TITUS
Svan Chrestomathy
Part No. 139
Previous part

Text: 134 
Page of edition: 106 
Line of edition: 6 
134. რუსე̄თხა̈ნ ჯიჯვი ლიჴდე ჯვინალდ


Line of edition: 7       აშხვ ზავ ნიშგვეჲრე მა̄რე ადჲეს სალდა̈თდ. ჲარვ ზავისგა ანღჷრდახ ლა̈ჲრა̈რ
Line of edition: 8    ცაგერთე̄'სგა ი ეჩა̈ნ ნა̈ჲ ნა̄დ ლეჴდე. ლიჭვდა̈ნი ბაპა̈რჷნქა და̈̄ს ხოხალდა ი
Line of edition: 9    ეჯჲა̈რ იჭვდა̈̄ნდახ სგანქა ნაჴა̈დვ ლა̈ჲრა̈რს. მე̄სმა̄მ ზავ აფხნეგხა̈ნ ლა̈ირ ოხჴა̈დხ,
Line of edition: 10    ერე მინე მა̄რ' ე̄სერ ჩვალდაგა̈რ რუსე̄თ. მა̈ჲ საკვრელ ლი, მასა̈რდ ლიკილჲე̄ლ ი
Line of edition: 11    ლილჭა̈̄ლ ა̈ნსყა̈̄ნ. "ჲაღო იმჟი ხოჩა ლაშდღვა̄ლა̈შ ი იმჟი მა̄დე"? ამი გჷ̄ნჩ-მჷ̄ნჩ
Line of edition: 12    ა̄ნსყა̈̄ნ. ერს ხაკფჷნხ ლაშდღვა̄ლა̈ ლიჩვემ ი ლჷდგა̈რი ჩუ ლიცვრე რუსე̄თ. ერს
Line of edition: 13    სგა ლი̄ზი ხაკფჷნ ი ჯიჯვი ქა ლიჴდე. ღვეშგიმ პილს ჩვასკა̈ბ სგა ლი̄ზი ი ქა ლიჴდე
Line of edition: 14    ჯიჯვა̄რეშ. ქ'ა̄ჰვედხ ეშხუ ნალჯვემ და̈ბ აშირ მანა̈თღა. ალ ვარჩხილ შუნ ლა̈̄ჲე
Line of edition: 15    ლჷდგა̈რი მუხვბე̄მ, სგა ლა̈ჲჴერნე ეშხუ ნიშგვეჲმჷყიშ ნასჷლდათვ. ეჯას ჩუ
Line of edition: 16    ხოცხჷნ ეჯ ქალა̈ქ ე̄, იმვა̈̄ჲ ადგან სალდა̈თ. სგ'ა̄ჩა̈დხ ესნა̈რ ალ ქალა̈ქთე, კიევ ხაჟ

Line of edition: 17       ხე̄ნა, ჟ'ა̈ნთხეხ ლჷდგა̈რი აფხნეგ ი ამნე̄მ ქა ლახთო̄ნე, იმვა̈̄ჲ ხეშდღვა̈̄ნ ლჷდგა̈რ.
Line of edition: 18    აშხვ ლე̄თ გუნ მუბვირჟი̄ნ ქ'ა̄ჩა̈დხ საფლა̈ვთექა მინ სემი, ჟ'ა̄ნბჷრჯეხ ლჷდგა̈̄რ
Line of edition: 19    მარე ეჯჟი̄ნ ლუდვაშე ლჷმა̈̄რ, ერე ძვერს სგა ლეფდა̄ლდ მა̄მ ხაყე̄ნა. ეჩქას ესნა̈რ
Line of edition: 20    ა̈ნკიდხ ჟი გაჩა̈რ ი ძვერს ლიტა̄ბე ლოხვბინეხ, სალდა̈თ ქ'ა̄დზჷზეხ ი ყუთ ახჴიდნა̈̄
Line of edition: 21    ვნეხ. ჯიჯვა̈რ ამხა̄ვთე̄'სგ'ესწკატეხ ი საფლა̈ვ უშხვა̄რ ლახტიხხ. ეჩქანღო შჷნ
Line of edition: 22    ლა̈̄ჲეხ ალა ი ა̈გით' ა̄ნჴიდხ. ჩო̄ლირ კუბ ოხტა̄ბახ, ეჩხა̄ვთე̄სგ' ე̄სვდახ ჯიჯვა̈̄რ ი
Line of edition: 23    ეჩჟი̄ნ ანჴიდხ. ლაშდღვა̄ლ ეჩქანღო გარ ათყერხ მიჩა ქორშა̈რდ.


Line of edition: 24 
მჷლახ



Line of edition: 25 
გ) საქმიანობა

Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.