TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 424

Hymn: 70_(424)
Verse: 1
Halfverse: a    पु॑रू॒रुणा॑ चि॒द्ध्यस्त्यवो॑ नू॒नं वां॑ वरुण ।
   पु॑रू॒रुणा॑ चि॒द्ध्यस्त्य्
   पुरू॒रुणा चित् हि अस्ति
   पुरू॒रुणा चिद् धि अस्ति

Halfverse: b    अवो॑ नू॒नं वां॑ वरुण ।
   अवः नू॒नम् वाम् वरुण ।
   अवो नू॒नं वां वरुण ।

Halfverse: c    मित्र॒ वँसि॑ वां सुम॒तिम् ।।
   मित्र॒ वँसि॑ वां सुम॒तिम् ।।
   मित्र वंसि वाम् सुम॒तिम् ।।
   मित्र वंसि वां सुम॒तिम् ।।

Verse: 2
Halfverse: a    ता वां॑ स॒म्यग॑द्रुह्वा॒णेष॑मश्याम॒ धाय॑से ।
   ता वां॑ स॒म्यग॑द्रुह्वाणा
   ता वा॑म् स॒म्यक् अद्रुह्वाणा
   ता वां स॒म्यग् अद्रुह्वाणा

Halfverse: b     इष॑मश्याम॒ धाय॑से ।
   इष॑म् अश्याम धाय॑से ।
   इष॑म् अश्याम धाय॑से ।

Halfverse: c    व॒यं ते रु॑द्रा स्याम ।।
   व॒यं ते रु॑द्रा स्याम ।।
   व॒यम् ते रु॑द्रा स्याम ।।
   व॒यं ते रु॑द्रा सियाम ।।

Verse: 3
Halfverse: a    पा॒तं नो॑ रुद्रा पा॒युभि॑रु॒त त्रा॑येथां सुत्रा॒त्रा ।
   पा॒तं नो॑ रुद्रा पा॒युभि॑र्
   पा॒तम् नः रुद्रा पा॒युभिः
   पा॒तं नो रुद्रा पा॒युभि॑र्

Halfverse: b    उ॒त त्रा॑येथां सुत्रा॒त्रा ।
   उ॒त त्रा॑येथाम् सुत्रा॒त्रा ।
   उ॒त त्रा॑येथां सुत्रा॒त्रा ।

Halfverse: c    तु॒र्याम॒ दस्यू॑न्त॒नूभिः॑ ।।
   तु॒र्याम॒ दस्यू॑न्त॒नूभिः॑ ।।
   तु॒र्याम दस्यू॑न् त॒नूभिः ।।
   तु॒र्याम दस्यू॑न् त॒नूभिः ।।

Verse: 4
Halfverse: a    मा कस्या॑द्भुतक्रतू य॒क्षम्भु॑जेमा त॒नूभिः॑ ।
   मा कस्या॑द्भुतक्रतू
   मा कस्य अद्भुतक्रतू
   मा कस्य अद्भुतक्रतू

Halfverse: b    य॒क्षम्भु॑जेमा त॒नूभिः॑ ।
   य॒क्षम् भुजेम+ त॒नूभिः ।
   य॒क्षम् भुजेमा त॒नूभिः ।

Halfverse: c    मा शेष॑सा॒ मा तन॑सा ।।
   मा शेष॑सा॒ मा तन॑सा ।।
   मा शेष॑सा मा तन॑सा ।।
   मा शेष॑सा मा तन॑सा ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.