TITUS
Svan Prose Texts III (Lentekh)
Part No. 228
Previous part

Text: 228 
Page of edition: 269 
Line of edition: 7 
CCXXVIII. ჭკვია̈ნილ ი მართა̈ლოდ


Line of edition: 8       ლჷმა̈რდელიხ ჭკვია̈ნილ (\ ჭკვია̈ნოლ) ი მართა̈ლოდ. ა̈მეჩედელიხ
Line of edition: 9    ლა̈ქმახო. ახაიდა მართა̈ლოდს დია̈რ ი ხოშკომნა ჭკვია̈ნილა̈შვდ.
Line of edition: 10    ჭკვია̈ნილს ხოქვა, ერე ქა ლოქუ ა̈ნცხჷკეს ეშხუ თე ი ქა
Line of edition: 11    ლოქ ლახინე დია̈რს.

Line of edition: 12       ქახოცხიკა მართა̈ლოდს ეშხუ თე ი ქა ლახოვოდა ჭკვია̈ნილს
Line of edition: 13    დია̈რ. ა̈მეჩედელიხ აჲაღ (\ აჯაღ) ი ახაიდნა მართა̈ლოდს დია̈რ.
Line of edition: 14    ხოქვა აჲაღ ჭკვია̈ნილა̈შვდ. ჭკვია̈ნილს ხოქვა, ერე "ქა ლოქუ ა̈ნცხჷკეს
Line of edition: 15    მერბე თე ი ქა ლოქ ლახთნე ეჩქა".

Line of edition: 16       ქა̈ხოცხიკა მერბე თე მართა̈ლოდს ი ლახოვოდა ბა̈ჩ ტოტა̈რისა.
Line of edition: 17    ა̈მეჩედელი ჭკვია̈ნილ შტაშვ ლა̈ქმახო. ჟ'ა̈მეჩედელი მართა̈ლოდ ეშხუ
Line of edition: 18    ცხვიმხოჟი. ჩკა̈ლლეთელი ი ა̈მეჴედელიხ სემი ზურალ. ეშხუს ხოქვა,
Line of edition: 19    ერე "ალეს ლოქ ერე ჩუ ხოხალდეს ალ ცხვიმ ჩუქან ვოქრუა̈ლ
Line of edition: 20    ა̈რიხ, ჩუ ლოქ ანღინე ი ჟი ლოქ ა̈ნკედ".

Line of edition: 21       ეჩქა მერბას ხოქვა: "ალეს ლოქ ერე ჩუ ხოხალდეს, ამშა ჩუქან
Line of edition: 22    ლოქ ერე ლიც ა̈რი. ამოვშ ლოქ ერ ქა̈დბა̈რნე თერა̈ლს, ჟი ლოქ
Line of edition: 23    ახეზვებენი თერა̈ლ".

Line of edition: 24       მესემას ხოქვა, ერე "ალეს ლოქ ერ ჩუ ხოხალდეს, ხენწიფს
Line of edition: 25    ლოქ ერ დენა ხა'ა ლეგდ. ერ ლოქ ადინე, ეჲ დენა̈ჲ ლა'ვრა ჩუქან
Line of edition: 26    ლოქ ერ ტა̈შტ ა̈რი, ეჩეჲსა ლოქ ბა̈'ა̈' ა̈რი. ეჯის ლოქ ერ
Line of edition: 27    ჩვადაგა̈რნე, დენა ჟი ლოქ იხოჩა̈ვი ი ეჯი ვოქრუა̈ლს ლოქ ხავდი
Line of edition: 28    ალ მართა̈ლოდს.

Line of edition: 29       ა̈მეჩედელიხ ზურელა̈ლ ი ჩვა̈მეჴედელი მართა̈ლოდ ძირხო ი მა̈გ
Line of edition: 30    ჟ'ახოს'ა, იმა̈ჲ ხოქვახ ეჲ ზურალა̈ლს. ჟ'ახაზვება, გაცხად, თერა̈ლ
Line of edition: 31    მართა̈ლოდს. ა̈მეჩედელი ხენწიფიშხო მართა̈ლოდ ი ხოქვა ხენწიფიშვდ:
Line of edition: 32    -- ჟ'ენ ლოქ ახოხოჩა̈ვი დენას. იმ ლოქ ლახინე?
Line of edition: 33       -- ჟი ლოქ ახოხოჩავას ი მიჩა ვოქრუა̈ლს ხჷნსკას ქა ლოქ
Line of edition: 34    ლახინე.

Line of edition: 35       ჟ'ახოხოჩავა, გაცხად. მართა̈ლოდს ალ დენა. ქა ლახოვოდა
Line of edition: 36    მიჩა ვოქრუა̈ლ ხჷნსკა. ა̈მეჩედელი მართა̈ლოდ ა̈გხო.

Line of edition: 37       მართა̈ლოდს ათანაბავა, ერე ჭკვია̈ნილ ერ ა̈გის ასოხვიდა.
Page of edition: 270  Line of edition: 1    ჭკვია̈ბილდ ხა̈ქვ მაორთა̈ლოდს: -- იმეხნ ლოქ ახოჴიდა ალმა̈გ
Line of edition: 2    ვოქრუა̈ლ?
Line of edition: 3       -- იმეხნ ლოქ ი ცხვიმჟი ლოქ ერ ლჷმა̈რდელი, ზურელა̈ლს
Line of edition: 4    ლოქ ლახოვოდახ.

Line of edition: 5       ა̈მეჩედელი ჭკვია̈ნოლ ლა̈ჲ ეჲ ცხვიმხოჟი ი ა̈მეჴედელიხ სემი
Line of edition: 6    ქაჯა̈რ. ჭკვია̈ნოლს ხა̈ხიადენა: "იმალამ ლოქ ახოჴიდახ ალ ქაჯა̈რ".
Line of edition: 7    ხოქვახ ალ ქაჯა̈რს ჭკვია̈ნოლა̈შვდ ჩიქე ეშხუს: "ალეს ლოქ ეჯი
Line of edition: 8    მა̈დ ხეკვედიუ, ერვ ჩუ ლოქ ერ ა̈ნ'ენეხ, ჩუ ლოქ ადადაგა̈რნეხ?"

Line of edition: 9       მერბას ხოქვა, ერე: "ალეს ეჯი ლოქ მა̈დ ხეკვედიუ, ერე ჩუ
Line of edition: 10    ლოქ ადაკუპა̈ლიხ?"

Line of edition: 11       მესემას ხოქვა, ერე: "ალეს ეჯი ლოქ მა̈დ ხეკვედიუ, ერე ჩუ
Line of edition: 12    ლოქ ერ ადაკუპა̈ტიხ?"

Line of edition: 13       ჩვახო'იახ, გაცხად, ჩვათოკუპატახ. ა̈მეჴედელი ჭკვია̈ნოლა̈ ლა̈თხელიდ
Line of edition: 14    მართა̈ლოდ ი მართა̈ლოდ ჭკვია̈ნოლა̈ ჯიჯვა̈რ გარ ასახვია.

Line of edition: 15       აჲსამეზრახ ღერბეთდ!


Line of edition: 16 
საშა ქურასბედიანი. ხოფირი. მ. ქალდანი. 18.IX.1957 წ.



Next part


This text is part of the TITUS edition of Svan Prose Texts III (Lentekh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.