TITUS
Rg-Veda: Rg-Veda-Samhita
Part No. 434
Previous part

Hymn: 80_(434) 
Verse: 1 
Halfverse: a    द्यु॒तद्या॑मानम्बृह॒तीमृ॒तेन॑ ऋ॒ताव॑रीमरु॒णप्सुं॑ विभा॒तीम् ।
   द्यु॒तद्या॑मानम्बृह॒तीमृ॒तेन
   द्यु॒तद्या॑मानम् बृह॒तीम् ऋ॒तेन
   द्यु॒तद्या॑मानम् बृह॒तीम् ऋ॒तेन

Halfverse: b    ऋ॒ताव॑रीमरु॒णप्सुं॑ विभा॒तीम् ।
   ऋ॒ताव॑रीम् अरु॒णप्सु॑म् विभा॒तीम् ।
   ऋ॒ताव॑रीम् अरु॒णप्सुं विभा॒तीम् ।

Halfverse: c    दे॒वीमु॒षसं॒ स्व॑रा॒वह॑न्ती॒म्प्रति॒ विप्रा॑सो म॒तिभि॑र्जरन्ते ।।
   दे॒वीमु॒षसं॒ स्व॑रा॒वह॑न्तीम्
   दे॒वीम् उ॒षस॑म् स्व॑र् आ॒वह॑न्तीम्
   दे॒वीम् उ॒षसं सुव॑र् आ॒वह॑न्तीम्

Halfverse: d    प्रति॒ विप्रा॑सो म॒तिभि॑र्जरन्ते ।।
   प्रति विप्रा॑सः म॒तिभिः जरन्ते ।।
   प्रति विप्रा॑सो म॒तिभि॑र् जरन्ते ।।


Verse: 2 
Halfverse: a    ए॒षा जनं॑ दर्श॒ता बो॒धय॑न्ती सु॒गान्प॒थः कृ॑ण्व॒ती या॒त्यग्रे॑ ।
   ए॒षा जनं॑ दर्श॒ता बो॒धय॑न्ती
   ए॒षा जन॑म् दर्श॒ता बो॒धय॑न्ती
   ए॒षा जनं दर्श॒ता बो॒धय॑न्ती

Halfverse: b    सु॒गान्प॒थः कृ॑ण्व॒ती या॒त्यग्रे॑ ।
   सु॒गान् प॒थः कृ॑ण्व॒ती या॑ति अग्रे ।
   सु॒गान् प॒थः कृ॑ण्व॒ती या॑ति अग्रे ।

Halfverse: c    बृ॑हद्र॒था बृ॑ह॒ती वि॑श्वमि॒न्वोषा ज्योति॑र्यछ॒त्यग्रे॒ अह्ना॑म् ।।
   बृ॑हद्र॒था बृ॑ह॒ती वि॑श्वमि॒न्वा
   बृ॑हद्र॒था बृ॑ह॒ती वि॑श्वमि॒न्वा
   बृ॑हद्र॒था बृ॑ह॒ती वि॑श्वमि॒न्वा

Halfverse: d     उ॒षा ज्योति॑र्यछ॒त्यग्रे॒ अह्ना॑म् ।।
   उ॒षाः ज्योतिः यछति अग्रे अह्ना॑म् ।।
   उ॒षा ज्योति॑र् यछति अग्रे अह्ना॑म् ।।


Verse: 3 
Halfverse: a    ए॒षा गोभि॑ररु॒णेभि॑र्युजा॒नास्रे॑धन्ती र॒यिमप्रा॑यु चक्रे ।
   ए॒षा गोभि॑ररु॒णेभि॑र्युजा॒ना
   ए॒षा गोभिः अरु॒णेभिः युजा॒ना
   ए॒षा गोभि॑र् अरु॒णेभि॑र् युजा॒ना

Halfverse: b     अस्रे॑धन्ती र॒यिमप्रा॑यु चक्रे ।
   अस्रे॑धन्ती र॒यिम् अप्रा॑यु चक्रे ।
   अस्रे॑धन्ती र॒यिम् अप्रा॑यु चक्रे ।

Halfverse: c    प॒थो रद॑न्ती सुवि॒ताय॑ दे॒वी पु॑रुष्टु॒ता वि॒श्ववा॑रा॒ वि भा॑ति ।।
   प॒थो रद॑न्ती सुवि॒ताय॑ दे॒वी
   प॒थः रद॑न्ती सुवि॒ताय दे॒वी
   प॒थो रद॑न्ती सुवि॒ताय दे॒वी

Halfverse: d    पु॑रुष्टु॒ता वि॒श्ववा॑रा॒ वि भा॑ति ।।
   पु॑रुष्टु॒ता वि॒श्ववा॑रा वि भा॑ति ।।
   पु॑रुष्टु॒ता वि॒श्ववा॑रा वि भा॑ति ।।


Verse: 4 
Halfverse: a    ए॒षा व्ये॑नी भवति द्वि॒बर्हा॑ आविष्कृण्वा॒ना त॒न्व॑म्पु॒रस्ता॑त् ।
   ए॒षा व्ये॑नी भवति द्वि॒बर्हा
   ए॒षा व्ये॑नी भवति द्वि॒बर्हाः
   ए॒षा विए॑नी भवति द्वि॒बर्हा

Halfverse: b    आविष्कृण्वा॒ना त॒न्व॑म्पु॒रस्ता॑त् ।
   आ॑विष्कृण्वा॒ना त॒न्व॑म् पु॒रस्ता॑त् ।
   आ॑विष्कृण्वा॒ना त॒नुव॑म् पु॒रस्ता॑त् ।

Halfverse: c    ऋ॒तस्य॒ पन्था॒मन्वे॑ति सा॒धु प्र॑जान॒तीव॒ न दिशो॑ मिनाति ।।
   ऋ॒तस्य॒ पन्था॒मन्वे॑ति सा॒धु
   ऋ॒तस्य पन्था॑म् अनु एति सा॒धु
   ऋ॒तस्य पन्था॑म् अनु एति सा॒धु

Halfverse: d    प्र॑जान॒तीव॒ न दिशो॑ मिनाति ।
   प्र॑जान॒ती इ॑व न दिशः मिनाति ।
   प्र॑जान॒तीव न दिशो मिनाति ।।


Verse: 5 
Halfverse: a    ए॒षा शु॒भ्रा न त॒न्वो॑ विदा॒नोर्ध्वेव॑ स्ना॒ती दृ॒शये॑ नो अस्थात् ।
   ए॒षा शु॒भ्रा न त॒न्वो॑ विदा॒ना
   ए॒षा शु॒भ्रा न त॒न्वः विदा॒ना
   ए॒षा शु॒भ्रा न त॒नुवो विदा॒ना

Halfverse: b     ऊ॒र्ध्वेव॑ स्ना॒ती दृ॒शये॑ नो अस्थात् ।
   ऊ॒र्ध्वा इ॑व स्ना॒ती दृ॒शये नः अस्थात् ।
   ऊ॒र्ध्वेव स्ना॒ती दृ॒शये नो अस्थात् ।

Halfverse: c    अप॒ द्वेषो॒ बाध॑माना॒ तमाँ॑स्यु॒षा दि॒वो दु॑हि॒ता ज्योति॒षागा॑त् ।।
   अप॒ द्वेषो॒ बाध॑माना॒ तमाँ॑स्य्
   अप द्वेषः बाध॑माना तमां॑सि
   अप द्वेषो बाध॑माना तमां॑सि

Halfverse: d    उ॒षा दि॒वो दु॑हि॒ता ज्योति॒षागा॑त् ।।
   उ॒षाः दि॒वः दु॑हि॒ता ज्योति॑षा आ अ॑गात् ।।
   उ॒षा दि॒वो दु॑हि॒ता ज्योति॒षागा॑त् ।।


Verse: 6 
Halfverse: a    ए॒षा प्र॑ती॒ची दु॑हि॒ता दि॒वो नॄन्योषे॑व भ॒द्रा नि रि॑णीते॒ अप्सः॑ ।
   ए॒षा प्र॑ती॒ची दु॑हि॒ता दि॒वो नॄन्
   ए॒षा प्र॑ती॒ची दु॑हि॒ता दि॒वः नॄन्
   ए॒षा प्र॑ती॒ची दु॑हि॒ता दि॒वो नॄन्

Halfverse: b    योषे॑व भ॒द्रा नि रि॑णीते॒ अप्सः॑ ।
   योषा इव भ॒द्रा नि रि॑णीते अप्सः ।
   योषे॑व भ॒द्रा नि रि॑णीते अप्सः ।

Halfverse: c    व्यू॑र्ण्व॒ती दा॒शुषे॒ वार्या॑णि॒ पुन॒र्ज्योति॑र्युव॒तिः पू॒र्वथा॑कः ।।
   व्यू॑र्ण्व॒ती दा॒शुषे॒ वार्या॑णि
   व्यूर्ण्व॒ती दा॒शुषे वार्या॑णि
   विऊर्ण्व॒ती दा॒शुषे वारि॑याणि

Halfverse: d    पुन॒र्ज्योति॑र्युव॒तिः पू॒र्वथा॑कः ।।
   पुन॑र् ज्योतिः युव॒तिः पू॒र्वथा अकर् ।।
   पुन॑र् ज्योति॑र् युव॒तिः पू॒र्वथा॑कः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.