TITUS
Svan Prose Texts IV (Lashkh)
Part No. 10
Previous part

Text: 10 
Page of edition: 14 
Line of edition: 26 
X. ლი̄ჲმახვა̄ლ


Line of edition: 27       ჯვინელ დროჲჟი̄ნ შვანისა სურუ ლი̄ჲმახვა̄ლ ლჷმა̄რ. ეშხუ
Line of edition: 28    სოფელ მე̄რმა სოფელს ხა̄ჲმახვა̄ლნა, ეშხუ თემ -- მე̄რმა თემს, ლანხუბ --

Page of edition: 15 
Line of edition: 1       მე̄რმა გვარი ლანხუბს ი ამჟი ხა̄რახ ივანდჷ̄რან უქვი̄ცა ლი̄ჲმახვა̄ლ.
Line of edition: 2    ეჩხე̄ შვანარ ამხე̄ შვანარს ხა̄ჲმახვა̄ლნახ; ჟი ხარღვე ნო̄ლნახ პარტიაჲ-
Line of edition: 3    პარტიაჲდ ი ჟი ლჷმჲაყრინხ მეზგას ი კეთილს ი მა̄რას ქა ლჷმჲესინხ;
Line of edition: 4    მა̄რას ქა ლჷმვოდინხ ცხვიშილდ ჲედ სავთე, ჲედ იშგნა̄გთე ი კეთილ მინს
Line of edition: 5    ხასდენო̄ლნა. მახა ნაჴიდ ტყვეჲს სგა ხაბმინახ ხაჯაროულს ი ქა ლი̄ტვ
Line of edition: 6    მა̄მ ხა̄ჲმედე̄ნა. ძღჷდ ლჷჴმაშ გვარ მა̄რე̄მი ნაფშიროშ ლჷმა̄რ ი მერხელდ
Line of edition: 7    ღვაჟმა̄რახენ მერდა გვარს ჟი ხამწირნახ ი ცხვიშილდ ლჷ̄მჲესინხ.
Line of edition: 8    ჲერხის მახე დროჲნუნ ხაყე̄ნახ ცხვიშილდ ნაჴიდ მა̄რე̄ლ. ლავდითე
Line of edition: 9    ლაჲესჟი ასუშ-ნიბა̄შილს ქა ლჷმტიხინხ ი ალე მე̄ვარ ჟახად
Line of edition: 10    ხაბჟე̄ნახ.

Line of edition: 11       ტყვეჲდ ერ ადჲესნახ მა̄რას, ჲეს-ჲეს საჴსარს ხაჴდუნვნინახ
Line of edition: 12    ი ქა ხატხინახ ეჩქა ტყვეჲს. ლა̄ჲმახვა̄ლჟი, შომასი̄ ტყვეჲარს ჲედ
Line of edition: 13    კუმაშს ადჲესნახ ამხვარ, ეჩქა ქა ხაჭმენო̄ლნა სოფელხენ ფადე̄ს ი
Line of edition: 14    ჟი ე მოშ ეხწინო̄ლხ მე̄ჲმახვა̄ლას, ღო ქა ხაღე̄შნახ ნაჲეს ტყვეჲარს
Line of edition: 15    ი იშგენ კეთილს. სოფლი მა̄რე მაგ ჟი ლჷმა̄რე ლჷმარხ ლაფდე̄სდ.
Line of edition: 16    ჩი̄ს კაჟიან თოფ ლჷმსკადად ხაღვე̄ნახ; ჯაბრალ სგა ხალჯე̄ნა თოფი
Line of edition: 17    ბიდს ი შომასი̄ ლეხსჷმო̄ლხ სამყური ლიშვმე, შიშდ ქა ლჷმსკინინხ
Line of edition: 18    ფადე̄სდ ლა̄ზდ.

Line of edition: 19       მეჩი მა̄რე̄ლს ჩუ ხაშყიდს ჩი̄ს ეჩქადა ლი̄მახვა̄ლი გვეშარ ი ხვაჲ
Line of edition: 20    ამბვარს ა̄მბვიხ ლა̄ჲმახვა̄ლე გვეშარეშს. ხასკვრელხ ეჯჲარს ათხე̄
Line of edition: 21    დროჲა შვიდობიანდ ლირდე. ჯვინელ დროჲჟი, შომა̄ჲ ერე მე̄რმა
Line of edition: 22    სოფელთე ი ჴევთე დოშ ლჷმა̄ზნხ ლა̄ჲმახვა̄ლდ, ეჩქას სოფელისა
Line of edition: 23    ხატხენო̄ლნახ უშხვა̄რ ი მუ̄რყვმალი̄ ეჯღა ხო̄გხ ჩი̄ს. მენშევიკობა
Line of edition: 24    დროჲჟი ქაუდ ლეხშყადხ ჯვინელ ლი̄მახვა̄ლია დროჲ ი ჟენბინეხ
Line of edition: 25    ლი̄მახვა̄ლ.


არდევან ონიანი. სასაში. მ. ქალდანი. 21. IX. 1971



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.