TITUS
Rg-Veda: Rg-Veda-Samhita
Part No. 318
Previous part

Hymn: 22_(318) 
Verse: 1 
Halfverse: a    यन्न॒ इन्द्रो॑ जुजु॒षे यच्च॒ वष्टि॒ तन्नो॑ म॒हान्क॑रति शु॒ष्म्या चि॑त् ।
   यन्न॒ इन्द्रो॑ जुजु॒षे यच्च॒ वष्टि
   यत् नः इन्द्रः जुजु॒षे यत् च वष्टि
   यन् न इन्द्रो जुजु॒षे यच् च वष्टि

Halfverse: b    तन्नो॑ म॒हान्क॑रति शु॒ष्म्या चि॑त् ।
   तत् नः म॒हान् करति शु॒ष्मी आ चि॑त् ।
   तन् नो म॒हान् करति शु॒ष्मी आ चि॑त् ।

Halfverse: c    ब्रह्म॒ स्तोम॑म्म॒घवा॒ सोम॑मु॒क्था यो अश्मा॑नं॒ शव॑सा॒ बिभ्र॒देति॑ ।।
   ब्रह्म॒ स्तोम॑म्म॒घवा॒ सोम॑मु॒क्था
   ब्रह्म स्तोम॑म् म॒घवा सोम॑म् उ॒क्था
   ब्रह्म स्तोम॑म् म॒घवा सोम॑म् उ॒क्था

Halfverse: d    यो अश्मा॑नं॒ शव॑सा॒ बिभ्र॒देति॑ ।।
   यः अश्मा॑नम् शव॑सा बिभ्र॑त् एति ।।
   यो अश्मा॑नं शव॑सा बिभ्र॑द् एति ।।


Verse: 2 
Halfverse: a    वृषा॒ वृष॑न्धिं॒ चतु॑रश्रि॒मस्य॑न्नु॒ग्रो बा॒हुभ्यां॒ नृत॑मः॒ शची॑वान् ।
   वृषा॒ वृष॑न्धिं॒ चतु॑रश्रि॒मस्य॑न्न्
   वृषा वृष॑न्धिम् चतु॑रश्रिम् अस्य॑न्
   वृषा वृष॑न्धिं चतु॑रश्रिम् अस्य॑न्न्

Halfverse: b    उ॒ग्रो बा॒हुभ्यां॒ नृत॑मः॒ शची॑वान् ।
   उ॒ग्रः बा॒हुभ्या॑म् नृत॑मः शची॑वान् ।
   उ॒ग्रो बा॒हुभ्यां नृत॑मः शची॑वान् ।

Halfverse: c    श्रि॒ये परु॑ष्णीमु॒षमा॑ण॒ ऊर्णां॒ यस्याः॒ पर्वा॑णि स॒ख्याय॑ वि॒व्ये ।।
   श्रि॒ये परु॑ष्णीमु॒षमा॑ण॒ ऊर्णां
   श्रि॒ये परु॑ष्णीम् उ॒षमा॑णः ऊर्णा॑म्
   श्रि॒ये परु॑ष्णीम् उ॒षमा॑ण ऊर्णां

Halfverse: d    यस्याः॒ पर्वा॑णि स॒ख्याय॑ वि॒व्ये ।।
   यस्याः पर्वा॑णि स॒ख्याय वि॒व्ये ।।
   यस्याः पर्वा॑णि सखि॒याय वि॒व्ये ।।


Verse: 3 
Halfverse: a    यो दे॒वो दे॒वत॑मो॒ जाय॑मानो म॒हो वाजे॑भिर्म॒हद्भि॑श्च॒ शुष्मैः॑ ।
   यो दे॒वो दे॒वत॑मो॒ जाय॑मानो
   यः दे॒वः दे॒वत॑मः जाय॑मानः
   यो दे॒वो दे॒वत॑मो जाय॑मानो

Halfverse: b    म॒हो वाजे॑भिर्म॒हद्भि॑श्च॒ शुष्मैः॑ ।
   म॒हः वाजे॑भिः म॒हद्भिः च शुष्मैः ।
   म॒हो वाजे॑भिर् म॒हद्भि॑श् च शुष्मैः ।

Halfverse: c    दधा॑नो॒ वज्र॑म्बा॒ह्वोरु॒शन्तं॒ द्याममे॑न रेजय॒त्प्र भूम॑ ।।
   दधा॑नो॒ वज्र॑म्बा॒ह्वोरु॒शन्तं
   दधा॑नः वज्र॑म् बा॒ह्वोः उ॒शन्त॑म्
   दधा॑नो वज्र॑म् बाहु॒वोर् उ॒शन्तं

Halfverse: d    द्याममे॑न रेजय॒त्प्र भूम॑ ।।
   द्याम् अमे॑न रेजयत् प्र भूम ।।
   दि॒याम् अमे॑न रेजयत् प्र भूम ।।


Verse: 4 
Halfverse: a    विश्वा॒ रोधाँ॑सि प्र॒वत॑श्च पू॒र्वीर्द्यौरृ॒ष्वाज्जनि॑मन्रेजत॒ क्षाः ।
   विश्वा॒ रोधाँ॑सि प्र॒वत॑श्च पू॒र्वीर्
   विश्वा रोधां॑सि प्र॒वतः च पू॒र्वीः
   विश्वा रोधां॑सि प्र॒वत॑श् च पू॒र्वीर्

Halfverse: b    द्यौरृ॒ष्वाज्जनि॑मन्रेजत॒ क्षाः ।
   द्यौः ऋ॒ष्वात् जनि॑मन् रेजत क्षाः ।
   दि॒यौर् ऋ॒ष्वाज् जनि॑मन् रेजत क्षाः ।

Halfverse: c    आ मा॒तरा॒ भर॑ति शु॒ष्म्या गोर्नृ॒वत्परि॑ज्मन्नोनुवन्त॒ वाताः॑ ।।
   आ मा॒तरा॒ भर॑ति शु॒ष्म्या गोर्
   आ मा॒तरा भर॑ति शु॒ष्मी आ गोः
   आ मा॒तरा भर॑ति शु॒ष्मी आ गोर्

Halfverse: d    नृ॒वत्परि॑ज्मन्नोनुवन्त॒ वाताः॑ ।।
   नृ॒वत् परि॑ज्मन् नोनुवन्त वाताः ।।
   नृ॒वत् परि॑ज्मन् नोनुवन्त वाताः ।।


Verse: 5 
Halfverse: a    ता तू त॑ इन्द्र मह॒तो म॒हानि॒ विश्वे॒ष्वित्सव॑नेषु प्र॒वाच्या॑ ।
   ता तू त॑ इन्द्र मह॒तो म॒हानि
   ता तु+ ते इन्द्र मह॒तः म॒हानि
   ता तू त इन्द्र मह॒तो म॒हानि

Halfverse: b    विश्वे॒ष्वित्सव॑नेषु प्र॒वाच्या॑ ।
   विश्वे॑षु इत् सव॑नेषु प्र॒वाच्या ।
   विश्वे॑षु इत् सव॑नेषु प्र॒वाच्या ।

Halfverse: c    यच्छू॑र धृष्णो धृष॒ता द॑धृ॒ष्वानहिं॒ वज्रे॑ण॒ शव॒सावि॑वेषीः ।।
   यच्छू॑र धृष्णो धृष॒ता द॑धृ॒ष्वान्
   यत् शूर धृष्णो धृष॒ता द॑धृ॒ष्वान्
   यच् छूर धृष्णो धृष॒ता द॑धृ॒ष्वान्

Halfverse: d    अहिं॒ वज्रे॑ण॒ शव॒सावि॑वेषीः ।।
   अहि॑म् वज्रे॑ण शव॑सा अवि॑वेषीः ।।
   अहिं वज्रे॑ण शव॒सावि॑वेषीः ।।


Verse: 6 
Halfverse: a    ता तू ते॑ स॒त्या तु॑विनृम्ण॒ विश्वा॒ प्र धे॒नवः॑ सिस्रते॒ वृष्ण॒ ऊध्नः॑ ।
   ता तू ते॑ स॒त्या तु॑विनृम्ण॒ विश्वा
   ता तु+ ते स॒त्या तु॑विनृम्ण विश्वा
   ता तू ते स॒त्या तु॑विनृम्ण विश्वा

Halfverse: b    प्र धे॒नवः॑ सिस्रते॒ वृष्ण॒ ऊध्नः॑ ।
   प्र धे॒नवः सिस्रते वृष्णः ऊध्नः ।
   प्र धे॒नवः सिस्रते वृष्ण ऊध्नः ।

Halfverse: c    अधा॑ ह॒ त्वद्वृ॑षमणो भिया॒नाः प्र सिन्ध॑वो॒ जव॑सा चक्रमन्त ।।
   अधा॑ ह॒ त्वद्वृ॑षमणो भिया॒नाः
   अध+ ह त्वत् वृषमणः भिया॒नाः
   अधा ह त्वद् वृषमणो भिया॒नाः

Halfverse: d    प्र सिन्ध॑वो॒ जव॑सा चक्रमन्त ।।
   प्र सिन्ध॑वः जव॑सा चक्रमन्त ।।
   प्र सिन्ध॑वो जव॑सा चक्रमन्त ।।


Verse: 7 
Halfverse: a    अत्राह॑ ते हरिव॒स्ता उ॑ दे॒वीरवो॑भिरिन्द्र स्तवन्त॒ स्वसा॑रः ।
   अत्राह॑ ते हरिव॒स्ता उ॑ दे॒वीर्
   अत्र अह ते हरिवः ताः उ दे॒वीः
   अत्राह ते हरिवस् ता उ दे॒वीर्

Halfverse: b    अवो॑भिरिन्द्र स्तवन्त॒ स्वसा॑रः ।
   अवो॑भिः इन्द्र स्तवन्त स्वसा॑रः ।
   अवो॑भिर् इन्द्र स्तवन्त स्वसा॑रः ।

Halfverse: c    यत्सी॒मनु॒ प्र मु॒चो ब॑द्बधा॒ना दी॒र्घामनु॒ प्रसि॑तिं स्यन्द॒यध्यै॑ ।।
   यत्सी॒मनु॒ प्र मु॒चो ब॑द्बधा॒ना
   यत् सीम् अनु प्र मु॒चः ब॑द्बधा॒नाः
   यत् सीम् अनु प्र मु॒चो ब॑द्बधा॒ना

Halfverse: d    दी॒र्घामनु॒ प्रसि॑तिं स्यन्द॒यध्यै॑ ।।
   दी॒र्घाम् अनु प्रसि॑तिम् स्यन्द॒यध्यै ।।
   दी॒र्घाम् अनु प्रसि॑तिं स्यन्द॒यध्यै ।।


Verse: 8 
Halfverse: a    पि॑पी॒ळे अँ॒शुर्मद्यो॒ न सिन्धु॒रा त्वा॒ शमी॑ शशमा॒नस्य॑ श॒क्तिः ।
   पि॑पी॒ळे अँ॒शुर्मद्यो॒ न सिन्धु॑र्
   पिपी॒ळे अं॒शुः मद्यः न सिन्धुः
   पिपी॒ळे अं॒शुर् मदि॑यो न सिन्धु॑र्

Halfverse: b    आ त्वा॒ शमी॑ शशमा॒नस्य॑ श॒क्तिः ।
   आ त्वा शमी शशमा॒नस्य श॒क्तिः ।
   आ त्वा शमी शशमा॒नस्य श॒क्तिः ।

Halfverse: c    अ॑स्म॒द्र्य॑क्छुशुचा॒नस्य॑ यम्या आ॒शुर्न र॒श्मिं तु॒व्योज॑सं॒ गोः ।।
   अ॑स्म॒द्र्य॑क्छुशुचा॒नस्य॑ यम्या
   अस्म॒द्र्य॑क् शुशुचा॒नस्य यम्याः
   अस्मद्रिअक् छुशुचा॒नस्य यम्या

Halfverse: d    आ॒शुर्न र॒श्मिं तु॒व्योज॑सं॒ गोः ।।
   आ॒शुः न र॒श्मिम् तु॒व्योज॑सम् गोः ।।
   आ॒शुर् न र॒श्मिं तु॒विओज॑सं गोः ।।


Verse: 9 
Halfverse: a    अ॒स्मे वर्षि॑ष्ठा कृणुहि॒ ज्येष्ठा॑ नृ॒म्णानि॑ स॒त्रा स॑हुरे॒ सहाँ॑सि ।
   अ॒स्मे वर्षि॑ष्ठा कृणुहि॒ ज्येष्ठा
   अ॒स्मे वर्षि॑ष्ठा कृणुहि ज्येष्ठा
   अ॒स्मे वर्षि॑ष्ठा कृणुहि ज्ययि॑ष्ठा

Halfverse: b    नृ॒म्णानि॑ स॒त्रा स॑हुरे॒ सहाँ॑सि ।
   नृ॒म्णानि स॒त्रा स॑हुरे सहां॑सि ।
   नृ॒म्णानि स॒त्रा स॑हुरे सहां॑सि ।

Halfverse: c    अ॒स्मभ्यं॑ वृ॒त्रा सु॒हना॑नि रन्धि ज॒हि वध॑र्व॒नुषो॒ मर्त्य॑स्य ।।
   अ॒स्मभ्यं॑ वृ॒त्रा सु॒हना॑नि रन्धि
   अ॒स्मभ्य॑म् वृ॒त्रा सु॒हना॑नि रन्धि
   अ॒स्मभ्यं वृ॒त्रा सु॒हना॑नि रन्धि

Halfverse: d    ज॒हि वध॑र्व॒नुषो॒ मर्त्य॑स्य ।।
   ज॒हि वध॑र् व॒नुषः मर्त्य॑स्य ।।
   ज॒हि वध॑र् व॒नुषो मर्ति॑यस्य ।।


Verse: 10 
Halfverse: a    अ॒स्माक॒मित्सु शृ॑णुहि॒ त्वमि॑न्द्रा॒स्मभ्यं॑ चि॒त्राँ उप॑ माहि॒ वाजा॑न् ।
   अ॒स्माक॒मित्सु शृ॑णुहि॒ त्वमि॑न्द्र
   अ॒स्माक॑म् इत् सु शृ॑णुहि त्वम् इन्द्र
   अ॒स्माक॑म् इत् सु शृ॑णुहि त्वम् इन्द्र

Halfverse: b     अ॒स्मभ्यं॑ चि॒त्राँ उप॑ माहि॒ वाजा॑न् ।
   अ॒स्मभ्य॑म् चि॒त्रान् उप माहि वाजा॑न् ।
   अ॒स्मभ्यं चि॒त्राँ उप माहि वाजा॑न् ।

Halfverse: c    अ॒स्मभ्यं॒ विश्वा॑ इषणः॒ पुरं॑धीर॒स्माकं॒ सु म॑घवन्बोधि गो॒दाः ।।
   अ॒स्मभ्यं॒ विश्वा॑ इषणः॒ पुरं॑धीर्
   अ॒स्मभ्य॑म् विश्वाः इषणः पुरं॑धीः
   अ॒स्मभ्यं विश्वा इषणः पुरं॑धीर्

Halfverse: d    अ॒स्माकं॒ सु म॑घवन्बोधि गो॒दाः ।।
   अ॒स्माक॑म् सु म॑घवन् बोधि गो॒दाः ।।
   अ॒स्माकं सु म॑घवन् बोधि गो॒दाः ।।


Verse: 11 
Halfverse: a    नू ष्टु॒त इ॑न्द्र॒ नू गृ॑णा॒न इषं॑ जरि॒त्रे न॒द्यो॒ न पी॑पेः ।
   नू ष्टु॒त इ॑न्द्र॒ नू गृ॑णा॒न
   नु+ स्तु॒तः इ॑न्द्र नु+ गृ॑णा॒नः
   नूउ ष्टु॒त इ॑न्दर नू गृ॑णा॒न

Halfverse: b    इषं॑ जरि॒त्रे न॒द्यो॒ न पी॑पेः ।
   इष॑म् जरि॒त्रे न॒द्यः न पी॑पेः ।
   इषं जरि॒त्रे न॒दियो न पी॑पेः ।

Halfverse: c    अका॑रि ते हरिवो॒ ब्रह्म॒ नव्यं॑ धि॒या स्या॑म र॒थ्यः॑ सदा॒साः ।।
   अका॑रि ते हरिवो॒ ब्रह्म॒ नव्यं
   अका॑रि ते हरिवः ब्रह्म नव्य॑म्
   अका॑रि ते हरिवो ब्रह्म नव्यं

Halfverse: d    धि॒या स्या॑म र॒थ्यः॑ सदा॒साः ।।
   धि॒या स्या॑म र॒थ्यः सदा॒साः ।।
   धि॒या सि॑याम र॒थियः सदा॒साः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.