TITUS
Rg-Veda: Rg-Veda-Samhita
Part No. 305
Previous part

Hymn: 9_(305) 
Verse: 1 
Halfverse: a    अग्ने॑ मृ॒ळ म॒हाँ अ॑सि॒ य ई॒मा दे॑व॒युं जन॑म् ।
   अग्ने॑ मृ॒ळ म॒हाँ अ॑सि
   अग्ने मृ॒ळ म॒हान् असि
   अग्ने मृ॒ळ म॒हाँ अ॑सि

Halfverse: b    य ई॒मा दे॑व॒युं जन॑म् ।
   यः ई॑म् आ दे॑व॒युम् जन॑म् ।
   य ई॑म् आ दे॑व॒युं जन॑म् ।

Halfverse: c    इ॒येथ॑ ब॒र्हिरा॒सद॑म् ।।
   इ॒येथ॑ ब॒र्हिरा॒सद॑म् ।।
   इ॒येथ ब॒र्हिः आ॒सद॑म् ।।
   इ॒येथ ब॒र्हिर् आ॒सद॑म् ।।


Verse: 2 
Halfverse: a    स मानु॑षीषु दू॒ळभो॑ वि॒क्षु प्रा॒वीरम॑र्त्यः ।
   स मानु॑षीषु दू॒ळभो
   स मानु॑षीषु दू॒ळभः
   स मानु॑षीषु दू॒ळभो

Halfverse: b    वि॒क्षु प्रा॒वीरम॑र्त्यः ।
   वि॒क्षु प्रा॒वीः अम॑र्त्यः ।
   वि॒क्षु प्रा॒वीर् अम॑र्तियः ।

Halfverse: c    दू॒तो विश्वे॑षाम्भुवत् ।।
   दू॒तो विश्वे॑षाम्भुवत् ।।
   दू॒तः विश्वे॑षाम् भुवत् ।।
   दू॒तो विश्वे॑षाअम् भुवत् ।।


Verse: 3 
Halfverse: a    स सद्म॒ परि॑ णीयते॒ होता॑ म॒न्द्रो दिवि॑ष्टिषु ।
   स सद्म॒ परि॑ णीयते
   स सद्म परि नीयते
   स सद्म परि णीयते

Halfverse: b    होता॑ म॒न्द्रो दिवि॑ष्टिषु ।
   होता म॒न्द्रः दिवि॑ष्टिषु ।
   होता म॒न्द्रो दिवि॑ष्टिषु ।

Halfverse: c    उ॒त पोता॒ नि षी॑दति ।।
   उ॒त पोता॒ नि षी॑दति ।।
   उ॒त पोता नि सी॑दति ।।
   उ॒त पोता नि षी॑दति ।।


Verse: 4 
Halfverse: a    उ॒त ग्ना अ॒ग्निर॑ध्व॒र उ॒तो गृ॒हप॑ति॒र्दमे॑ ।
   उ॒त ग्ना अ॒ग्निर॑ध्व॒र
   उ॒त ग्नाः अ॒ग्निः अ॑ध्व॒रे
   उ॒त ग्ना अ॒ग्निर् अध्व॒र

Halfverse: b    उ॒तो गृ॒हप॑ति॒र्दमे॑ ।
   उ॒त उ गृ॒हप॑तिः दमे ।
   उ॒तो गृ॒हप॑तिर् दमे ।

Halfverse: c    उ॒त ब्र॒ह्मा नि षी॑दति ।।
   उ॒त ब्र॒ह्मा नि षी॑दति ।।
   उ॒त ब्र॒ह्मा नि सी॑दति ।।
   उ॒त ब्र॒ह्मा नि षी॑दति ।।


Verse: 5 
Halfverse: a    वेषि॒ ह्य॑ध्वरीय॒तामु॑पव॒क्ता जना॑नाम् ।
   वेषि॒ ह्य॑ध्वरीय॒ताम्
   वेषि हि अ॑ध्वरीय॒ताम्
   वेषि हि अ॑ध्वरीय॒ताम्

Halfverse: b    उपव॒क्ता जना॑नाम् ।
   उ॑पव॒क्ता जना॑नाम् ।
   उ॑पव॒क्ता जना॑नाअम् ।।

Halfverse: c    ह॒व्या च॒ मानु॑षाणाम् ।।
   ह॒व्या च॒ मानु॑षाणाम् ।।
   ह॒व्या च मानु॑षाणाम् ।।
   ह॒व्या च मानु॑षाणाअम् ।


Verse: 6 
Halfverse: a    वेषीद्व॑स्य दू॒त्यं॒ यस्य॒ जुजो॑षो अध्व॒रम् ।
   वेषीद्व॑स्य दू॒त्यं
   वेषि इत् उ अस्य दू॒त्य॑म्
   वेषीद् उ अस्य दू॒तियं

Halfverse: b    यस्य॒ जुजो॑षो अध्व॒रम् ।
   यस्य जुजो॑षः अध्व॒रम् ।
   यस्य जुजो॑षो अध्व॒रम् ।।

Halfverse: c    ह॒व्यम्मर्त॑स्य॒ वोऴ॑वे ।।
   ह॒व्यम्मर्त॑स्य॒ वोऴ॑वे ।।
   ह॒व्यम् मर्त॑स्य वोऴ॑वे ।।
   ह॒व्यम् मर्त॑स्य वोऴ॑वे ।


Verse: 7 
Halfverse: a    अ॒स्माकं॑ जोष्यध्व॒रम॒स्माकं॑ य॒ज्ञम॑ङ्गिरः ।
   अ॒स्माकं॑ जोष्यध्व॒रम्
   अ॒स्माक॑म् जोषि अध्व॒रम्
   अ॒स्माकं जोषि अध्व॒रम्

Halfverse: b    अ॒स्माकं॑ य॒ज्ञम॑ङ्गिरः ।
   अ॒स्माक॑म् य॒ज्ञम् अङ्गिरः ।
   अ॒स्माकं य॒ज्ञम् अङ्गिरः ।

Halfverse: c    अ॒स्माकं॑ शृणुधी॒ हव॑म् ।।
   अ॒स्माकं॑ शृणुधी॒ हव॑म् ।।
   अ॒स्माक॑म् शृणुधि+ हव॑म् ।।
   अ॒स्माकं शृणुधी हव॑म् ।।


Verse: 8 
Halfverse: a    परि॑ ते दू॒ळभो॒ रथो॒ ऽस्माँ अ॑श्नोतु वि॒श्वतः॑ ।
   परि॑ ते दू॒ळभो॒ रथो
   परि ते दू॒ळभः रथः
   परि ते दू॒ळभो रथो

Halfverse: b    ऽस्माँ अ॑श्नोतु वि॒श्वतः॑ ।
   अ॒स्मान् अश्नोतु वि॒श्वतः ।
   अ॒स्माँ अ॑श्नोतु वि॒श्वतः ।

Halfverse: c    येन॒ रक्ष॑सि दा॒शुषः॑ ।।
   येन॒ रक्ष॑सि दा॒शुषः॑ ।।
   येन रक्ष॑सि दा॒शुषः ।।
   येन रक्ष॑सि दा॒शुषः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.