TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 483

Hymn: 42_(483)
Verse: 1
Halfverse: a    प्रत्य॑स्मै॒ पिपी॑षते॒ विश्वा॑नि वि॒दुषे॑ भर ।
   प्रत्य॑स्मै॒ पिपी॑षते
   प्रति अस्मै पिपी॑षते
   प्रति अस्मै पिपी॑षते

Halfverse: b    विश्वा॑नि वि॒दुषे॑ भर ।
   विश्वा॑नि वि॒दुषे भर ।
   विश्वा॑नि वि॒दुषे भर ।

Halfverse: c    अ॑रंग॒माय॒ जग्म॒ये ऽप॑श्चाद्दघ्वने॒ नरे॑ ।।
   अ॑रंग॒माय॒ जग्म॒ये
   अ॑रंग॒माय जग्म॑ये
   अरंग॒माय जग्म॑ये

Halfverse: d    ऽपश्चाद्दघ्वने॒ नरे॑ ।।
   अप॑श्चाद्दघ्वने नरे ।।
   अप॑श्चाद्दघ्वने नरे ।।

Verse: 2
Halfverse: a    एमे॑नम्प्र॒त्येत॑न॒ सोमे॑भिः सोम॒पात॑मम् ।
   एमे॑नम्प्र॒त्येत॑न
   आ ई॑म् एनम् प्र॒त्येत॑न
   एम् एनम् प्र॒तिएत॑न

Halfverse: b    सोमे॑भिः सोम॒पात॑मम् ।
   सोमे॑भिः सोम॒पात॑मम् ।
   सोमे॑भिः सोम॒पात॑मम् ।

Halfverse: c    अम॑त्रेभिरृजी॒षिण॒मिन्द्रं॑ सु॒तेभि॒रिन्दु॑भिः ।।
   अम॑त्रेभिरृजी॒षिण॑म्
   अम॑त्रेभिः ऋजी॒षिण॑म्
   अम॑त्रेभिर् ऋजी॒षिण॑म्

Halfverse: d    इन्द्रं॑ सु॒तेभि॒रिन्दु॑भिः ।।
   इन्द्र॑म् सु॒तेभिः इन्दु॑भिः ।।
   इन्द्रं सु॒तेभि॑र् इन्दु॑भिः ।।

Verse: 3
Halfverse: a    यदी॑ सु॒तेभि॒रिन्दु॑भिः॒ सोमे॑भिः प्रति॒भूष॑थ ।
   यदी॑ सु॒तेभि॒रिन्दु॑भिः
   यदि+ सु॒तेभिः इन्दु॑भिः
   यदी सु॒तेभि॑र् इन्दु॑भिः

Halfverse: b    सोमे॑भिः प्रति॒भूष॑थ ।
   सोमे॑भिः प्रति॒भूष॑थ ।
   सोमे॑भिः प्रति॒भूष॑थ ।

Halfverse: c    वेदा॒ विश्व॑स्य॒ मेधि॑रो धृ॒षत्तंत॒मिदेष॑ते ।।
   वेदा॒ विश्व॑स्य॒ मेधि॑रो
   वेद+ विश्व॑स्य मेधि॑रः
   वेदा विश्व॑स्य मेधि॑रो

Halfverse: d    धृ॒षत्तंत॒मिदेष॑ते ।।
   धृ॒षत् तंत॑म् इत् आ ई॑षते ।।
   धृ॒षत् तंत॑म् इद् एष॑ते ।।

Verse: 4
Halfverse: a    अ॒स्माअ॑स्मा॒ इदन्ध॒सो ऽध्व॑र्यो॒ प्र भ॑रा सु॒तम् ।
   अ॒स्माअ॑स्मा॒ इदन्ध॒सो
   अ॒स्माअ॑स्मै इत् अन्ध॑सः
   अ॒स्माअ॑स्मा इद् अन्ध॑सो

Halfverse: b    ऽध्वर्यो॒ प्र भ॑रा सु॒तम् ।
   अध्व॑र्यो प्र भ॑र+ सु॒तम् ।
   अध्व॑र्यो प्र भ॑रा सु॒तम् ।

Halfverse: c    कु॒वित्स॑मस्य॒ जेन्य॑स्य॒ शर्ध॑तो॒ ऽभिश॑स्तेरव॒स्पर॑त् ।।
   कु॒वित्स॑मस्य॒ जेन्य॑स्य॒ शर्ध॑तो
   कु॒वित् समस्य जेन्य॑स्य शर्ध॑तः
   कु॒वित् समस्य जेनि॑यस्य शर्ध॑तो

Halfverse: d    ऽभिश॑स्तेरव॒स्पर॑त् ।।
   अ॒भिश॑स्तेः अव॒स्पर॑त् ।।
   अ॒भिश॑स्तेर् अव॒स्पर॑त् ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.