TITUS
Svan Prose Texts IV (Lashkh)
Part No. 227
Previous part

Text: 227 
Page of edition: 231 
Line of edition: 19 
CCXXVII. ქჷნშა̄რ დიარ


Line of edition: 20       ლალქანაურ მეზგე ძვირდ ე̄რ იგნი; იშგენ მო̄დე, თეკვარს მა̄
Line of edition: 21    ხა̄რ ლასედ მეზგა̄ჲსა. ეჩქად ლალქანა, მაჲ საკვრელ ლი, ჩი̄ს
Line of edition: 22    ხაღვე̄ნა ი ლალქანათე ქა ლჷწვი̄ლა ასუში̄ სგა ხაგდე̄ნა ნათი.
Line of edition: 23    ჲერხიაგის ათხე̄ჲ ჴედნიხ ქალჷწვი̄ლე ლა̄ჲსუშა მე̄ვარ დო̄სგაშ, ჲერხი
Line of edition: 24    ლჷმჩე ღო̄თ ლიხ, ქრისდე̄ში უჭმისა ჩვი̄გნიხ ლამვერალმჷყ ჲერუსემი
Line of edition: 25    ნაგზი, ქა̄ტმჷ̄რეხ მინე ქანა ნა̄თის ი აჲესხ აგითე. ალე წეს ლჷმა̄რ
Line of edition: 26    დო̄სგჷნღო. მაკარია̄ჲ თეკვარ ერ ანჴადხ ათხე̄ დროჲჟი, ეჩანღოგარ
Line of edition: 27    ოთშყად ქანს ლჷგონ, ოდო ეჩქად ჲარ მოშ ხოსდენო̄ლ ქანს,
Line of edition: 28    მარა ქან ეში̄ ხაწჷხხ ქჷნშა̄რ დიარალე ლანყად. ქჷნშა̄რ დიარალს
Line of edition: 29    ანყახ ლითო̄დრი ლადეღ ი ნაჯგრუნ-ნაფა̄ნუნდ. ქჷნეშს ქა̄ზთუნეხ,
Line of edition: 30    ჟაჯბიხ ი სგა ხოჩდიხ დიარს, ნატფჷნს ჲედ კვეცენს ხატფინეხ, ჲედ --
Line of edition: 31    ქერს ი ჲედ -- მანა̄შს. ქა მჷნაყ ქჷნშა̄რ დიარს ქა̄მენქა ხოცვენიხ
Line of edition: 32    ქანხენქა ნაზთუნ ზეთს ი ეჲჟი იჴმარიხ ლეზობდ. ამთა̄ნ უშვრია დიარ
Line of edition: 33    დე̄მშა ლი ი გემაში̄ ხოჩა ლი. ხვაჲდინ მუვურწყოვი ზურა̄ლს ხოჴდეხ
Line of edition: 34    ნაკვჲა̄ლუნდ ქჷნშა̄რ დიარალს. ქჷნშა̄რ სამარხვ ლეზობ ხა̄რხ,
Page of edition: 232  Line of edition: 1    ამშაცახან ნა̄ყუნ მა̄მ ხაწჷხ მჷზობს. ეჩქადა დროჲჟი ვონ ქალაქთე
Line of edition: 2    ლჷმჲესინხ თეკვარს, მაჩხრანალს ი ნე̄სკო̄რალს ქა ლევდიდ ი ქანა
Line of edition: 3    სგურალს ლჷმსყეინხ ლერექვია̄ქდ, ბარდან ერ დო̄სა ლჷმარდ ი
Line of edition: 4    ლალქანე̄ლი̄ ამღა ხაღვე̄ნახ ჩი̄ს ი ლჷწვი̄ლე ასუში̄ ამღა დე̄მ
Line of edition: 5    ლჷმთვიფინ ქანა ნა̄თის, ამჟი მჷწჷხ ერ ხა̄რა ქანს ი ლალქანას, მარა
Line of edition: 6    ათხე სამწჷხ ქანი̄ლა გუ̄ნღა ი ქჷნშა̄რალე გუ̄ნღაგარ ალა̄შიხ ქანს,
Line of edition: 7    ოდო თეკვარე გუ̄ნღა და̄რ ეშჲეში̄, ლახ ერ მაკარია̄ჲ თეკვარ ხეთხიხ
Line of edition: 8    ლეყდიდ.


ა. ონიანი. 31. VIII. 1958



Next part


This text is part of the TITUS edition of Svan Prose Texts IV (Lashkh).

Copyright TITUS Project, Frankfurt a/M, 24.1.2010. No parts of this document may be republished in any form without prior permission by the copyright holder.