TITUS
Rg-Veda: Rg-Veda-Samhita
Part No. 423
Previous part

Hymn: 69_(423) 
Verse: 1 
Halfverse: a    त्री रो॑च॒ना व॑रुण॒ त्रीँरु॒त द्यून्त्रीणि॑ मित्र धारयथो॒ रजाँ॑सि ।
   त्री रो॑च॒ना व॑रुण॒ त्रीँरु॒त द्यून्
   त्री रो॑च॒ना व॑रुण त्रीन् उ॒त द्यून्
   त्री रो॑च॒ना व॑रुण त्रीँर् उ॒त द्यून्

Halfverse: b    त्रीणि॑ मित्र धारयथो॒ रजाँ॑सि ।
   त्रीणि मित्र धारयथः रजां॑सि ।
   त्रीणि मित्र धारयथो रजां॑सि ।

Halfverse: c    वा॑वृधा॒नाव॒मतिं॑ क्ष॒त्रिय॒स्यानु॑ व्र॒तं रक्ष॑माणावजु॒र्यम् ।।
   वा॑वृधा॒नाव॒मतिं॑ क्ष॒त्रिय॑स्य
   वावृधा॒नौ अ॒मति॑म् क्ष॒त्रिय॑स्य
   वावृधा॒नाव् अ॒मतिं क्ष॒त्रिय॑स्य

Halfverse: d     अनु॑ व्र॒तं रक्ष॑माणावजु॒र्यम् ।।
   अनु व्र॒तम् रक्ष॑माणौ अजु॒र्यम् ।।
   अनु व्र॒तं रक्ष॑माणाव् अजु॒र्यम् ।।


Verse: 2 
Halfverse: a    इरा॑वतीर्वरुण धे॒नवो॑ वा॒म्मधु॑मद्वां॒ सिन्ध॑वो मित्र दुह्रे ।
   इरा॑वतीर्वरुण धे॒नवो॑ वाम्
   इरा॑वतीः वरुण धे॒नवः वाम्
   इरा॑वतीर् वरुण धे॒नवो वाम्

Halfverse: b    मधु॑मद्वां॒ सिन्ध॑वो मित्र दुह्रे ।
   मधु॑मत् वाम् सिन्ध॑वः मित्र दुह्रे ।
   मधु॑मद् वां सिन्ध॑वो मित्र दुह्रे ।

Halfverse: c    त्रय॑स्तस्थुर्वृष॒भास॑स्तिसृ॒णां धि॒षणा॑नां रेतो॒धा वि द्यु॒मन्तः॑ ।।
   त्रय॑स्तस्थुर्वृष॒भास॑स्तिसृ॒णां
   त्रयः तस्थुः वृष॒भासः तिसृ॒णाम्
   त्रय॑स् तस्थुर् वृष॒भास॑स् तिसॄ॒णां

Halfverse: d    धि॒षणा॑नां रेतो॒धा वि द्यु॒मन्तः॑ ।।
   धि॒षणा॑नाम् रेतो॒धाः वि द्यु॒मन्तः ।।
   धि॒षणा॑नां रेतो॒धा वि द्यु॒मन्तः ।।


Verse: 3 
Halfverse: a    प्रा॒तर्दे॒वीमदि॑तिं जोहवीमि म॒ध्यंदि॑न॒ उदि॑ता॒ सूर्य॑स्य ।
   प्रा॒तर्दे॒वीमदि॑तिं जोहवीमि
   प्रा॒तर् दे॒वीम् अदि॑तिम् जोहवीमि
   प्रा॒तर् दे॒वीम् अदि॑तिं जोहवीमि

Halfverse: b    म॒ध्यंदि॑न॒ उदि॑ता॒ सूर्य॑स्य ।
   म॒ध्यंदि॑ने उदि॑ता सूर्य॑स्य ।
   म॒ध्यंदि॑न उदि॑ता सूरि॑यस्य ।

Halfverse: c    रा॒ये मि॑त्रावरुणा स॒र्वता॒तेळे॑ तो॒काय॒ तन॑याय॒ शं योः ।।
   रा॒ये मि॑त्रावरुणा स॒र्वता॑ता
   रा॒ये मि॑त्रावरुणा स॒र्वता॑ता
   रा॒ये मि॑त्रावरुणा स॒र्वता॑ता

Halfverse: d     ईळे॑ तो॒काय॒ तन॑याय॒ शं योः ।।
   ईळे तो॒काय तन॑याय शम् योः ।।
   ईळे तो॒काय तन॑याय शं योः ।।


Verse: 4 
Halfverse: a    या ध॒र्तारा॒ रज॑सो रोच॒नस्यो॒तादि॒त्या दि॒व्या पार्थि॑वस्य ।
   या ध॒र्तारा॒ रज॑सो रोच॒नस्य
   या ध॒र्तारा रज॑सः रोच॒नस्य
   या ध॒र्तारा रज॑सो रोच॒नस्य

Halfverse: b     ॑उ॒तादि॒त्या दि॒व्या पार्थि॑वस्य ।
   उ॒त आ॑दि॒त्या दि॒व्या पार्थि॑वस्य ।
   उ॒तादि॒त्या दि॑वि॒या पार्थि॑वस्य ।

Halfverse: c    न वां॑ दे॒वा अ॒मृता॒ आ मि॑नन्ति व्र॒तानि॑ मित्रावरुणा ध्रु॒वाणि॑ ।।
   न वां॑ दे॒वा अ॒मृता॒ आ मि॑नन्ति
   न वा॑म् दे॒वाः अ॒मृताः आ मि॑नन्ति
   न वां दे॒वा अ॒मृता आ मि॑नन्ति

Halfverse: d    व्र॒तानि॑ मित्रावरुणा ध्रु॒वाणि॑ ।।
   व्र॒तानि मित्रावरुणा ध्रु॒वाणि ।।
   व्र॒तानि मित्रावरुणा ध्रु॒वाणि ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.