TITUS
Rg-Veda: Rg-Veda-Samhita
Part No. 419
Previous part

Hymn: 65_(419) 
Verse: 1 
Halfverse: a    यश्चि॒केत॒ स सु॒क्रतु॑र्देव॒त्रा स ब्र॑वीतु नः ।
   यश्चि॒केत॒ स सु॒क्रतु॑र्
   यः चि॒केत स सु॒क्रतुः
   यश् चि॒केत स सु॒क्रतु॑र्

Halfverse: b    देव॒त्रा स ब्र॑वीतु नः ।
   दे॑व॒त्रा स ब्र॑वीतु नः ।
   दे॑व॒त्रा स ब्र॑वीतु नः ।

Halfverse: c    वरु॑णो॒ यस्य॑ दर्श॒तो मि॒त्रो वा॒ वन॑ते॒ गिरः॑ ।।
   वरु॑णो॒ यस्य॑ दर्श॒तो
   वरु॑णः यस्य दर्श॒तः
   वरु॑णो यस्य दर्श॒तो

Halfverse: d    मि॒त्रो वा॒ वन॑ते॒ गिरः॑ ।।
   मि॒त्रः वा वन॑ते गिरः ।।
   मि॒त्रो वा वन॑ते गिरः ।।


Verse: 2 
Halfverse: a    ता हि श्रेष्ठ॑वर्चसा॒ राजा॑ना दीर्घ॒श्रुत्त॑मा ।
   ता हि श्रेष्ठ॑वर्चसा
   ता हि श्रेष्ठ॑वर्चसा
   ता हि श्रयि॑ष्ठवर्चसा

Halfverse: b    राजा॑ना दीर्घ॒श्रुत्त॑मा ।
   राजा॑ना दीर्घ॒श्रुत्त॑मा ।
   राजा॑ना दीर्घ॒श्रुत्त॑मा ।

Halfverse: c    ता सत्प॑ती ऋता॒वृध॑ ऋ॒तावा॑ना॒ जने॑जने ।।
   ता सत्प॑ती ऋता॒वृध
   ता सत्प॑ती ऋता॒वृधा
   ता सत्प॑ती ऋता॒वृध

Halfverse: d    ऋ॒तावा॑ना॒ जने॑जने ।।
   ऋ॒तावा॑ना जने॑जने ।।
   ऋ॒तावा॑ना जने॑जने ।।


Verse: 3 
Halfverse: a    ता वा॑मिया॒नो ऽव॑से॒ पूर्वा॒ उप॑ ब्रुवे॒ सचा॑ ।
   ता वा॑मिया॒नो ऽव॑से
   ता वा॑म् इया॒नः अव॑से
   ता वा॑म् इया॒नो अव॑से

Halfverse: b    पूर्वा॒ उप॑ ब्रुवे॒ सचा॑ ।
   पूर्वौ उप ब्रुवे सचा ।
   पूर्वा उप ब्रुवे सचा ।

Halfverse: c    स्वश्वा॑सः॒ सु चे॒तुना॒ वाजाँ॑ अ॒भि प्र दा॒वने॑ ।।
   स्वश्वा॑सः॒ सु चे॒तुना
   स्वश्वा॑सः सु चे॒तुना
   सुअश्वा॑सः सु चे॒तुना

Halfverse: d    वाजाँ॑ अ॒भि प्र दा॒वने॑ ।।
   वाजा॑न् अ॒भि प्र दा॒वने ।।
   वाजाँ अ॒भि प्र दा॒वने ।।


Verse: 4 
Halfverse: a    मि॒त्रो अँ॒होश्चि॒दादु॒रु क्षया॑य गा॒तुं व॑नते ।
   मि॒त्रो अँ॒होश्चि॒दादु॒रु
   मि॒त्रः अं॒होः चि॑त् आत् उ॒रु
   मि॒त्रो अं॒होश् चिद् आद् उ॒रु

Halfverse: b    क्षया॑य गा॒तुं व॑नते ।
   क्षया॑य गा॒तुम् वनते ।
   क्षया॑य गा॒तुं व॑नते ।

Halfverse: c    मि॒त्रस्य॒ हि प्र॒तूर्व॑तः सुम॒तिरस्ति॑ विध॒तः ।।
   मि॒त्रस्य॒ हि प्र॒तूर्व॑तः
   मि॒त्रस्य हि प्र॒तूर्व॑तः
   मि॒त्रस्य हि प्र॒तूर्व॑तः

Halfverse: d    सुम॒तिरस्ति॑ विध॒तः ।।
   सु॑म॒तिः अस्ति विध॒तः ।।
   सु॑म॒तिर् अस्ति विध॒तः ।।


Verse: 5 
Halfverse: a    व॒यम्मि॒त्रस्याव॑सि॒ स्याम॑ स॒प्रथ॑स्तमे ।
   व॒यम्मि॒त्रस्याव॑सि
   व॒यम् मि॒त्रस्य अव॑सि
   व॒यम् मि॒त्रस्य अव॑सि

Halfverse: b    स्याम॑ स॒प्रथ॑स्तमे ।
   स्याम स॒प्रथ॑स्तमे ।
   सि॒याम स॒प्रथ॑स्तमे ।

Halfverse: c    अ॑ने॒हस॒स्त्वोत॑यः स॒त्रा वरु॑णशेषसः ।।
   अ॑ने॒हस॒स्त्वोत॑यः
   अने॒हसः त्वोत॑यः
   अने॒हस॑स् तु॒वोत॑यः

Halfverse: d    स॒त्रा वरु॑णशेषसः ।।
   स॒त्रा वरु॑णशेषसः ।।
   स॒त्रा वरु॑णशेषसः ।।


Verse: 6 
Halfverse: a    यु॒वम्मि॑त्रे॒मं जनं॒ यत॑थः॒ सं च॑ नयथः ।
   यु॒वम्मि॑त्रे॒मं जनं
   यु॒वम् मित्रा इ॒मम् जन॑म्
   यु॒वम् मित्रा इ॒मं जनं

Halfverse: b    यत॑थः॒ सं च॑ नयथः ।
   यत॑थः सम् च नयथः ।
   यत॑थः सं च नयथः ।

Halfverse: c    मा म॒घोनः॒ परि॑ ख्यत॒म्मो अ॒स्माक॒मृषी॑णां गोपी॒थे न॑ उरुष्यतम् ।।
   मा म॒घोनः॒ परि॑ ख्यतम्
   मा म॒घोनः परि ख्यतम्
   मा म॒घोनः परि ख्यतम्

Halfverse: d    मो अ॒स्माक॒मृषी॑णां
   मा उ अ॒स्माक॑म् ऋषी॑णाम्
   मो अ॒स्माक॑म् ऋषी॑णाअं

Halfverse: e    गोपी॒थे न॑ उरुष्यतम् ।।
   गो॑पी॒थे नः उरुष्यतम् ।।
   गो॑पी॒थे न उरुष्यतम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.