TITUS
Svan Prose Texts IV (Lashkh)
Part No. 71
Previous part

Text: 71 
Page of edition: 95 
Line of edition: 5 
LXXI. დიუთრა


Line of edition: 6       ლჷმა̄რე̄ლიხ ეშხუ ჲეხვ-ჭაშ. ეჯჲარს ხაყე̄ნახ ვობოლ დენო̄ლ
Line of edition: 7    ეჯი დი̄ნო̄ლს ხაყვანნინახ ფურს ლალდეღთე. ბობში̄ლ დე̄მ ლჷმა̄ზინ
Line of edition: 8    ი ლუმგვანინ. ჩიგარ ხაყვანნინახ მატყი ფეთარს ი მიჩა დინაცა̄დ
Line of edition: 9    ხაყლინა: -- სგურალ ლოქუ ანჯიშე. ალე ბობში̄ლ ლუმგვანინ:
Line of edition: 10    -- მაჲ ლოქ ჩომნას, მაჲ ლოქ ახფასას ალეს მიჯნე̄მდ. ეჩქა ფურს
Line of edition: 11    ხო̄ქვა ბობში̄ლაშდ, ერე სგა̄ვ ლოქ ოსდე შტიმთე̄ჲსა. სგო̄სდა ეჯი შტიმთე
Line of edition: 12    ი ნებოზს ქა ლოხვოდა ლჷჯიშე სგურ. სერ ამჟი ჩილადეღ ხაყვანნინა.
Line of edition: 13    ეჩანღო ლოხვოდა ქანა ნაპირო̄ლ: -- სგურ ლოქუ ანჯიშე
Line of edition: 14    ამშა აჯახ. ალე დი̄ნო̄ლ იგნუდა. ეჩანღო ემჩედე̄ლი ი სგო̄სდა შტიმთე
Line of edition: 15    ფურიშდ ი ნებოზს ფურს ქა ლოხვოდა ლჷჯიშე სგურ.

Line of edition: 16       ეჩანღო ალე დი̄ნო̄ლს ლახა̄რა ლამციქულს ხელმწიფ. დი̄ნო̄ლს
Line of edition: 17    ხო̄ქვა: -- იმნარ ლოქ ჯაკუ̄ხვი მი, მი ვობოლდ ლჷრდ ლოქ ხვი.
Line of edition: 18    ი ეჩანღო ალე დი̄ნო̄ლ ქა ხოშგმი̄ნა ხელმწიფი გეზალს ი ხა̄რე̄ნახ
Line of edition: 19    ქორწილ. ისგ შუკვდ ერ ემჴედე̄ლიხ, ეჩქა მიჩა დიუთრას თე̄რალ
Line of edition: 20    ქო̄ხკჷდჷ̄რა ი ძივარ ქო̄ხფი̄შგა ი ეჩა მჷქაფდ ოთყევნა მიჩა გეზალ.
Line of edition: 21    ეჯი დი̄ნო̄ლ ჩვემსედ შუკვისა ი მე̄რმე დი̄ნო̄ლ ოთჲახ. ალე დი̄ნა
Line of edition: 22    ჩვერ ოთბარახ, ეჯ ლეთ მაგ ოთვოხრავა ეჩა წვირს. ალე ხასკვრელე̄ნახ
Line of edition: 23    ეჯჲარს, მანკვი ერ ხეყე̄დახ, ეჩა ნაბრა̄ლ თეთრდ ხასპო̄ლნა.
Line of edition: 24    მე̄რმა ლადეღ ეჩა ჭაშ ემჩედ ლათხვიართე ი ჟათლაკე̄ნა ღელა̄ პილჟი
Line of edition: 25    მიჩა კეცხაში ჲეხვს. ალე დი̄ნას ჴარჴხენჟი ჟოხკვა̄რა ვოქვრე ძივ
Line of edition: 26    (\ შარან) ი ქა ხო̄ქვა: -- ალე ლოქუ ლახო̄მ მიჩა დიუთრას ი ეჯის
Line of edition: 27    ქა ლოხვოდა. ი ალე ჭყინტ მიჩა ჲეხვე თე̄რალს ქა̄ხბი̄შდე̄ნა. ერ
Line of edition: 28    ოთჲა, სგა ლოხგა მიჩა ჲეხვეშდ ი ეჩანღო ალე დი̄ნა ოთჲა აგითე.
Line of edition: 29    ეჯი დი-გეზალ სგა ლოხბახ ჩა̄ჟი აკვედდ ი ლემჷჟს ოთჲახ ი ლენთოჲს
Line of edition: 30    ობტი̄ხახ. ეჩანღო მინ იზგჷდახ ბედნიერდ.


ნარგიზა ჯანხოთელი. ჩიხარეში. მ. ქალდანი. 5. VIII. 1960



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.