TITUS
Svan Chrestomathy
Part No. 124
Previous part

Text: 119 
Page of edition: 98 
Line of edition: 18 
119. ფალა


Line of edition: 19       ცხჷმა̈რისგა სოფლა̈რს აშხვ ლეზგარა ხაჟხა ი მე̄რმა -- მაგარდელ. ალჲარე
Line of edition: 20    უშხვა̄რ ნე̄სგაჩუნ ტვიბრ' ა̄ნღრი. ტვიბრას ჟიქა̄ნ ლა̄რა̄ლ ლიხ ლა̈ჭმა. ალ ლა̄რა̈̄ლ
Line of edition: 21    ნე̄სგაისგა მურყვამ ხუნ გარ ლჷგ. ეჩის ლექვახი̄ნ ზუგულდშა̄ლ ხა̄რ. ამის ლექვახი̄ნ
Line of edition: 22    ლეგვროვა̈̄რ გიმ ლი. ამის გჷრკიდ ცხეკ ხაჭო̄ნა ი ალ ა̈დგილა̈რს ცხჷმრა̈რ
Line of edition: 23    ფალას ხაყლეხ.

Line of edition: 24       ალ ფალა̈̄ ბედჟი̄ნ ჩუ მესდე ლი ალ ამბა̈ვ ა, ხედვა̈̄ჲს ამუნღვ' ა̈̄ლმეჴრიდ:
Line of edition: 25    ჯვინალდ ამჩუ ლჷმზიგ ლჷფკე̄ლ იმახათ. გუნ ეზერ ლა̈წვა̈შ ლჷმა̈̄რ ი ფა̈თვ
Line of edition: 26    ხა̈გნე̄ნა ეჯზუმ ჯოდი, ერე ჩალდა̈ყჟი̄ნ ლახე ლუმსგურო̄ლინ ლაცხე̄ნჲა̄ლდ, გიმთეჩუ̄ნ
Line of edition: 27    ხაჰო̄ლნახ ლუსდგვა̈რ. ალ ზურა̄ლს გუნ ხალტე̄ნა მიჩა გლეხა̈რ ი ქორსმერდა̄ლა
Line of edition: 28    სი ი სოფელსი̄ გუნ ხალტე̄ნახ, ეჯკა̈ლიბ მალჟჷრვა̈̄რ ი მოლა̈ტ ლჷმა̈̄რ ჩი̄მიშ.
Line of edition: 29    დვრევ ახჴედ' ე̄ჩქას ჩვალდაგა̈რ ალ იმახათ ი სოფელს ჲო̄რი ჩეი̄ ლჷლღენ
Line of edition: 30    ოხვსყახ კუბი მჷქაფდ (ჯვინალდ ხოშა̄მ ლჷმბეცს ამ ლჷლღნარშვ ლჷმშდუღვინვხ).
Line of edition: 31    ამხავთე̄'სგ'ე̄სგვეჯნახ ალ ზურა̄ლ ი იშგენ განზა̈რსი̄ ათყა̈ნვი̄სხ, მა̈ჲ საკვრელ ლი.
Line of edition: 32    ამჟი უცხვდ ჩ'ოთშდუღვახ ეჩეჩუნ ე, იმვა̈̄ჲ ათხე რიყი გოვარდ ლი.
Line of edition: 33    სერ ალ ლჷფკე̄ლს და̈̄რ ათსედა ღალ ი ჟ'ა̈მხვეტლიხ ალ გვა̈რ ი მინე მერდე.
Line of edition: 34    ეჩქანღო, ხვა̈̄ჲ ხა̈ნ მეჩდანღო, ოთარშ' ე̄სფუსნე̄ნახ ცხჷმა̈̄რს.
Line of edition: 35    აშხვ ზავ, ალა ლა̈სვ ხელწიფი დვრევჟინ, რუსე̄თხა̈ნ ამჴედჷლი ოთარ ოთარშა,
Line of edition: 36    თათარყანი მუხვბე. ამის ქა ხასმა იმახათი ლაშდღვია̈რ. აშხვ ლადა̈ღ ესნა̈რ
Line of edition: 37    ლა̈ჲჴერნე მიჩა ბიძა̈ჲ, ცხჷმრი მახვში ბექჷრბი̄ დი̄ნაგეზალ, კატი, ეჩჷნქა გლეხა̈რ,
Line of edition: 38    აჩა̈დ ამხა̄ვ.

Line of edition: 39       ლახბინა̈̄ვნე ლიბჷრჯე, მარე ლჷლღნა̈რმუყვ დეშ ოთჰა ი იშჷენ ბა̈რგ ახხვიე̄ნა.
Line of edition: 40    ალჲარე ნა̄ზუნღო კატი ლეგდ ალმარდლი ი ჩვალდაგა̈რლი. ალ კატი დაგრა
Page of edition: 99  Line of edition: 1    მიჩა დის ი მუს ალ საფლა̈ვი ლიბჷრჯედ ლოხვბჷრლახ. ეჩქანღო იმახათი საფლა̈ვჟი
Line of edition: 2    ჲო̄რი ბა̈ჩ ა̈რი. ეჯჲა̈რჟი̄ნ ჩიგარ ლეტვრა̈̄ლს ლუმტვარინხ ი ხაჴჷ̄რა̄ლახ ღე̄რბათ
Line of edition: 3    ალ ცოდა̈ ლიჩვემი ლისა̈̄რვინეს.

Line of edition: 4       ალ ბა̈ჩა̈რ სბენდკიშ ლიხ ჲო̄რი. ექჷრდა̈შ ლეჭვდი ხა̈ჲრახ ი ცოდ ლიხ ლედა̄ვშად.


Line of edition: 5 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.