TITUS Texts: Svan Chrestomathy (I: Upper Bal)

TITUS
Svan Chrestomathy (I: Upper Bal): Part No. 42

Page of edition: 34 Line of edition: 1    ამის ხაჟხა ლიჯიშ. ჲერვა^̄̈ჲ სუმინ თა̈კვს ი ფაუს ქა მოშ ხატყცი, ეჯა ეზერ მჯიშ
Line of edition: 2    ხაბჟახ, ჲერვა^̄̈ჲ დოშ, ეჯა ჩუ შყედნი ი ამის ხვა̈ჲ ლი̄ცვ ხეფსი. ლა̈ჯშა̈რს ფოყა̈
Line of edition: 3    გრიხსი ხაყლეხ, ეჯღ' ე̄რე ჩუ მეშყდანღო ფოყს ხატყცი მა̄რე.

Line of edition: 4       5. ლიყრჲე̄ლ. ამის ხოხვრა^̄̈ლს ხაჩვმა^̄̈ვნეხ ხოშა^̄̈ლ. მა^̄̈ნკვი ჲორი ბეფშვ
Line of edition: 5    ფაყვა̈რს ჟი იგემხ, ეჩჟი̄ნ თა̄მა̈შდ იყრჲე̄ლხ, ეჩქანღო თხუმა̈რ ლახე ჩუ ხექნთრინიხ,
Line of edition: 6    ეჩქას ლჴმაშდ ხოშბყნეხ უშხვა̄რ ი ლუჟო̄რა̄ლე იკა^̄̈ფიხ ეჩხა̄ვ-ამხა̄ვ.

Line of edition: 7       6. ჭვეკს ლი̄ზი. ალა̄, ჭვეკს ლი̄ზი, გუნ გარჯ ლი ი მასა̈რდ ლიმა̈რგ ხაკუჩ.
Line of edition: 8    ამის იჩოხ ამჟი̄ნ ა: ჭალა̈ჲქა ქა ხადე̄სგიხ ნეცინ ჭერს ეჩხა̈ნ-ამხა̈ნ ბაჩა̈რჩუ გარ
Line of edition: 9    ხაცხტენიხ. მა̄რე ლახე ჟი ხეგნი, ეჩქას ალ ჭვეკ ჭ̄შხა̈რ ჩუქვა̄ნ ისი̄პანა^̄̈ლ, იღვე̄
Line of edition: 10    ნსტუნა^̄̈ლ. გუნ ლიბგე ხაკუჩ ტა̈ნს ი ჭშხა̈რს, ადო მა̄რე ლცთე̄სგა შყედნი.

Line of edition: 11       ალ ჭვეკქა ლი̄ზი ლა̈თურჲა̄ლი ლი, ეჯღ' ე̄რე მუშვა̈ნ მა̄რა ჩიგარ ხაწხნ ლა̈ქმათე
Line of edition: 12    ლი̄ზი ი ფიშრა̄მინ ღალ ხა̄დ ლე̄ზი ჭოკა̈რქა ი ლახე ხოჩა̄მდ მო̄დ ხა̄დ სგა
Line of edition: 13    ლუმთქვე, ეჩქას ჩუ შყედენდა ჭკვეკჩუ̄ნ ი ლიც ა̈ჲა^̄̈სგდა.

Line of edition: 14       7. მეჴარშვ მა̄რე̄მი ლიკედ. ეშხუ მა̄რე ჩუ იყვნა^̄̈ლ ი ჩი̄ ქ'ა̄ქვჭუ̄რე,
Line of edition: 15    მე̄რმე მა̄რე ლერსგვანხა̈ნ გა̈ნხა̈ნ ხექქვი ი შიჲა̈რს ნაბრა^̄̈ჴიჲა̈რ ქა̄მენქა უშხვა̄რ
Line of edition: 16    ხაცხო̄რპე. ჩუ მეყვნა^̄̈ლ მა̄რე მეჴა̈რს ა̈ქვჭე ამი̄ მეჴრა^̄̈რქა, აშხვ მეჴა̈რს სგა
Line of edition: 17    ხეგვდირნი, ჟი იკედ ი ქა რიწვე. ეჩქანღო ჟი ლახ მოშ იგნა^̄̈ლ ი ალ მა̄რა ამჟი̄ნ
Line of edition: 18    ჟი მეკდა ი მეჴა̈რ მერწვად ჟი მოშ იკედ, ეჯა ეზერ ჴამშიშ ლი.

Line of edition: 19       8. თხუმჟიქა̄ნქა ბა̈ჩა̈ ლიკვა̄ნე. თხუმჟიქა̄ნქა ბა̈ჩა̈ ლიკვა̄ნე
Line of edition: 20    ხემურჯა^̄̈ლხ, ეჩქას აშხვ ა̈დგილს ჩვა̈ნშა̈ნიხ. ეშხუ მა̄რე ჲედ ხოშალაღა̈ლს მახე
Line of edition: 21    ღვა̈ჟ, ჟი იკედ ბა̈ჩს ი ჲარვ ტოტშვ თხუმჟიქა̄ნქა ქ'ა̄კვა̄ნე. იმვა^̄̈ჲ ა̈დგილჟი̄ნ ჟი ხატყცი,
Line of edition: 22    ეჯ ა̈დგილს ჩვა̈ნშა̈ნიხ, ამ'უნღო მე̄რმ' ა̄კვა̄ნე ი ამჟი̄ნ იმქრა^̄̈ლხ.

Line of edition: 23       9. დი̄რი ლიბიდ. მეზგე ქორს ად̄რი ი აჭრა̈ვი, ეჩქას ფიშირ მა̄რე
Line of edition: 24    ხა̄რ ლემურჯი̄ნე, ეჯღ' ე̄რე დ̄რა̈რ სურუ მეგრე ი სურუ გვა̈მი ლიხ. აშხვ დი̄რს
Line of edition: 25    ო̄შთხვ-ოხვიშდ მა̄ხეღვა̈ჟ ხაკუჩ ლაკა̈დდ ი ჲერვა^̄̈ჲ დი̄რს აშვხა̈ნ ჟი მოშ იკედ ი ეჯჟი̄ნ
Line of edition: 26    ბარჯჟი ჟი მოშ იდე̄სგი, ეჯა ძღდ ნალჴა̈მში ლი, მარე ალას ძვირდ გარ მოშ
Line of edition: 27    ა̈რ იჩო.

Line of edition: 28       10. ლისკნე. ლნშა̈ნ ა̈დგილხა̈ნქა ეშხუ მახეღვა̈ჟ ქა ნალჭომუნუშ
Line of edition: 29    ქ'ა^̄̈სკნე ი იმვა^̄̈ჲ ჟი ხა̈ბთქინე, ეჩეჟი̄ნ ნიშა̈ნს დე̄სგიხ. ეჩქანღო მე̄რმე იჟურჟა̈ნჲე̄ლე
Line of edition: 30    ი ეჯ' ა^̄̈სკნე, ეჯას მე̄სმე ხაჭიმ ი ამჟი̄ნ იხრესჲე̄ლხ. ჲერვა^̄̈ჲ მოშ ხა̈სრე ლა̈სკნას.

Line of edition: 31       11. ლიფა̄უნა^̄̈ლ. ლაფა̄უნა̄ლჟი̄ნ ჲარვდ ყველნიხ მეფა̄უნა̄ლა. ჩიქე ჩუ
Line of edition: 32    ილთობა^̄̈ლხ ი ღო ჩუ იჯლა̈ჲეხ მა^̄̈ნკვი̄ ლიბნეს. მეშდრა̄ლას ჲო̄რი ფაუ ხუღვეხ: ეშ
Line of edition: 33    ხუ _ ხოჯვდა ი მე̄რმე _ წეს ფაუ. ხოჯვდა̄მ ჩუ დე̄სგიხ გიმჟი̄ნ. მბნე წეს ფაუს აშხვ
Line of edition: 34    პილხა̈ნ ხეგვდირნი, მე̄რმახა̈ნ გიმს ხა̈ბჯგინე , ჟი ხოსპე ჩუბე ფაუს ი ჟი ხატყცი.
Line of edition: 35    ალ ფაუ ქა იგლისტი ი იმვა^̄̈ჲმუყვ აჰე̄სგი, ეჩავ იტხეხ ჩუბე ფაუს. ეჩქანღო მეშ
Line of edition: 36    დრა^̄̈ლ ლა̈სპუნუშ ხა̈ფშვდე ჩუ ლდა ფაუს შნისგა ლეყდა^̄̈ნი ფაუს ი ქა ლახ ხატყცი,
Line of edition: 37    იმვა^̄̈ჲდ იგსა̈რი, ეჩეჩუ ჩუ̄დ დე̄სგიხ ჩუბე ფაუს.

Line of edition: 38       მა^̄̈ნკვი̄ მბნე ლახ ქა ხაქდენი, ეჩქას მიჩა აფხნეგ ხეცა^̄̈დი, ეჯას _ მე̄რმე ი ამჟი̄ნ
Line of edition: 39    ეშხუ ფა ქა იხრესი. იმვა^̄̈ჲდ ალ ფა^̄̈ ნა̄ზვ ი̄რა. ეჯას ჩვა̈ნშა̈ნიხ. ათხე მე̄რმე ნა
Line of edition: 40    ღა̈ლ იბნე ლიშდრა^̄̈ლს, იმჟი̄ნ მა^̄̈ნკვი̄შდ ა̈ნბინე, ეჩჟი̄ნ ი იმვა^̄̈ჲდ მოშ აჰე̄სგიხ, ეჩასი
Line of edition: 41    ჩვა̈ნშანიხ. ქა ხედვა^̄̈ჲ ხა̈სრე, ეჯა ჟი ლესგვრე ხა̄რ ბარჯა̈რჟი̄ნ ქა ლესრა ფას ი
Line of edition: 42    სუმინ ქა ლეცხპე ხა̄რ ლიშდრა̄ლე ლა̈ბნახა̈ნქა, იმვა^̄̈ჲდ მოშ ლი მეჩდე ქა მსრე
Line of edition: 43    ნაღა̈ლ _ ეჩავ.

Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.