდაღ-ლაჯოგჟი, ლათეჲჟი, ლაკლა̈ვჟი, ლილგუჰე̄რიჟი,
Line of edition: 41    ლა̈ქმათე ლა̄ზჟი ი იშგენ გოშა̈რჟი̄ნ, ჩი̄ მახვში ხაჰო̈დდა შუკვს ი ზზს, მარე ჯა
Page of edition: 29 Line of edition: 1    გარ დე̄მის ამო̄რვა ამის, ქა ხეჭვდია̄ლ მე̄რმა ხოშა^̄̈ლსი̄ ქორისგა ი ეჩქანღო სერ
Line of edition: 2    მახვში ლა̈სვ ჩი̄მი ქა მუთვრი (ქორისგა) მიჩა-მიჩა გოშა̈რ ლასყე̄ნათე.

Line of edition: 3       ლინთვისგა ლინა̈ნ აშხვ ხებრა̈ჲა^̄̈ნ, ზექრე ლიმა̄რე _ მე̄რმა, მუგვლარეშ _
Line of edition: 4    მე̄სმა; ლილაღვ აშხვ ხებრა̈ჲა^̄̈ნ, ლიწდავ _ მე̄რმა ი ამჟი̄ნ ჩუ ლუყვლუ̄რე ლა̈სვ
Line of edition: 5    მა̈გ. მეგნა^̄̈ლ ხოხვრა^̄̈ლ ლა̈სვხ ჩიგარ.

Line of edition: 6       ლიჴნჲე̄ლისგა მუღუნწუში ქა თე̄რინდა მბერგე ი მუჟვეღ ხოხვრა^̄̈ლ ი ხოშა
Line of edition: 7    მეჩჲა̈რ ლა̈სვხ, მწსხი ზურალა^̄̈რ ი ბოფშა̈რ ლა̈სვხ, მლა^̄̈ში ქა თერი̄ნდა ი ეჯა ილა̄შა^̄̈ლდა
Line of edition: 8    დაბა̈რს.

Line of edition: 9       ლა̈ქმათე ლახე ღრდახ მახეღვაჟა̈რ მე̄რმა-მე̄რმა ქვეყნა̈რთე, ლეზიზს აშხუდ
Line of edition: 10    ინყახ ი ეჩჟი̄ნ ღრდახ; ლა̈ქმასი აშხუდ არდახ ი შვიდებდ ლახ ჴედენდახ ა̈გითე,
Line of edition: 11    ეჩქას ნა̈ქიმვს კა̄ჟი და^̄̈სგდახ ი ნაღვჭარ ლახე მა ხუღვა^̄̈ნდახ, ეჯას ხოშა ჩვაყვლუ̄რა,
Line of edition: 12    ვარჩხილს ჟი იშხვინდა ქორა̈შდ. ეჩქას ლითხუ̄მა̈ლ მა̄მ ლა̈სვ. ლეთხუმდ ზურა̄ლს
Line of edition: 13    ღველია̄ქ ლახე ხერდო̄ლ, ადო ეჩნქა მა̄მგვეშ ლა̈სვ ლეთხვიმ, მარე ღველია̄ქს
Line of edition: 14    ლახე ლეგცარა^̄̈ლი ხეთვო̄ლდა, ეჯაჲ ქორა̈შ ლა̈სვ; ჟინაღ ლუსვს ქა ხეყვლენდა,
Line of edition: 15    ეჩქას დარბა̈ზთ, ა^̄̈გნახ ი ეჩე ხორდახ ჲარვ-სამ ზავ ქა უფი̄შვდად ქა^̄̈მთე ი ეჩქანღო
Line of edition: 16    ჩვა̈ჲსენდახ ქორა̈შდ. ლეთხვიმ ღველჲა̄ქრე მა̈ტყხა̈ნქა ზურალა^̄̈რ კვილჲა̈რს
Line of edition: 17    ა̈ლთახ მინე ლაჭშა̈შ ი გეზლი̄რეშდ, ეჩნქა ქანს ა̈ლთახ ი ეჩი̄ სგვირხა̈ნქა სგა^̄̈
Line of edition: 18    ლერქვა̈რს იშხებდახ.

Line of edition: 19       ლა^̄̈თშვ ლახე ჟი იყვბა̄ლდახ ქორისგა, ეჩქას მახვშჲა̈რ საკარცხვლა̈რჟი̄ნ ისგვრო̄ლხ,
Line of edition: 20    ღვაჟა̈რ აშხვხა̈ნ ისგვრო̄ლხ, ზურალა^̄̈რ _ მე̄რმახა̈ნ ი ბოფშა̈რ _ მე̄სმახა̈ნ.
Line of edition: 21    მერბჲე̄ლ ზურა̄ლ ქა თე̄რინდა, აჯაღ მუნყუ̄ნა^̄̈ლი ი ნა^̄̈ყუნა̈ მმა̄რე̄ჲ. ქა თე̄რინდა
Line of edition: 22    ქორისგა.

Line of edition: 23       მერბჲე̄ლ ირბია̄ლდა ი მჭა^̄̈ლია̈რ აჭა^̄̈ლდახ დია̈რს.

Line of edition: 24       ობა̈შინ ეშხუ მა̄რე ჩა̈ნგს იკა̈დდა, მე̄რმე _ ჭუნირს ი ეჯჲა̈რს აშმახ. ჲერხი
Line of edition: 25    ლიღრა^̄̈ლს იბნახ ი ხოჩა̄მ ლარდას ასყე̄ნახ. ტე̄ვა ი ფათრა̈კ ძვირდ გარ ხოჩ̄დენდახ
Line of edition: 26    ქორისგა.

Line of edition: 27          ლენჯა^̄̈რ

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.