TITUS
Rg-Veda: Rg-Veda-Samhita
Part No. 485
Previous part

Hymn: 44_(485) 
Verse: 1 
Halfverse: a    यो र॑यिवो र॒यिंत॑मो॒ यो द्यु॒म्नैर्द्यु॒म्नव॑त्तमः ।
   यो र॑यिवो र॒यिंत॑मो
   यः र॑यिवः र॒यिंत॑मः
   यो र॑यिवो र॒यिंत॑मो

Halfverse: b    यो द्यु॒म्नैर्द्यु॒म्नव॑त्तमः ।
   यः द्यु॒म्नैः द्यु॒म्नव॑त्तमः ।
   यो द्यु॒म्नैर् द्यु॒म्नव॑त्तमः ।

Halfverse: c    सोमः॑ सु॒तः स इ॑न्द्र॒ ते ऽस्ति॑ स्वधापते॒ मदः॑ ।।
   सोमः॑ सु॒तः स इ॑न्द्र॒ ते
   सोमः सु॒तः सः ।!। इ॑न्द्र ते
   सोमः सु॒तः स इ॑न्द्र ते

Halfverse: d    ऽस्ति स्वधापते॒ मदः॑ ।।
   अस्ति स्वधापते मदः ।।
   अस्ति स्वधापते मदः ।।


Verse: 2 
Halfverse: a    यः श॒ग्मस्तु॑विशग्म ते रा॒यो दा॒मा म॑ती॒नाम् ।
   यः श॒ग्मस्तु॑विशग्म ते
   यः श॒ग्मः तु॑विशग्म ते
   यः श॒ग्मस् तुविशग्म ते

Halfverse: b    रा॒यो दा॒मा म॑ती॒नाम् ।
   रा॒यः दा॒मा म॑ती॒नाम् ।
   रा॒यो दा॒मा म॑ती॒नाअम् ।

Halfverse: c    सोमः॑ सु॒तः स इ॑न्द्र॒ ते ऽस्ति॑ स्वधापते॒ मदः॑ ।।
   सोमः॑ सु॒तः स इ॑न्द्र॒ ते
   सोमः सु॒तः सः ।!। इ॑न्द्र ते
   सोमः सु॒तः स इ॑न्द्र ते

Halfverse: d    ऽस्ति स्वधापते॒ मदः॑ ।।
   अस्ति स्वधापते मदः ।।
   अस्ति स्वधापते मदः ।।


Verse: 3 
Halfverse: a    येन॑ वृ॒द्धो न शव॑सा तु॒रो न स्वाभि॑रू॒तिभिः॑ ।
   येन॑ वृ॒द्धो न शव॑सा
   येन वृ॒द्धः न शव॑सा
   येन वृ॒द्धो न शव॑सा

Halfverse: b    तु॒रो न स्वाभि॑रू॒तिभिः॑ ।
   तु॒रः न स्वाभिः ऊ॒तिभिः ।
   तु॒रो न स्वाभि॑र् ऊ॒तिभिः ।

Halfverse: c    सोमः॑ सु॒तः स इ॑न्द्र॒ ते ऽस्ति॑ स्वधापते॒ मदः॑ ।।
   सोमः॑ सु॒तः स इ॑न्द्र॒ ते
   सोमः सु॒तः सः ।!। इ॑न्द्र ते
   सोमः सु॒तः स इ॑न्द्र ते

Halfverse: d    ऽस्ति स्वधापते॒ मदः॑ ।।
   अस्ति स्वधापते मदः ।।
   अस्ति स्वधापते मदः ।।


Verse: 4 
Halfverse: a    त्यमु॑ वो॒ अप्र॑हणं गृणी॒षे शव॑स॒स्पति॑म् ।
   त्यमु॑ वो॒ अप्र॑हणं
   त्यम् उ वः अप्र॑हणम्
   ति॒यम् उ वो अप्र॑हणं

Halfverse: b    गृणी॒षे शव॑स॒स्पति॑म् ।
   गृ॑णी॒षे शव॑सः पति॑म् ।
   गृ॑णी॒षे शव॑सस् पति॑म् ।

Halfverse: c    इन्द्रं॑ विश्वा॒साहं॒ नर॒म्मंहि॑ष्ठं वि॒श्वच॑र्षणिम् ।।
   इन्द्रं॑ विश्वा॒साहं॒ नर॑म्
   इन्द्र॑म् विश्वा॒साह॑म् नर॑म्
   इन्द्रं विश्वा॒साहं नर॑म्

Halfverse: d    मंहि॑ष्ठं वि॒श्वच॑र्षणिम् ।।
   मंहि॑ष्ठम् वि॒श्वच॑र्षणिम् ।।
   मंहि॑ष्ठं वि॒श्वच॑र्षणिम् ।।


Verse: 5 
Halfverse: a    यं व॒र्धय॒न्तीद्गिरः॒ पतिं॑ तु॒रस्य॒ राध॑सः ।
   यं व॒र्धय॒न्तीद्गिरः
   यम् व॒र्धय॑न्ति इत् गिरः
   यं व॒र्धय॑न्ति इद् गिरः

Halfverse: b    पतिं॑ तु॒रस्य॒ राध॑सः ।
   पति॑म् तु॒रस्य राध॑सः ।
   पतिं तु॒रस्य राध॑सः ।

Halfverse: c    तमिन्न्व॑स्य॒ रोद॑सी दे॒वी शुष्मं॑ सपर्यतः ।।
   तमिन्न्व॑स्य॒ रोद॑सी
   तम् इत् नु अ॑स्य रोद॑सी
   तम् इन् नु अ॑स्य रोद॑सी

Halfverse: d    दे॒वी शुष्मं॑ सपर्यतः ।।
   दे॒वी शुष्म॑म् सपर्यतः ।।
   दे॒वी शुष्मं सपर्यतः ।।


Verse: 6 
Halfverse: a    तद्व॑ उ॒क्थस्य॑ ब॒र्हणेन्द्रा॑योपस्तृणी॒षणि॑ ।
   तद्व॑ उ॒क्थस्य॑ ब॒र्हणा
   तत् वः उ॒क्थस्य ब॒र्हणा
   तद् व उ॒क्थस्य ब॒र्हणा

Halfverse: b     इन्द्रा॑योपस्तृणी॒षणि॑ ।
   इन्द्रा॑य उपस्तृणी॒षणि ।
   इन्द्रा॑योपस्तृणी॒षणि ।

Halfverse: c    विपो॒ न यस्यो॒तयो॒ वि यद्रोह॑न्ति स॒क्षितः॑ ।।
   विपो॒ न यस्यो॒तयो
   विपः न यस्य ऊ॒तयः
   विपो न यस्य ऊ॒तयो

Halfverse: d    वि यद्रोह॑न्ति स॒क्षितः॑ ।।
   वि यत् रोह॑न्ति स॒क्षितः ।।
   वि यद् रोह॑न्ति स॒क्षितः ।।


Verse: 7 
Halfverse: a    अवि॑द॒द्दक्ष॑म्मि॒त्रो नवी॑यान्पपा॒नो दे॒वेभ्यो॒ वस्यो॑ अचैत् ।
   अवि॑द॒द्दक्ष॑म्मि॒त्रो नवी॑यान्
   अवि॑दत् दक्ष॑म् मि॒त्रः नवी॑यान्
   अवि॑दद् दक्ष॑म् मि॒त्रो नवी॑यान्

Halfverse: b    पपा॒नो दे॒वेभ्यो॒ वस्यो॑ अचैत् ।
   प॑पा॒नः दे॒वेभ्यः वस्यः अचैत् ।
   प॑पा॒नो दे॒वेभ्यो वस्यो अचैत् ।

Halfverse: c    स॑स॒वान्स्तौ॒लाभि॑र्धौ॒तरी॑भिरुरु॒ष्या पा॒युर॑भव॒त्सखि॑भ्यः ।।
   स॑स॒वान्स्तौ॒लाभि॑र्धौ॒तरी॑भिर्
   सस॒वान् स्तौ॒लाभिः धौ॒तरी॑भिः
   सस॒वान् स्तौ॒लाभि॑र् धौ॒तरी॑भिर्

Halfverse: d    उरु॒ष्या पा॒युर॑भव॒त्सखि॑भ्यः ।।
   उ॑रु॒ष्या पा॒युः अ॑भवत् सखि॑भ्यः ।।
   उ॑रु॒ष्या पा॒युर् अभवत् सखि॑भ्यः ।।


Verse: 8 
Halfverse: a    ऋ॒तस्य॑ प॒थि वे॒धा अ॑पायि श्रि॒ये मनां॑सि दे॒वासो॑ अक्रन् ।
   ऋ॒तस्य॑ प॒थि वे॒धा अ॑पायि
   ऋ॒तस्य प॒थि वे॒धाः अ॑पायि
   ऋ॒तस्य प॒थि वे॒धा अ॑पायि

Halfverse: b    श्रि॒ये मनां॑सि दे॒वासो॑ अक्रन् ।
   श्रि॒ये मनां॑सि दे॒वासः अक्रन् ।
   श्रि॒ये मनां॑सि दे॒वासो अक्रन् ।

Halfverse: c    दधा॑नो॒ नाम॑ म॒हो वचो॑भि॒र्वपु॑र्दृ॒शये॑ वे॒न्यो व्या॑वः ।।
   दधा॑नो॒ नाम॑ म॒हो वचो॑भिर्
   दधा॑नः नाम म॒हः वचो॑भिः
   दधा॑नो नाम म॒हो वचो॑भिर्

Halfverse: d    वपु॑र्दृ॒शये॑ वे॒न्यो व्या॑वः ।।
   वपुः दृ॒शये वे॒न्यः वि आ॑वर् ।।
   वपु॑र् दृ॒शये वे॒न्यो वि आ॑वः ।।


Verse: 9 
Halfverse: a    द्यु॒मत्त॑मं॒ दक्षं॑ धेह्य॒स्मे सेधा॒ जना॑नाम्पू॒र्वीररा॑तीः ।
   द्यु॒मत्त॑मं॒ दक्षं॑ धेह्य॒स्मे
   द्यु॒मत्त॑मम् दक्ष॑म् धेहि अ॒स्मे
   द्यु॒मत्त॑मं ? दक्षं धेहि अ॒स्मे

Halfverse: b    सेधा॒ जना॑नाम्पू॒र्वीररा॑तीः ।
   सेध+ जना॑नाम् पू॒र्वीः अरा॑तीः ।
   सेधा जना॑नाम् पू॒र्वीर् अरा॑तीः ।

Halfverse: c    वर्षी॑यो॒ वयः॑ कृणुहि॒ शची॑भि॒र्धन॑स्य सा॒ताव॒स्माँ अ॑विड्ढि ।।
   वर्षी॑यो॒ वयः॑ कृणुहि॒ शची॑भिर्
   वर्षी॑यः वयः कृणुहि शची॑भिः
   वर्षी॑यो वयः कृणुहि शची॑भिर्

Halfverse: d    धन॑स्य सा॒ताव॒स्माँ अ॑विड्ढि ।।
   धन॑स्य सा॒तौ अ॒स्मान् अविड्ढि ।।
   धन॑स्य सा॒ताव् अ॒स्माँ अ॑विड्ढि ।।


Verse: 10 
Halfverse: a    इन्द्र॒ तुभ्य॒मिन्म॑घवन्नभूम व॒यं दा॒त्रे ह॑रिवो॒ मा वि वे॑नः ।
   इन्द्र॒ तुभ्य॒मिन्म॑घवन्नभूम
   इन्द्र तुभ्य॑म् इत् मघवन् अभूम
   इन्द्र तुभ्य॑म् इन् मघवन्न् अभूम

Halfverse: b    व॒यं दा॒त्रे ह॑रिवो॒ मा वि वे॑नः ।
   व॒यम् दा॒त्रे ह॑रिवः मा वि वे॑नः ।
   व॒यं दा॒त्रे ह॑रिवो मा वि वे॑नः ।

Halfverse: c    नकि॑रा॒पिर्द॑दृशे मर्त्य॒त्रा किम॒ङ्ग र॑ध्र॒चोद॑नं त्वाहुः ।।
   नकि॑रा॒पिर्द॑दृशे मर्त्य॒त्रा
   नकिः आ॒पिः द॑दृशे मर्त्य॒त्रा
   नकि॑र् आ॒पिर् ददृशे मर्तिय॒त्रा

Halfverse: d    किम॒ङ्ग र॑ध्र॒चोद॑नं त्वाहुः ।।
   किम् अ॒ङ्ग र॑ध्र॒चोद॑नम् त्वा आहुः ।।
   किम् अ॒ङ्ग र॑ध्र॒चोद॑नं तुवाहुः ।।


Verse: 11 
Halfverse: a    मा जस्व॑ने वृषभ नो ररीथा॒ मा ते॑ रे॒वतः॑ स॒ख्ये रि॑षाम ।
   मा जस्व॑ने वृषभ नो ररीथा
   मा जस्व॑ने वृषभ नः ररीथाः
   मा जस्व॑ने वृषभ नो ररीथा

Halfverse: b    मा ते॑ रे॒वतः॑ स॒ख्ये रि॑षाम ।
   मा ते रे॒वतः स॒ख्ये रि॑षाम ।
   मा ते रे॒वतः सखि॒ये रि॑षाम ।

Halfverse: c    पू॒र्वीष्ट॑ इन्द्र नि॒ष्षिधो॒ जने॑षु ज॒ह्यसु॑ष्वी॒न्प्र वृ॒हापृ॑णतः ।।
   पू॒र्वीष्ट॑ इन्द्र नि॒ष्षिधो॒ जने॑षु
   पू॒र्वीः ते इन्द्र नि॒ष्षिधः जने॑षु
   पू॒र्वीष् ट इन्द्र नि॒ष्षिधो जने॑षु

Halfverse: d    ज॒ह्यसु॑ष्वी॒न्प्र वृ॒हापृ॑णतः ।।
   ज॒हि असु॑ष्वीन् प्र वृ॑ह अपृ॑णतः ।।
   ज॒हि असु॑ष्वीन् प्र वृ॒हापृ॑णतः ।।


Verse: 12 
Halfverse: a    उद॒भ्राणी॑व स्त॒नय॑न्निय॒र्तीन्द्रो॒ राधां॒स्यश्व्या॑नि॒ गव्या॑ ।
   उद॒भ्राणी॑व स्त॒नय॑न्नियर्ति
   उत् अ॒भ्राणि इव स्त॒नय॑न् इयर्ति
   उद् अ॒भ्राणी॑व स्त॒नय॑न्न् इयर्ति

Halfverse: b     इन्द्रो॒ राधां॒स्यश्व्या॑नि॒ गव्या॑ ।
   इन्द्रः राधां॑सि अश्व्या॑नि गव्या ।
   इन्द्रो राधां॑सि अश्वि॑यानि गव्या ।

Halfverse: c    त्वम॑सि प्र॒दिवः॑ का॒रुधा॑या॒ मा त्वा॑दा॒मान॒ आ द॑भन्म॒घोनः॑ ।।
   त्वम॑सि प्र॒दिवः॑ का॒रुधा॑या
   त्वम् असि प्र॒दिवः का॒रुधा॑याः
   तु॒वम् असि प्र॒दिवः का॒रुधा॑या

Halfverse: d    मा त्वा॑दा॒मान॒ आ द॑भन्म॒घोनः॑ ।।
   मा त्वा अदा॒मानः आ द॑भन् म॒घोनः ।।
   मा त्वा॑दा॒मान आ द॑भन् म॒घोनः ।।


Verse: 13 
Halfverse: a    अध्व॑र्यो वीर॒ प्र म॒हे सु॒ताना॒मिन्द्रा॑य भर॒ स ह्य॑स्य॒ राजा॑ ।
   अध्व॑र्यो वीर॒ प्र म॒हे सु॒ताना॑म्
   अध्व॑र्यो वीर प्र म॒हे सु॒ताना॑म्
   अध्व॑र्यो वीर प्र म॒हे सु॒ताना॑म्

Halfverse: b    इन्द्रा॑य भर॒ स ह्य॑स्य॒ राजा॑ ।
   इन्द्रा॑य भर स हि अ॑स्य राजा ।
   इन्द्रा॑य भर स हि अ॑स्य राजा ।

Halfverse: c    यः पू॒र्व्याभि॑रु॒त नूत॑नाभिर्गी॒र्भिर्वा॑वृ॒धे गृ॑ण॒तामृषी॑णाम् ।।
   यः पू॒र्व्याभि॑रु॒त नूत॑नाभिर्
   यः पू॒र्व्याभिः उ॒त नूत॑नाभिः
   यः पू॑र्वि॒याभि॑र् उ॒त नूत॑नाभिर्

Halfverse: d    गी॒र्भिर्वा॑वृ॒धे गृ॑ण॒तामृषी॑णाम् ।।
   गी॒र्भिः वा॑वृ॒धे गृ॑ण॒ताम् ऋषी॑णाम् ।।
   गी॒र्भिर् वावृ॒धे गृ॑ण॒ताम् ऋषी॑णाम् ।।


Verse: 14 
Halfverse: a    अ॒स्य मदे॑ पु॒रु वर्पां॑सि वि॒द्वानिन्द्रो॑ वृ॒त्राण्य॑प्र॒ती ज॑घान ।
   अ॒स्य मदे॑ पु॒रु वर्पां॑सि वि॒द्वान्
   अ॒स्य मदे पु॒रु वर्पां॑सि वि॒द्वान्
   अ॒स्य मदे पु॒रु वर्पां॑सि वि॒द्वान्

Halfverse: b    इन्द्रो॑ वृ॒त्राण्य॑प्र॒ती ज॑घान ।
   इन्द्रः वृ॒त्राणि अप्र॒ती ! ज॑घान ।
   इन्द्रो वृ॒त्राणि अप्र॒ती ज॑घान ।

Halfverse: c    तमु॒ प्र हो॑षि॒ मधु॑मन्तमस्मै॒ सोमं॑ वी॒राय॑ शि॒प्रिणे॒ पिब॑ध्यै ।।
   तमु॒ प्र हो॑षि॒ मधु॑मन्तमस्मै
   तम् उ प्र हो॑षि मधु॑मन्तम् अस्मै
   तम् उ प्र हो॑षि मधु॑मन्तम् अस्मै

Halfverse: d    सोमं॑ वी॒राय॑ शि॒प्रिणे॒ पिब॑ध्यै ।।
   सोम॑म् वी॒राय शि॒प्रिणे पिब॑ध्यै ।।
   सोमं वी॒राय शि॒प्रिणे पिब॑ध्यै ।।


Verse: 15 
Halfverse: a    पाता॑ सु॒तमिन्द्रो॑ अस्तु॒ सोमं॒ हन्ता॑ वृ॒त्रं वज्रे॑ण मन्दसा॒नः ।
   पाता॑ सु॒तमिन्द्रो॑ अस्तु॒ सोमं
   पाता सु॒तम् इन्द्रः अस्तु सोम॑म्
   पाता सु॒तम् इन्द॑रो अस्तु सोमं

Halfverse: b    हन्ता॑ वृ॒त्रं वज्रे॑ण मन्दसा॒नः ।
   हन्ता वृ॒त्रम् वज्रे॑ण मन्दसा॒नः ।
   हन्ता वृ॒त्रं वज्रे॑ण मन्दसा॒नः ।

Halfverse: c    गन्ता॑ य॒ज्ञम्प॑रा॒वत॑श्चि॒दछा॒ वसु॑र्धी॒नाम॑वि॒ता का॒रुधा॑याः ।।
   गन्ता॑ य॒ज्ञम्प॑रा॒वत॑श्चि॒दछा
   गन्ता य॒ज्ञम् परा॒वतः चित् अछ+
   गन्ता य॒ज्ञम् परा॒वत॑श् चिद् अछा

Halfverse: d    वसु॑र्धी॒नाम॑वि॒ता का॒रुधा॑याः ।।
   वसुः धी॒नाम् अवि॒ता का॒रुधा॑याः ।।
   वसु॑र् धी॒नाम् अवि॒ता का॒रुधा॑याः ।।


Verse: 16 
Halfverse: a    इ॒दं त्यत्पात्र॑मिन्द्र॒पान॒मिन्द्र॑स्य प्रि॒यम॒मृत॑मपायि ।
   इ॒दं त्यत्पात्र॑मिन्द्र॒पान॑म्
   इ॒दम् त्यत् पात्र॑म् इन्द्र॒पान॑म्
   इ॒दं ति॒यत् पात॑रम् इन्द्र॒पान॑म्

Halfverse: b    इन्द्र॑स्य प्रि॒यम॒मृत॑मपायि ।
   इन्द्र॑स्य प्रि॒यम् अ॒मृत॑म् अपायि ।
   इन्द्र॑स्य प्रि॒यम् अ॒मृत॑म् अपायि ।

Halfverse: c    मत्स॒द्यथा॑ सौमन॒साय॑ दे॒वं व्य॒स्मद्द्वेषो॑ यु॒यव॒द्व्यंहः॑ ।।
   मत्स॒द्यथा॑ सौमन॒साय॑ दे॒वं
   मत्स॑त् यथा सौमन॒साय दे॒वम्
   मत्स॑द् यथा सौमन॒साय दे॒वं

Halfverse: d    व्य॒स्मद्द्वेषो॑ यु॒यव॒द्व्यंहः॑ ।।
   वि अ॒स्मत् द्वेषः यु॒यव॑त् वि अंहः ।।
   वि अ॒स्मद् द्वेषो यु॒यव॑द् वि अंहः ।।


Verse: 17 
Halfverse: a    ए॒ना म॑न्दा॒नो ज॒हि शू॑र॒ शत्रू॑ञ्जा॒मिमजा॑मिम्मघवन्न॒मित्रा॑न् ।
   ए॒ना म॑न्दा॒नो ज॒हि शू॑र॒ शत्रू॑ञ्
   ए॒ना म॑न्दा॒नः ज॒हि शू॑र शत्रू॑न्
   ए॒ना म॑न्दा॒नो ज॒हि शू॑र शत्रू॑ञ्

Halfverse: b    जा॒मिमजा॑मिम्मघवन्न॒मित्रा॑न् ।
   जा॒मिम् अजा॑मिम् मघवन् अ॒मित्रा॑न् ।
   जा॒मिम् अजा॑मिम् मघवन्न् अ॒मित्रा॑न् ।

Halfverse: c    अ॑भिषे॒णाँ अ॒भ्या॒देदि॑शाना॒न्परा॑च इन्द्र॒ प्र मृ॑णा ज॒ही च॑ ।।
   अ॑भिषे॒णाँ अ॒भ्या॒देदि॑शानान्
   अभिषे॒णान् अ॒भि आ॒देदि॑शानान्
   अभिषे॒णाँ अ॒भि आ॒देदि॑शानान्

Halfverse: d    परा॑च इन्द्र॒ प्र मृ॑णा ज॒ही च॑ ।।
   परा॑चः इन्द्र प्र मृ॑ण+ ज॒हि+ च ।।
   परा॑च इन्द्र प्र मृ॑णा ज॒ही च ।।


Verse: 18 
Halfverse: a    आ॒सु ष्मा॑ णो मघवन्निन्द्र पृ॒त्स्व॒स्मभ्य॒म्महि॒ वरि॑वः सु॒गं कः॑ ।
   आ॒सु ष्मा॑ णो मघवन्निन्द्र पृत्स्व्
   आ॒सु स्म+ नः मघवन् इन्द्र पृ॒त्सु
   आ॒सु ष्मा णो मघवन्न् इन्द्र पृत्सु

Halfverse: b    अ॒स्मभ्य॒म्महि॒ वरि॑वः सु॒गं कः॑ ।
   अ॒स्मभ्य॑म् महि वरि॑वः सु॒गम् कर् ।
   अ॒स्मभ्य॑म् महि वरि॑वः सु॒गं कः ।

Halfverse: c    अ॒पां तो॒कस्य॒ तन॑यस्य जे॒ष इन्द्र॑ सू॒रीन्कृ॑णु॒हि स्मा॑ नो अ॒र्धम् ।।
   अ॒पां तो॒कस्य॒ तन॑यस्य जे॒ष
   अ॒पाम् तो॒कस्य तन॑यस्य जे॒षे
   अ॒पां तो॒कस्य तन॑यस्य जे॒ष

Halfverse: d    इन्द्र॑ सू॒रीन्कृ॑णु॒हि स्मा॑ नो अ॒र्धम् ।।
   इन्द्र सू॒रीन् कृणु॒हि स्म+ नः अ॒र्धम् ।।
   इन्द्र सू॒रीन् कृणु॒हि स्मा नो अ॒र्धम् ।।


Verse: 19 
Halfverse: a    आ त्वा॒ हर॑यो॒ वृष॑णो युजा॒ना वृष॑रथासो॒ वृष॑रश्म॒यो ऽत्याः॑ ।
   आ त्वा॒ हर॑यो॒ वृष॑णो युजा॒ना
   आ त्वा हर॑यः वृष॑णः युजा॒नाः
   आ त्वा हर॑यो वृष॑णो युजा॒ना

Halfverse: b    वृष॑रथासो॒ वृष॑रश्म॒यो ऽत्याः॑ ।
   वृष॑रथासः वृष॑रश्मयः अत्याः ।
   वृष॑रथासो वृष॑रश्म॒यो ऽत्याः ।

Halfverse: c    अ॑स्म॒त्राञ्चो॒ वृष॑णो वज्र॒वाहो॒ वृष्णे॒ मदा॑य सु॒युजो॑ वहन्तु ।।
   अ॑स्म॒त्राञ्चो॒ वृष॑णो वज्र॒वाहो
   अस्म॒त्राञ्चः वृष॑णः वज्र॒वाहः
   अस्म॒त्राञ्चो वृष॑णो वज्र॒वाहो

Halfverse: d    वृष्णे॒ मदा॑य सु॒युजो॑ वहन्तु ।।
   वृष्णे मदा॑य सु॒युजः वहन्तु ।।
   वृष्णे मदा॑य सु॒युजो वहन्तु ।।


Verse: 20 
Halfverse: a    आ ते॑ वृष॒न्वृष॑णो॒ द्रोण॑मस्थुर्घृत॒प्रुषो॒ नोर्मयो॒ मद॑न्तः ।
   आ ते॑ वृष॒न्वृष॑णो॒ द्रोण॑मस्थुर्
   आ ते वृषन् वृष॑णः द्रोण॑म् अस्थुः
   आ ते वृषन् वृष॑णो द्रोण॑म् अस्थुर्

Halfverse: b    घृत॒प्रुषो॒ नोर्मयो॒ मद॑न्तः ।
   घृ॑त॒प्रुषः न ऊ॒र्मयः मद॑न्तः ।
   घृ॑त॒प्रुषो न ऊ॒र्मयो मद॑न्तः ।

Halfverse: c    इन्द्र॒ प्र तुभ्यं॒ वृष॑भिः सु॒तानां॒ वृष्णे॑ भरन्ति वृष॒भाय॒ सोम॑म् ।।
   इन्द्र॒ प्र तुभ्यं॒ वृष॑भिः सु॒तानां
   इन्द्र प्र तुभ्य॑म् वृष॑भिः सु॒ताना॑म्
   इन्द्र प्र तुभ्यं वृष॑भिः सु॒तानां

Halfverse: d    वृष्णे॑ भरन्ति वृष॒भाय॒ सोम॑म् ।।
   वृष्णे भरन्ति वृष॒भाय सोम॑म् ।।
   वृष्णे भरन्ति वृष॒भाय सोम॑म् ।।


Verse: 21 
Halfverse: a    वृषा॑सि दि॒वो वृ॑ष॒भः पृ॑थि॒व्या वृषा॒ सिन्धू॑नां वृष॒भ स्तिया॑नाम् ।
   वृषा॑सि दि॒वो वृ॑ष॒भः पृ॑थि॒व्या
   वृषा असि दि॒वः वृ॑ष॒भः पृ॑थि॒व्याः
   वृषा॑सि दि॒वो वृ॑ष॒भः पृ॑थि॒व्या

Halfverse: b    वृषा॒ सिन्धू॑नां वृष॒भ स्तिया॑नाम् ।
   वृषा सिन्धू॑नाम् वृष॒भः स्तिया॑नाम् ।
   वृषा सिन्धू॑नां वृष॒भ स्तिया॑नाम् ।

Halfverse: c    वृष्णे॑ त॒ इन्दु॑र्वृषभ पीपाय स्वा॒दू रसो॑ मधु॒पेयो॒ वरा॑य ।।
   वृष्णे॑ त॒ इन्दु॑र्वृषभ पीपाय
   वृष्णे ते इन्दुः वृषभ पीपाय
   वृष्णे त इन्दु॑र् वृषभ पीपाय

Halfverse: d    स्वा॒दू रसो॑ मधु॒पेयो॒ वरा॑य ।।
   स्वा॒दुः रसः मधु॒पेयः वरा॑य ।।
   स्वा॒दू रसो मधु॒पेयो वरा॑य ।।


Verse: 22 
Halfverse: a    अ॒यं दे॒वः सह॑सा॒ जाय॑मान॒ इन्द्रे॑ण यु॒जा प॒णिम॑स्तभायत् ।
   अ॒यं दे॒वः सह॑सा॒ जाय॑मान
   अ॒यम् दे॒वः सह॑सा जाय॑मानः
   अ॒यं दे॒वः सह॑सा जाय॑मान

Halfverse: b    इन्द्रे॑ण यु॒जा प॒णिम॑स्तभायत् ।
   इन्द्रे॑ण यु॒जा प॒णिम् अस्तभायत् ।
   इन्द्रे॑ण यु॒जा प॒णिम् अस्तभायत् ।

Halfverse: c    अ॒यं स्वस्य॑ पि॒तुरायु॑धा॒नीन्दु॑रमुष्णा॒दशि॑वस्य मा॒याः ।।
   अ॒यं स्वस्य॑ पि॒तुरायु॑धानि
   अ॒यम् स्वस्य पि॒तुः आयु॑धानि
   अ॒यं सु॒वस्य पि॒तुर् आयु॑धानि

Halfverse: d     इन्दु॑रमुष्णा॒दशि॑वस्य मा॒याः ।।
   इन्दुः अमुष्णात् अशि॑वस्य मा॒याः ।।
   इन्दु॑र् अमुष्णाद् अशि॑वस्य मा॒याः ।।


Verse: 23 
Halfverse: a    अ॒यम॑कृणोदु॒षसः॑ सु॒पत्नी॑र॒यं सूर्ये॑ अदधा॒ज्ज्योति॑र॒न्तः ।
   अ॒यम॑कृणोदु॒षसः॑ सु॒पत्नी॑र्
   अ॒यम् अकृणोत् उ॒षसः सु॒पत्नीः
   अ॒यम् अकृणोद् उ॒षसः सु॒पत्नी॑र्

Halfverse: b    अ॒यं सूर्ये॑ अदधा॒ज्ज्योति॑र॒न्तः ।
   अ॒यम् सूर्ये अदधात् ज्योतिः अ॒न्तर् ।
   अ॒यं सूर्ये अदधाज् ज्योति॑र् अ॒न्तः ।

Halfverse: c    अ॒यं त्रि॒धातु॑ दि॒वि रो॑च॒नेषु॑ त्रि॒तेषु॑ विन्दद॒मृतं॒ निगू॑ऴम् ।।
   अ॒यं त्रि॒धातु॑ दि॒वि रो॑च॒नेषु
   अ॒यम् त्रि॒धातु दि॒वि रो॑च॒नेषु
   अ॒यं त्रि॒धातु दि॒वि रो॑च॒नेषु

Halfverse: d    त्रि॒तेषु॑ विन्दद॒मृतं॒ निगू॑ऴम् ।।
   त्रि॒तेषु विन्दत् अ॒मृत॑म् निगू॑ऴम् ।।
   त्रि॒तेषु विन्दद् अ॒मृतं निगू॑ऴम् ।।


Verse: 24 
Halfverse: a    अ॒यं द्यावा॑पृथि॒वी वि ष्क॑भायद॒यं रथ॑मयुनक्स॒प्तर॑श्मिम् ।
   अ॒यं द्यावा॑पृथि॒वी वि ष्क॑भायद्
   अ॒यम् द्यावा॑पृथि॒वी वि स्क॑भायत्
   अ॒यं द्यावा॑पृथि॒वी वि ष्क॑भायद्

Halfverse: b    अ॒यं रथ॑मयुनक्स॒प्तर॑श्मिम् ।
   अ॒यम् रथ॑म् अयुनक् स॒प्तर॑श्मिम् ।
   अ॒यं रथ॑म् अयुनक् स॒प्तर॑श्मिम् ।

Halfverse: c    अ॒यं गोषु॒ शच्या॑ प॒क्वम॒न्तः सोमो॑ दाधार॒ दश॑यन्त्र॒मुत्स॑म् ।।
   अ॒यं गोषु॒ शच्या॑ प॒क्वम॒न्तः
   अ॒यम् गोषु शच्या प॒क्वम् अ॒न्तर्
   अ॒यं गोषु शचि॑या प॒क्वम् अ॒न्तः

Halfverse: d    सोमो॑ दाधार॒ दश॑यन्त्र॒मुत्स॑म् ।।
   सोमः दाधार दश॑यन्त्रम् उत्स॑म् ।।
   सोमो दाधार दश॑यन्त्रम् उत्स॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.