TITUS
Svan Chrestomathy
Part No. 156
Previous part

Text: 151 
Page of edition: 130 
Line of edition: 21 
151. ქანა̈ ლილთე, ლიჯიშ ი სგვირი ლისყე̄ნე

Line of edition: 22    ქანა̈ წყადა̈რს ზურალა̈̄რ ჩიქე ჩვაბქვეხ ღვებისგა ი ლჷცისგა, ხათერხ ეჩქას
Line of edition: 23    ჟი იკედხ. ჩუ ლუბქვა ქანს ხოჩა̄მდ ხეჯდი ქა ი ჩვაჯდიხ, ეჩქანღო ჟ'აჭყვა̄რეხ
Line of edition: 24    ი ამჟი̄ნ ჩუ დე̄სგიხ. ქანა̈ ლიჯდის ქ'ა̄ზგჷრეხ, ეჩქას ქა ლჷჯა̈დ ქანს ჩიქე ჩვაბე̄ნგვეხ
Line of edition: 25    წირო̄ლშვ ი ეჩქანღო თვით ტვეტი ლეღვე̄ნად ჩვაყვლუ̄რეხ ი ქ'ა̄სნეხ. ლასნად
Line of edition: 26    ქვინლჷმგენე̄მი ლესგი ჯიჯვ ხუღვეხ. ლასნაჟი̄ნ ქან ჩუ ინწუდი ი ქა̄მენქა ხოლა
Line of edition: 27    ფირფილ ქა ხეღრენი. ალ ქანს ხოხვრა̄მ ჭყავა̄რა̈რდ მჷსყა სგა დე̄სგიხ ცხიკთე,
Line of edition: 28    ეჩქანღო ჟი იკედხ ლაქნიჲა̈ ჩე̄რი-ჩერშდას, ქანა̈ აშხვ ჭყავა̄რსი ჟი იკედხ ცხიკხა̈ნჟი̄ნ,
Line of edition: 29    აშხვ თხვიმს ივკა̈̄ ლე̄ბჩუ̄ნ იჩხინეხ მეგჭად, მე̄რმა თხვიმს -- ლერსგვენ ქუთუ̄ლჩუქვა̄ნ,
Line of edition: 30    ქუთუ̄ლა̈რს ჟი მენკვად იყდა̈̄ნიხ, ერე ქან ჩვა̈დგჷჭანს, ხა̈ბრეხ ამჟი̄ნ
Line of edition: 31    ჭყავა̄რს კვეტ-კვეტო̄ლს კალჷლდა̈რს, უშკვქა ქა ითხპინეხ. ამნუვშ, ნა̈შყვშ,
Line of edition: 32    ჩვა̈ჟრეხ კალს, ეჩქანღო ჩე̄რი-ჩერშდოშ ლილთეს ი ლინჩრეს ხობნეხ. აშხვ კალს
Line of edition: 33    ქ'ა̄სრულეხ, ეჩქას მე̄რმა იცა̈̄დიხ. ჩუ ზჷმშვ კჷლთხიჟი̄ნ სგურხ ზურალა̈̄რ. ლერსგვენ
Line of edition: 34    მა̈შკ ქა ლუტტველე ხა̄რხ ი ეჩეჟი̄ნ ჩე̄რის ა̈სპუნეხ, ლერთენ ქუთუ̄ლეთქა ქა
Line of edition: 35    ლჷგთხჷნე, ქუთუ̄ლ ჩუქვა̄ნისგა ქან ხონხახ. ამკა̈ლიბ ლანჩრაჟი̄ნ ზურა̄ლს ლერსგვენ
Line of edition: 36    მა̈შკ ჟი ხოკაჩ ი ლერთენ ქა მერწვე ხა̄რ.

Line of edition: 37       აშხვ ლანჩრას ქ'ა̄ზგჷრე, ეჩქას მე̄რმა იბნე ი ამჟი̄ნ ა̈ლთე, ოდე ქან ჩუ დო
Line of edition: 38    ხოშდხენი.

Line of edition: 39       ლიჯიშ იმვა̈̄ჲჟი კვილის ხაკუჩ, ეჩჟი̄ნ ხაკუ სგვირსი̄. ქა ნა̈ჯიშუნღო ლჷჯიშს
Line of edition: 40    სგვირ ხაჟხა. ალ სგვირს სგვებნა̄ვ ტუტხორისგა ჩვაჯა̈ბხ. მჷჯა̈ბუნღო ჟი იტხეხ
Line of edition: 41    ი ჩვაშყვდიხ. მახა ლუშყვედ სგვირს ბაჩვჟი̄ნ წირშვ მასა̈რდ აყფჷნეხ. ეჩქანღო
Page of edition: 131  Line of edition: 1    ქა̄დ აშყდიხ ი ქა ხოთხფეხ ლა̈ფკვას. ჩუ ლუფკვანღო ჟ'აგვრუზიხ. ათხე სერ სგვირ
Line of edition: 2    ჩუ ლუთთვენე ლი, მარე ამის აჯაღჷდ ხაკუ ლიქჷრშე. ფიკვიდ ჩუ̄დ აქჷრშეხ ზექი,
Line of edition: 3    ამკა̈ლიბჟი̄ნა̈შდ მჷსყა ტა̄ფშვ ი სერ სგვირი ლჷმა̄რე ლი, თვეთნე ლი ი ჩინა̈რ
Line of edition: 4    ხაყა.


Line of edition: 5 
ლენჯა̈̄რ



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.