TITUS
Svan Prose Texts IV (Lashkh)
Part No. 199
Previous part

Text: 199 
Page of edition: 216 
Line of edition: 9 
CXCIX. ლაწლა̄ნდაშ


Line of edition: 10       ლაწლა̄ნდაშს ათხე̄ დროჲჟი მური ბოგს ხატუ̄ლიხ, მარა ეჩქად
Line of edition: 11    ლაწლა̄ნდაშს ხატუ̄ლნახ. ალე ლი შვანჲაშ ი ლეჩხუმი აღვრა, ამჷნლექვა
Line of edition: 12    ლეჩხუმ იბნი ი ამჷლეჟა -- ამხე̄ შვან. გასკად ჴევ ლი ი ჲერუ
Line of edition: 13    კოჯა ნე̄სგა ლა̄შხური ლიც ვედშვ ხასკდა, ეშ ნახვწი ლი ი შუკვ
Line of edition: 14    ამექა ხა̄ზ ათხე ი ეჩქადი̄, მარა ეჩქადა ლაწლა̄ნდაში შუკვ ლა̄ჲრაკდ
Line of edition: 15    არი, ეშ ნახვწი ლაცჷ̄გევ შუკუ̄ლ ხაბმე̄ნა ალ კოჯქა, ერე მა̄რე ი ჩა̄ჟ
Line of edition: 16    ვედშვ ხაგვწვნო̄ლნახ ალ შუკვქა. ხვაჲ ჩა̄ჟ მეშყდე̄ლი ალ კოჯლექვა
Line of edition: 17    ი ჩუქვა̄ნ მანდღვა̄რ ხო̄გ ლა̄შხურ ი ხვაჲ ღალ ლუშგვდე̄ლიხ ქა ნაშყედ
Line of edition: 18    ხოლა ლჷკოჯ შუკუ̄ლხენ. ათხე ხე̄ცვხ ლა̄შხარს ამექა ლი̄ზის
Line of edition: 19    ამჟი: ჩა̄ჟ ლოქ ათშყედა ლაწლა̄ნდაში კოჯლექვა ლჷლა̄ბ ი ჩვედდა̄ვშო̄ლ,
Line of edition: 20    მაჲ საკვრელ ლი. ჩუ ლოქ ემჩედ მჷლა̄შხ, ქო̄თქვი̄ცა სგობნე
Line of edition: 21    ჭიშხ ჩა̄ჟიშდ, ჟოხჴი̄და ლაწლა̄ნდაში შუკუ̄ლთეჟი, ჟი ხაგმინა ალ
Line of edition: 22    ჩა̄ჟი ჭიშხს შუკუ̄ლჟი ი ლჷმყჷლო̄ნ: "ა̄ საბრა ლოქ კავშაჲ, კავშაჲ
Line of edition: 23    ჩა̄ჟს ხაჟხე̄ნა, ამეჩუ ლოქ დო ოსგა ალ ჭიშხ ი ღო ლოქ დე̄მ აშყდენო̄ლ
Line of edition: 24    ალ კოჯლექვა". ამჟი ხე̄ცვხ მჷლა̄შხს მე̄რმე გნი მა̄რე̄ლ ლაწლა̄ნდაშქა
Line of edition: 25    ლი̄ზი̄ ამბავს, ეჲჟი გარჯ ლჷმა̄რ ამექა ლი̄ზი, მარა ათხე̄
Line of edition: 26    თავრობდ ჩოთკარე ლჷკჷლ ყო̄რალ შვანს ი ლაწლა̄ნდაში კოჯ, ალე
Line of edition: 27    შვანარე დარდანელ, ბუღვი̄რდ ადგენე ი ლადი ბაღდავან შარა ენსყა̄ნ
Line of edition: 28    ი მარშინე̄ლ ესღრიხ ამექა. ალ ამბავ ისნავდი̄ მა̄ ლეხი̄სნავო̄ლ
Line of edition: 29    მუშვანს, ერე ლჷკჷლ ყო̄რალ ეთკარო̄ლ ი სერ ათხადა ჭირ ალე მაგ
Line of edition: 30    ლა̄შდნას ლეხვოდა̄ნ ი ლადი ეშ იტრჷ̄კანა̄ლხ ლაწლა̄ნდაშქა ათხად
Line of edition: 31    ლჷჭი̄რე ნავშუკროშ შვანარ, მეჩი ი მახე მაგ. ლაწლა̄ნდაში კოჯა
Line of edition: 32    ციხვაჟი ლჷ̄გხ მე̄ვარ ჯვინელ დროჲა მუ̄რყვმალ ვო̄შთხვ აგის,
Line of edition: 33    მე̄რმა-მე̄რმა აგის უშხვა̄რე ნამწვინქა ი ეჯ მუ̄რყვმალე ჟახე̄ლ ამჟი ლიხ:
Line of edition: 34    მანკვი მეხვჲე ეშხუ მუ̄რყვამს ხატუ̄ლიხ "მარჯუ̄ლდ ლოქ ოსხვი̄დ",
Page of edition: 217  Line of edition: 1    ნე̄სგა აგის მეხვჲე მუ̄რყვამს -- "ხაჴ ლოქ ეჯის" (ჰკა მაგას), მესმა
Line of edition: 2    მუ̄რყვამს -- "ნო ლოქ ეჯჩეს, ნომა ლოქ აფუშდი" (არ გაუშვა) ი
Line of edition: 3    მო̄ვშთხვა, ღოშგინპილია, მუ̄რყვამს -- "ჭიშხარს ლოქ დეშ ლაჯმამნე"
Line of edition: 4    (ფეხებს ვერ მოგჭამსო). მანესგჷრა მუ̄რყვამ მაშე̄ნე ძღჷ̄დ
Line of edition: 5    ლი ი ძღუდი̄ ძღჷდ ხაცხიპ ი ლიცი ჭა სგა̄მენ ლი მჷსყე. "ჰკა მაგას"
Line of edition: 6    ერ ხაჲშხა, აში̄ ხოშა ბჷგი ციხვაჟი ლჷ̄გ ალ მუ̄რყვამ" მიჩა ლუძღუდდ.
Line of edition: 7    ალ მუ̄რყვმალ ათხად ლოქ და̄დჲა̄ნაშ ლჷმა̄რხ, თათრი ჯარ
Line of edition: 8    ლოქ ხაშგბა ალჲარს, მარა ღოშდ ლოქ ოთტი̄ხახ.


ა. ონიანი. 31. VIII. 1958



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.