TITUS
Svan Chrestomathy
Part No. 212
Previous part

Text: 206b 
Page of edition: 189 
Line of edition: 33 
ბ


Line of edition: 34       ლახჴერნახ უშხვა̈რ უფლიშერქა ჩვიფშა̈რ. ა̈ჲრა̈ყ ი ლეზებ ლოხურმახ მინს
Line of edition: 35    მინე (\ ჰამაშრე) ჩვა̈ფშხენ ყვიმბრა̈ნიჟი ელგენხ. ლა̈იდ ისგა მოდე ხა̈ვხახ ი
Line of edition: 36    ლარგა̈დიშვ ხარგა̈დნახ. ამეჩუ ლექვ' ეჯჲა̈რ დემ ხემინდვხ ი ლეჟ' ალჲა̈რ დემ ღჷრიხ.
Line of edition: 37    ლეჟა-ლეჟა ხემუნდუდხ, ამრე ხაყლენიხ: "მეშჲა̈ლ როქვ ცხეკთე ნა̈რ ადგენახ".

Line of edition: 38       ეჯჲა̈რს (\ ჰამაშა̈რს) ჲორი მურყვამ ხა̈გნენახ. ათხე ხარგა̈დიხ უშხვა̈რ:
Line of edition: 39    "ლათოფოვ ანსყეხ". ჟა̈ფშხენ თა̈შ ოხკაჩახ, ჩვა̈ფშხენ, ნიშგე ვიმზა̈ ხა̈შხენა, ა̈მის
Line of edition: 40    ლუსუ ბოხოხა ხა̈გნენა, ა̈ლი ლოხგახ. "მინ ესერ ვიმზა̈იშ ფაყვს დემის ხეთეფხ,
Line of edition: 41    ტიშრა̈ ვიმზა̈იშ ფაყვს". ათხე ვიმზა̈ს ხოქვა: "ჰა მა̈ლდია̈ნ ჯგჷრა̈გ ბოგეშ, ლა̈დჲ ესერ
Page of edition: 190  Line of edition: 1    ა̈მიშ დაშდნა̈იშ ლიყერ ქ'ოვ ხა̈ხვიე". "იაღვ' ესერ ამჟი ა̈დყულურენეხ
Line of edition: 2    ლა̈დი უფლიშ ლა̈დეღ ი სუფრეშ ესეროვ ჩვა̈დთხანანხ" -- ჩვა̈ფშხენ ხოქვახ.

Line of edition: 3       ეჲთეჩუ ეჯჲა̈რ ჩ'ომჴედხ. ვიმზა̈ს გუთ' ოთდა მიჩა მჷწრა̈ლია̈შ დაგრა ი აშვ
Line of edition: 4    ჩიქდ ლჷმთჷრინხ ი ეჩქანღვე ლოხყვიფა ვიმზა̈ს დაშნა̈, ხოყირა ამნა̈რ კინჩხქა
Line of edition: 5    ი ყიაჟი გარ ლოხწება კინჩხ. ამეჩუ კა̈ბეშერ ჰასვიშ ხა̈რდენახ ჰამაშა̈რს.
Line of edition: 6    თჭაბახ კა̈ბეშერს: "ალჲ ესეროვ სგა ლახსა̈რინეხ". ლა̈ხვტაჟი ა̈მის ლოხლეჭალა, ერე
Line of edition: 7    "ხოჩ' ესერ ა̈დგია̈რ ეჯღაი ნა̈სოვ ათნებეხ".

Line of edition: 8       ალჲა̈რ ჟ'ოხხვიტახ. ბეფშ ი ზურალ ლაჰვდით' ოთხვაჲახ.


Line of edition: 9 
შარმეთ ჭკადუა. ლახამული. მ. ქალდანი. 11. ვიიი. 1951 წ.



Next part


This text is part of the TITUS edition of Svan Chrestomathy.

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.