TITUS
Svan Chrestomathy
Part No. 104
Previous part

Text: 99 
Page of edition: 85 
Line of edition: 11 
99. გივნჷშა გვეგნჷ


Line of edition: 12       ჯვინალდ ერ ლიჲმახვა̈̄ლ ლჷმა̈̄რ, ეჩქა გივნჷშა გვეგნჷ ი მიჩ' ა̄ფხნეგა̈რ ა̈მჩედე̄ლიხ
Line of edition: 13    ელითე ლა̈ჲმახვა̄ლდ. ამეჩუ̄ნ მჷლივ მჷრზა ჟ'ოხვდარახ ლერმიდ ი ჩვოთჷრმახ.
Line of edition: 14    ეჩქანღვ' ე̄სნა̈რ ლიბურკილე ლოხვბინეხ მჷრზას. მჷრზად ხა̈̄ქვ: "მინ მა̄რა̈̄ლ,
Line of edition: 15    მიჩ ესერ მა̄მ ხაკუჩ ჟი ლიკულთხა̈ნი, ჯ'ე̄სერ უკულთხანადი̄ სგა ხონჴრი".
Line of edition: 16    მარე მა̄დ ოთჯჷრვეხ, ჟ'ანკულთხნეხ, ჩვანჴიდხ მესტიათე ი ჴულ ათდეხ. ეჩქანღო
Line of edition: 17    ოთჭირეხ ელითე მჷრზა̈̄ სამხუბს ი ქორშა̈რს: "მჷრზ' ე̄სერ მინს ოთჷრმახ ი საჴსა̈რუ
Line of edition: 18    ანმა̄რეხ, ადო ეჩქად ესერ ამჟი ხერმიხ ჩუ დილეგისგა". ელარუს ოხვჭირახ:
Line of edition: 19    "მა̈ზუს ესერ ხეშგვემხ წორს?" "მა̈ზუმვა̈̄ჲდ ესერ მა̄რე̄მი ქვინ ხაჯეშ, ეჩი̄ზუმს".
Line of edition: 20    მჷრზა̈̄ ქორშა̈რდ ი ნა̈̄თია̈რდ ქ'ა̈̄დჴიდხ ესნა̈რ ო̄შთხვ ჴა̈ნ, ო̄თშხვ ფირვ,
Line of edition: 21    ჲო̄რი ხოშა კიბდვენ ლეზვებ ი წყილნი ბალთა.

Line of edition: 22       ეჩქას წესდ ლჷმა̈რდ, ერე შომვა̈̄ჲ ტყვეს ქა ლუმფიშვდინხ, მჷრმა̄ლა, ტყვე
Line of edition: 23    ი ტყვე̄მი ნა̈̄თიჲა̈რ უშხვა̄რ ხამბანა̄ლახ საყდა̈რისგა უშხვა̄რა̈ ნაჲჷრთგულაჟი̄ნ. ალ
Line of edition: 24    მჷრზა̄ჲ ქა̄ფიშვდხ ესნა̈რ გვეგნჷდ ი მიჩ' ა̄ფხნეგა̈რდ ი უშხვა̄რ ლოხვჴერდახ მა̈გ
Line of edition: 25    საყდა̈რთე უშხვა̄რ ნე̄სგა ლამბანა̄ლთე, ერე "ამუნღო ნა̈ჲჷრდგული გარ მო̄დ ლა̄ჲჲახ
Line of edition: 26    უშხვა̄რ ნე̄სგა ი ალ ლირმი გუხა̈ნ ჰე̄სა ჲა̈რდ ლა̈ჲჩჷშეს". ლამბანა̄ლჟი̄ნ მჷრზა̈̄
Line of edition: 27    სგახიქა̈̄ აშხვ ნა̈̄თის ხო̄ქვა: "ესვა̈̄ჲ ესერ მჷრზა̈შდ მა̈̄ნკვი ლარმეჲჟი̄ნ სგ'ო̄ხფხიჭა,
Line of edition: 28    ეჩი̄ცახა̈ნ ესერ შემინდუ ხა̄რ ხა̈ტ ი მე̄რმა̈̄ლს ესერ სგა ხემბანა̈̄ლ ნა̈ჲჷრთგულაჟი̄ნ".
Line of edition: 29    ალ'ე̄სნრ მიჩ' ა̄ფხნეგა̈რს ათსისტკჷნხ ი ხა̄ქვხ მინეშდ: "ხოჩ' ე̄სერ ჯა მა̄მ
Line of edition: 30    ლი ი მინ ესერ სგა ხემბანა̈̄ლხ, ჯ'ე̄სერ მა̈ჲ ნა̈ხუმსა̈რ ლი". ალ მა̄რ' ე̄სნა̈რ აფხნეგა̈რდ
Line of edition: 31    ქა მა̄მგვეშ ახა̈̄ქვი̄სგვნეხ. ამის უშხვა̄რ ლა̈ხნაბნა̈ნხ მა̈გ. ეჩქანღო სერ ხა̈ტ
Line of edition: 32    ჩვოთგი̄ჭახ ი უშხვა̄რ ხოჩა̄მდ ხეჩდახ.


Line of edition: 33 
მესტია



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.