TITUS
Rg-Veda: Rg-Veda-Samhita
Part No. 418
Previous part

Hymn: 64_(418) 
Verse: 1 
Halfverse: a    वरु॑णं वो रि॒शाद॑समृ॒चा मि॒त्रं ह॑वामहे ।
   वरु॑णं वो रि॒शाद॑सम्
   वरु॑णम् वः रि॒शाद॑सम्
   वरु॑णं वो रि॒शाद॑सम्

Halfverse: b    ऋ॒चा मि॒त्रं ह॑वामहे ।
   ऋ॒चा मि॒त्रम् हवामहे ।
   ऋ॒चा मि॒त्रं ह॑वामहे ।

Halfverse: c    परि॑ व्र॒जेव॑ बा॒ह्वोर्ज॑ग॒न्वाँसा॒ स्व॑र्णरम् ।।
   परि॑ व्र॒जेव॑ बा॒ह्वोर्
   परि व्र॒जा इ॑व बा॒ह्वोः
   परि व्र॒जेव बाहु॒वोर्

Halfverse: d    जग॒न्वाँसा॒ स्व॑र्णरम् ।।
   ज॑ग॒न्वांसा स्व॑र्णरम् ।।
   ज॑ग॒न्वांसा सुव॑र्णरम् ।।


Verse: 2 
Halfverse: a    ता बा॒हवा॑ सुचे॒तुना॒ प्र य॑न्तमस्मा॒ अर्च॑ते ।
   ता बा॒हवा॑ सुचे॒तुना
   ता बा॒हवा सुचे॒तुना
   ता बा॒हवा सुचे॒तुना

Halfverse: b    प्र य॑न्तमस्मा॒ अर्च॑ते ।
   प्र य॑न्तम् अस्मै अर्च॑ते ।
   प्र य॑न्तम् अस्मा अर्च॑ते ।

Halfverse: c    शेवं॒ हि जा॒र्यं॑ वां॒ विश्वा॑सु॒ क्षासु॒ जोगु॑वे ।।
   शेवं॒ हि जा॒र्यं॑ वां
   शेव॑म् हि जा॒र्य॑म् वाम्
   शेवं हि जा॒रियं वाअं

Halfverse: d    विश्वा॑सु॒ क्षासु॒ जोगु॑वे ।।
   विश्वा॑सु क्षासु जोगु॑वे ।।
   विश्वा॑सु क्षासु जोगु॑वे ।।


Verse: 3 
Halfverse: a    यन्नू॒नम॒श्यां गति॑म्मि॒त्रस्य॑ यायाम्प॒था ।
   यन्नू॒नम॒श्यां गति॑म्
   यत् नू॒नम् अ॒श्याम् गति॑म्
   यन् नू॒नम् अशि॒यां गति॑म्

Halfverse: b    मि॒त्रस्य॑ यायाम्प॒था ।
   मि॒त्रस्य यायाम् प॒था ।
   मि॒त्रस्य याअयाम् प॒था ।

Halfverse: c    अस्य॑ प्रि॒यस्य॒ शर्म॒ण्यहिँ॑सानस्य सश्चिरे ।।
   अस्य॑ प्रि॒यस्य॒ शर्म॑ण्य्
   अस्य प्रि॒यस्य शर्म॑णि
   अस्य प्रि॒यस्य शर्म॑णि

Halfverse: d    अहिँ॑सानस्य सश्चिरे ।।
   अहिं॑सानस्य सश्चिरे ।।
   अहिं॑सानस्य सश्चिरे ।।


Verse: 4 
Halfverse: a    यु॒वाभ्या॑म्मित्रावरुणोप॒मं धे॑यामृ॒चा ।
   यु॒वाभ्या॑म्मित्रावरुणा
   यु॒वाभ्या॑म् मित्रावरुणा
   यु॒वाभ्या॑म् मित्रावरुणा

Halfverse: b     उप॒मं धे॑यामृ॒चा ।
   उ॑प॒मम् धेयाम् ऋ॒चा ।
   उ॑प॒मं धेए॑याम् ऋ॒चा ।

Halfverse: c    यद्ध॒ क्षये॑ म॒घोनां॑ स्तोतॄ॒णां च॑ स्पू॒र्धसे॑ ।।
   यद्ध॒ क्षये॑ म॒घोनां
   यत् ह क्षये म॒घोना॑म्
   यद् ध क्षये म॒घोनाअं

Halfverse: d    स्तोतॄ॒णां च॑ स्पू॒र्धसे॑ ।।
   स्तो॑तॄ॒णाम् च स्पू॒र्धसे ।।
   स्तो॑तॄ॒णाअं च स्पू॒र्धसे ।।


Verse: 5 
Halfverse: a    आ नो॑ मित्र सुदी॒तिभि॒र्वरु॑णश्च स॒धस्थ॒ आ ।
   आ नो॑ मित्र सुदी॒तिभि॑र्
   आ नः मित्र सुदी॒तिभिः
   आ नो मित्र सुदी॒तिभि॑र्

Halfverse: b    वरु॑णश्च स॒धस्थ॒ आ ।
   वरु॑णः च स॒धस्थे आ ।
   वरु॑णश् च स॒धस्थ आ ।

Halfverse: c    स्वे क्षये॑ म॒घोनां॒ सखी॑नां च वृ॒धसे॑ ।।
   स्वे क्षये॑ म॒घोनां
   स्वे क्षये म॒घोना॑म्
   सु॒वे क्षये म॒घोनाअं

Halfverse: d    सखी॑नां च वृ॒धसे॑ ।।
   सखी॑नाम् च वृ॒धसे ।।
   सखी॑नाअं च वृ॒धसे ।।


Verse: 6 
Halfverse: a    यु॒वं नो॒ येषु॑ वरुण क्ष॒त्रम्बृ॒हच्च॑ बिभृ॒थः ।
   यु॒वं नो॒ येषु॑ वरुण
   यु॒वम् नः येषु वरुणा
   यु॒वं नो येषु वरुण

Halfverse: b    क्ष॒त्रम्बृ॒हच्च॑ बिभृ॒थः ।
   क्ष॒त्रम् बृ॒हत् च बिभृ॒थः ।
   क्ष॒त्रम् बृ॒हच् च बिभृ॒थः ।

Halfverse: c    उ॒रु णो॒ वाज॑सातये कृ॒तं रा॒ये स्व॒स्तये॑ ।।
   उ॒रु णो॒ वाज॑सातये
   उ॒रु नः वाज॑सातये
   उ॒रु णो वाज॑सातये

Halfverse: d    कृ॒तं रा॒ये स्व॒स्तये॑ ।।
   कृ॒तम् रा॒ये स्व॒स्तये ।।
   कृ॒तं रा॒ये सुअ॒स्तये ।।


Verse: 7 
Halfverse: a    उ॒छन्त्या॑म्मे यज॒ता दे॒वक्ष॑त्रे॒ रुश॑द्गवि ।
   उ॒छन्त्या॑म्मे यज॒ता
   उ॒छन्त्या॑म् मे यज॒ता
   उ॒छन्ति॑याम् मे यज॒ता

Halfverse: b    दे॒वक्ष॑त्रे॒ रुश॑द्गवि ।
   दे॒वक्ष॑त्रे रुश॑द्गवि ।
   दे॒वक्ष॑त्रे रुश॑द्गवि ।

Halfverse: c    सु॒तं सोमं॒ न ह॒स्तिभि॒रा प॒ड्भिर्धा॑वतं नरा॒ बिभ्र॑तावर्च॒नान॑सम् ।।
   सु॒तं सोमं॒ न ह॒स्तिभि॑र्
   सु॒तम् सोम॑म् न ह॒स्तिभिः
   सु॒तं सोमं न ह॒स्तिभि॑र्

Halfverse: d    आ प॒ड्भिर्धा॑वतं नरा
   आ प॒ड्भिः धा॑वतम् नरा
   आ प॒ड्भिर् धावतं नरा

Halfverse: e    बिभ्र॑तावर्च॒नान॑सम् ।।
   बिभ्र॑तौ अर्च॒नान॑सम् ।।
   बिभ्र॑ताव् अर्च॒नान॑सम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.