TITUS
Svan Prose Texts IV (Lashkh)
Part No. 70
Previous part

Text: 70 
Page of edition: 94 
Line of edition: 1 
LXX. სამტევან ჭაბუკ


Line of edition: 2       ლჷმარდე̄ლი ეშხუ ჭყინტო̄ლ, დე̄სამა ხაღვე̄ნა სემი ტევან ყურძენი̄ლსერ.
Line of edition: 3    ალჲარ ჩუ ხარკე̄ნა ჭვედლექვა. ემჴედე̄ლი მა̄ლჷ̄ლ ი
Line of edition: 4    ხო̄ქვა:
Line of edition: 5       -- ქა̄ვ ლოქ ლახო̄მ ეშხუ ტევანე̄ლ ი თეთრს ლოქ ლახო̄დი.

Line of edition: 6       ქა ლოხვოდა ეშხუ ტევანე̄ლ ი მა̄ლს ქა ლოხვოდა თეთრ. ეჩღო
Line of edition: 7    მე̄რმა̄მდუდ ლახტეხა ი ქა̄ვდ ახბეშდენა. მესმა̄მდ ერ ლახტეხა, ჩო-
Line of edition: 8    თჷრმა მა̄ლ სამტევან ჭაბუკს ი ქო̄თყიდა და̄ვაშდ. მა̄ლს ჩიგარ ხაჩო̄ნა.
Line of edition: 9    და̄ვს ხო̄ქვა:
Line of edition: 10       -- ალს ლოქ ლიჩო̄ნა̄ლს დოშ ათქვიცვნი, მაჲ მა̄რე ლოქ ი̄რი
Line of edition: 11    ი ჩოხრეკა წირხშვ ჭვედლექვა. ჩუ ერ ალშგუდე̄ლი, შდიქარ
Line of edition: 12    ლჷღიჯ ათსედა. ალახ ლოქ ლიჩო̄ნა̄ლ მო̄დ ოთქვეცა, ოხკიდა და̄ვს ფა̄უ
Line of edition: 13    ი ხატცინა, ეჩუნღო̄ნენ ჟოხშიდვნა შდიქარ, მა̄ლ ჩოთცვი̄რა ი ემჩედ
Line of edition: 14    სამტევან ჭაბუკიშთე. ახჭემე̄ნა ქა ი სამტევან ჭაბუკ ჩვაჷ̄ტვე̄ლი ი
Line of edition: 15    სგე̄მჩედ ეშხუ მინდორთე. ამეჩუ და̄ვარ ლჷმქეიფინხ ი მაგ მასარდ
Line of edition: 16    ხაღვე̄ნახ. სამტევან ჭაბუკ ქე̄მჩედ და̄ვარმოყ ი ხო̄ქვა:
Line of edition: 17       -- არიქი, საბა, თხუმსუ ხოწა̄დახ, ოდო სამტევან ჭაბუკ ი მიჩა
Line of edition: 18    ჯარ ლოქ ანღრიხ.
Line of edition: 19       -- ჲაღო მაჲ ლოქ ჩომნახ, საბა, და̄ვარდ ლახტიხხ.
Line of edition: 20       -- ამეჩუ̄ნენ სგა̄ვ ლოქ აჩადხ ჭემთე, ათვი ი ათვი ლოქ ერ ხა̄დეხ,
Line of edition: 21    სგა̄ხი ი სგა̄ხი̄ვ ტეხნო̄ლხ, ეჩქა ლოქ ხოშა̄ჲ ხოშა ფე̄დჲას
Line of edition: 22    ანღრენის ეჯჲარ.

Line of edition: 23       სგე̄რ ემჩედე̄ლიხ და̄ვარ, ჭაბუკს სგო̄თბიდნა ჭემიშვდ. ათვი ერ
Line of edition: 24    ხა̄რახ და̄ვარს, ხოშა სგა̄ხი ი სგა̄ხი ალღრჷ̄ნე̄ლიხ. სერ ეჩუნღო
Line of edition: 25    და̄ვარი̄ ჩვალშიხე̄ლიხ ი თელდ ქონება სამტევან ჭაბუკს ასსედა ჩუ.
Line of edition: 26    მაგ მასარდ ხაღვე̄ნა -- ლერექვი̄ ი ლეზობ-ლეთრე̄ჲ. ღოშგინპილს,
Line of edition: 27    ლეზობ ერ სგა ლახშდეხა, ემჩედე̄ლი ეშხუ ცხეკთე, ჟასლაკე̄ნა მუ̄რყვამს,
Line of edition: 28    ამე̄ჲსა და̄ვარ ლჷმქეიფინხ. სგო̄თჲახ ალე̄ჲ ქორთე ი ერ ოხბინახ
Line of edition: 29    ღვინელი ლითრე, ეჩქა სამტევან ჭაბუკს ხო̄ქვა:
Line of edition: 30       -- ჭიქარშვ ლოქ ნო̄მ ითრეხ, სგა ლოქუ ღჷ̄რდახ კეცთე ი
Line of edition: 31    ქა̄ვ ლოქ იზწჷ̄რდახ კეცს.

Line of edition: 32       და̄ვარს სგო̄თგენახ ჭაბუკ კეცთე̄ჲსა:
Line of edition: 33       -- ქა̄ვ ლოქ ენჷნწჷ̄რე ჲაღო მიჯნე̄მ.

Line of edition: 34       სამტევან ჭაბუკს ჴვენეჟისა ხაღვე̄ნა კვეთხ, ჟოხკი̄და, ხოყი̄რა
Line of edition: 35    ი ჩოთფი̄ტა ნანკვრი ი კეც ქა̄ლჷნწჷ̄რე̄ლი. ჟი ე̄რ ოხტი̄ხახ სამტევან
Line of edition: 36    ჭაბუკ, ლახსაკვრელე̄ნახ,

Page of edition: 95 
Line of edition: 1       -- იმჟი ლოქ ლოხო̄შვა ამზუმ ღვინელ?!

Line of edition: 2       ეჩუნღო̄ნენ სამტევან ჭაბუკიშვდ და̄ვარს ქა ხოშგმი̄ნახ ჲეხვ,
Line of edition: 3    ჟოხყიდახ ღოლჲა̄ქარ, ჩუ ხა̄რე̄ნახ ხოჩა ლირდე ი ჯამზჷრახ
Line of edition: 4    ღერთემ.


შოთა ონიანი. სასაში. ა. ონიანი. 5. VIII. 1960



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.