TITUS
Svan Chrestomathy
Part No. 125
Previous part

Text: 120 
Page of edition: 99 
Line of edition: 6 
120. ურზა̈ჲშა გიცა̈რ


Line of edition: 7       ტიტიშა ფა̈მლი ლჷმა̈რდ ლაღამს მიჩა ლა̈დჲარა̈ლმჷყ. ჯვინა̈ლდ ი ათხე̄ჲ ლა̈დჲა̈რთე
Line of edition: 8    მა̈გ ესღრი. ჯვინა̈ლდ ნიბა̈̄შინ ქანა̈ სა̈ხსი ქა იკა̈დდა ლა̈დჲარხა̈ნქა. ქანა̈
Line of edition: 9    სა̈ხ ხეჟხა̄ნ ამის ა: ზავისგ' ა̄შხვ ლადა̈ღ, მუჟღვერხა̈ნ ი̄რო̄ლ, ჰა ლუფხვხა̈ნ, ნიბა̈̄
Line of edition: 10    შინ ღჷრდა მიჩა ლა̈დჲა̈რთე ქანა სა̈ხ ლაკა̈დთე. ლა̈დჲა̈რ ქა ხოჴდახ სამღეთ ი ო̄შთხვ
Line of edition: 11    წყა̈დ ქანს. ნიბა̄შინ ჩუ ისგვრო̄ლდა ი ჰამუნღვე̄ ნა̈ბოზდ იმვა̄ჲ მოშ ატმჷ̄რა
Line of edition: 12    ქანს. ეჯა ქორთ' ე̄სღვა̈̄ნ ლელთად ი თა̈კვა̈რია̄ქდ. ამი ლაკა̈დთ' ა̄ჩად ესნა̈რ ტიტიშა
Line of edition: 13    ფა̈მლი, მარე მესტჲათ' ა̄ჩა̈დ, ეჩქას ა̈ცხირ, ერე მესტჲას ჟა̈მ ა̈მჴედე̄ლი ი ლაქა̈̄ბთ'
Line of edition: 14    ე̄ლმა̈̄ზ მა̈გ. ამნე̄მ ესნა̈რ ჟ'ოსჭვე̄ნ ი ა̈გით' ა̄ნჴა̈დ. ა̈დკვიჰ ესნა̈რ ალა სოფელდ
Line of edition: 15    ი ჟ'ა̈ნნა̈ზო̄რა̈̄ნ. ეჩქას სოფალშვ ხა̈მთქვე̄ნახ, ერე მა̈̄ჲ მეზგაისგა ჟა̈მ ჟი ლჷმგვა̈
Line of edition: 16    ბო̄ლინ, ეჯ მეზგა ი ლეგდ მერდა ჩუ ლჷმშიხვინხ, ღვ' ე̄სერ სოფელს დე̄მ ესფხეჟნი
Line of edition: 17    ჟი ჟა̈მ. ჟ'ანსყეხ ესნა̈რ ლა̈შხია̈რ ი სგ'ა̄ხა̄გა̈ნხ ტიტიშე̄რს ი ჩუ ლიშხი ხაკუხ.
Line of edition: 18    ამჟი̄ნ ალჲარე ხოშა̄მ გიედ ხა̈̄ქვ: "მინე ფა̈მლ' ე̄სერ ა̈მჩედე̄ლი მესტჲათე, მარე სო
Line of edition: 19    ფელთე̄სგ'ე̄სერ მა̄მ ხო̄ზნა. ჩიქ' ე̄სერ და̈̄ს მაგვეშ ხათჷმხ ი შომვა̈̄ჲ ესერ ჟ'ანგვბ
Line of edition: 20    ენი ეჩქ'ე̄სერ იმთ' ო̄თჩედნიხ. ეჩქად ესერ იმნარ იცვემხ მინე ცოდს". სოფელდ
Line of edition: 21    ესნა̈რ ჟ'ესჭვე̄ნხ ი ლაქა̈̄ბთე ლი̄ზი ლა̈ჲბინე ჩიემ. ნე̄სგუნ ესნა̈რ ტვიბნა̈რთ' ა̄ჩა̈დ
Line of edition: 22    ლაქა̈̄ბდ. გიე ურზა̈̄ჲშა ჩი̄ჟე ლჷმა̈̄რ. ალჲა̈რ იშგვიდ ლჷმა̈̄რხ ლახვბა ი სურუ
Line of edition: 23    ხოჩა ლიზგე მირ ხა̄რახ. გიე მინე ჩი̄ჟე ლჷმა̈̄რ. ამის ხა̈̄ქვახ ესნა̈რ მიჩა ლა̈სმუნად:
Line of edition: 24    "მინ ესერ ლიმზჷრშვ ჩუ ხაშიდხ თხუმ ი მინეშთევ აჩად". მარე გიეს მა̄დ ხოჩვმინა.
Line of edition: 25    ალჲა̈რს ესნა̈რ იშგვიდ ლჷზა̈ჲ თვეთნე გიცა̈რ ხარდე̄ნახ დარბა̈ზს. ანჴიდხ
Line of edition: 26    ესნა̈რ ჩუ, ჟ'ათმა̈ზრეხ. ა̈ზიჰხ ჩუ ი ლატფუ̄რაჟი̄ნ ლახვე̄მხ ესნა̈რ გვი ტუფიშ ი
Line of edition: 27    ძვერი ნე̄სგა კინჩხხა̈ნქა ი ჰაკვა̈დმუყვ მეშხე ვიჯ ხა̈ყვნე̄ნა. ამის იმ ა̈დჴჷმრი̄სხ. ეჯჲა̈რ
Line of edition: 28    მა̈გ ჟ'ა̈მხვეტე̄ლიხ ჟა̈მშვ.


Line of edition: 29 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.