TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 422

Hymn: 68_(422)
Verse: 1
Halfverse: a    प्र वो॑ मि॒त्राय॑ गायत॒ वरु॑णाय वि॒पा गि॒रा ।
   प्र वो॑ मि॒त्राय॑ गायत
   प्र वः मि॒त्राय गायत
   प्र वो मि॒त्राय गायत

Halfverse: b    वरु॑णाय वि॒पा गि॒रा ।
   वरु॑णाय वि॒पा गि॒रा ।
   वरु॑णाय वि॒पा गि॒रा ।

Halfverse: c    महि॑क्षत्रावृ॒तम्बृ॒हत् ।।
   महि॑क्षत्रावृ॒तम्बृ॒हत् ।।
   महि॑क्षत्रौ ऋ॒तम् बृ॒हत् ।।
   महि॑क्षत्राव् ऋ॒तम् बृ॒हत् ।।

Verse: 2
Halfverse: a    स॒म्राजा॒ या घृ॒तयो॑नी मि॒त्रश्चो॒भा वरु॑णश्च ।
   स॒म्राजा॒ या घृ॒तयो॑नी
   स॒म्राजा या घृ॒तयो॑नी
   स॒म्राजा या घृ॒तयो॑नी

Halfverse: b    मि॒त्रश्चो॒भा वरु॑णश्च ।
   मि॒त्रः च उ॒भा वरु॑णः च ।
   मि॒त्रश् चो॒भा वरु॑णश् च ।

Halfverse: c    दे॒वा दे॒वेषु॑ प्रश॒स्ता ।।
   दे॒वा दे॒वेषु॑ प्रश॒स्ता ।।
   दे॒वा दे॒वेषु प्रश॒स्ता ।।
   दे॒वा दे॒वेषु प्रश॒स्ता ।।

Verse: 3
Halfverse: a    ता नः॑ शक्त॒म्पार्थि॑वस्य म॒हो रा॒यो दि॒व्यस्य॑ ।
   ता नः॑ शक्त॒म्पार्थि॑वस्य
   ता नः शक्तम् पार्थि॑वस्य
   ता नः शक्तम् पार्थि॑वस्य

Halfverse: b    म॒हो रा॒यो दि॒व्यस्य॑ ।
   म॒हः रा॒यः दि॒व्यस्य ।
   म॒हो रा॒यो दि॑वि॒यस्य ।

Halfverse: c    महि॑ वां क्ष॒त्रं दे॒वेषु॑ ।।
   महि॑ वां क्ष॒त्रं दे॒वेषु॑ ।।
   महि वाम् क्ष॒त्रम् दे॒वेषु ।।
   महि वां क्ष॒त्रं दे॒वेषु ।।

Verse: 4
Halfverse: a    ऋ॒तमृ॒तेन॒ सप॑न्तेषि॒रं दक्ष॑माशाते ।
   ऋ॒तमृ॒तेन॒ सप॑न्ता
   ऋ॒तम् ऋ॒तेन सप॑न्ता
   ऋ॒तम् ऋ॒तेन सप॑न्ता

Halfverse: b     इषि॒रं दक्ष॑माशाते ।
   इ॑षि॒रम् दक्ष॑म् आशाते ।
   इ॑षि॒रं दक्ष॑म् आशाते ।

Halfverse: c    अ॒द्रुहा॑ दे॒वौ व॑र्धेते ।।
   अ॒द्रुहा॑ दे॒वौ व॑र्धेते ।।
   अ॒द्रुहा दे॒वौ व॑र्धेते ।।
   अ॒द्रुहा दे॒वौ व॑र्धेते ।।

Verse: 5
Halfverse: a    वृ॒ष्टिद्या॑वा री॒त्या॑पे॒षस्पती॒ दानु॑मत्याः ।
   वृ॒ष्टिद्या॑वा री॒त्या॑पा
   वृ॒ष्टिद्या॑वा री॒त्या॑पा
   वृ॒ष्टिद्या॑वा रीतिआपा

Halfverse: b     इ॒षस्पती॒ दानु॑मत्याः ।
   इ॒षः पती दानु॑मत्याः ।
   इ॒षस् पती दानु॑मत्याः ।

Halfverse: c    बृ॒हन्तं॒ गर्त॑माशाते ।।
   बृ॒हन्तं॒ गर्त॑माशाते ।।
   बृ॒हन्त॑म् गर्त॑म् आशाते ।।
   बृ॒हन्तं गर्त॑म् आशाते ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.