TITUS
Rg-Veda: Rg-Veda-Samhita
Part No. 486
Previous part

Hymn: 45_(486) 
Verse: 1 
Halfverse: a    य आन॑यत्परा॒वतः॒ सुनी॑ती तु॒र्वशं॒ यदु॑म् ।
   य आन॑यत्परा॒वतः
   यः आ अन॑यत् परा॒वतः
   य आन॑यत् परा॒वतः

Halfverse: b    सुनी॑ती तु॒र्वशं॒ यदु॑म् ।
   सुनी॑ती तु॒र्वश॑म् यदु॑म् ।
   सुनी॑ती तु॒र्वशं यदु॑म् ।

Halfverse: c    इन्द्रः॒ स नो॒ युवा॒ सखा॑ ।।
   इन्द्रः॒ स नो॒ युवा॒ सखा॑ ।।
   इन्द्रः स नः युवा सखा ।।
   इन्द्रः स नो युवा सखा ।।


Verse: 2 
Halfverse: a    अ॑वि॒प्रे चि॒द्वयो॒ दध॑दना॒शुना॑ चि॒दर्व॑ता ।
   अ॑वि॒प्रे चि॒द्वयो॒ दध॑द्
   अवि॒प्रे चि॑त् वयः दध॑त्
   अवि॒प्रे चि॑द् वयो दध॑द्

Halfverse: b    अना॒शुना॑ चि॒दर्व॑ता ।
   अ॑ना॒शुना चित् अर्व॑ता ।
   अ॑ना॒शुना चिद् अर्व॑ता ।

Halfverse: c    इन्द्रो॒ जेता॑ हि॒तं धन॑म् ।।
   इन्द्रो॒ जेता॑ हि॒तं धन॑म् ।।
   इन्द्रः जेता हि॒तम् धन॑म् ।।
   इन्द्रो जेता हि॒तं धन॑म् ।।


Verse: 3 
Halfverse: a    म॒हीर॑स्य॒ प्रणी॑तयः पू॒र्वीरु॒त प्रश॑स्तयः ।
   म॒हीर॑स्य॒ प्रणी॑तयः
   म॒हीः अ॑स्य प्रणी॑तयः
   म॒हीर् अस्य प्रणी॑तयः

Halfverse: b    पू॒र्वीरु॒त प्रश॑स्तयः ।
   पू॒र्वीः उ॒त प्रश॑स्तयः ।
   पू॒र्वीर् उ॒त प्रश॑स्तयः ।

Halfverse: c    नास्य॑ क्षीयन्त ऊ॒तयः॑ ।।
   नास्य॑ क्षीयन्त ऊ॒तयः॑ ।।
   न अ॑स्य क्षीयन्ते ऊ॒तयः ।।
   नास्य क्षीयन्त ऊ॒तयः ।।


Verse: 4 
Halfverse: a    सखा॑यो॒ ब्रह्म॑वाह॒से ऽर्च॑त॒ प्र च॑ गायत ।
   सखा॑यो॒ ब्रह्म॑वाह॒से
   सखा॑यः ब्रह्म॑वाहसे
   सखा॑यो ब्रह्म॑वाहसे

Halfverse: b    ऽर्चत॒ प्र च॑ गायत ।
   अर्च॑त प्र च गायत ।
   अर्च॑त प्र च गायत ।

Halfverse: c    स हि नः॒ प्रम॑तिर्म॒ही ।।
   स हि नः॒ प्रम॑तिर्म॒ही ।।
   स हि नः प्रम॑तिः म॒ही ।।
   स हि नः प्रम॑तिर् म॒ही ।।


Verse: 5 
Halfverse: a    त्वमेक॑स्य वृत्रहन्नवि॒ता द्वयो॑रसि ।
   त्वमेक॑स्य वृत्रहन्न्
   त्वम् एक॑स्य वृत्रहन्
   तु॒वम् एक॑स्य वृत्रहन्न्

Halfverse: b    अवि॒ता द्वयो॑रसि ।
   अ॑वि॒ता द्वयोः असि ।
   अ॑वि॒ता दु॒वयो॑र् असि ।

Halfverse: c    उ॒तेदृशे॒ यथा॑ व॒यम् ।।
   उ॒तेदृशे॒ यथा॑ व॒यम् ।।
   उ॒त ई॒दृशे यथा व॒यम् ।।
   उ॒तेदृशे यथा व॒यम् ।।


Verse: 6 
Halfverse: a    नय॒सीद्वति॒ द्विषः॑ कृ॒णोष्यु॑क्थशं॒सिनः॑ ।
   नय॒सीद्वति॒ द्विषः
   नय॑सि इत् उ अति द्विषः
   नय॒सीद् उ अति द्विषः

Halfverse: b    कृ॒णोष्यु॑क्थशं॒सिनः॑ ।
   कृ॒णोषि उक्थशं॒सिनः ।
   कृ॒णोषि उक्थशं॒सिनः ।

Halfverse: c    नृभिः॑ सु॒वीर॑ उच्यसे ।।
   नृभिः॑ सु॒वीर॑ उच्यसे ।।
   नृभिः सु॒वीरः उच्यसे ।।
   नृभिः सु॒वीर उच्यसे ।।


Verse: 7 
Halfverse: a    ब्र॒ह्माण॒म्ब्रह्म॑वाहसं गी॒र्भिः सखा॑यमृ॒ग्मिय॑म् ।
   ब्र॒ह्माण॒म्ब्रह्म॑वाहसं
   ब्र॒ह्माण॑म् ब्रह्म॑वाहसम्
   ब्र॒ह्माण॑म् ब्रह्म॑वाहसं

Halfverse: b    गी॒र्भिः सखा॑यमृ॒ग्मिय॑म् ।
   गी॒र्भिः सखा॑यम् ऋ॒ग्मिय॑म् ।
   गी॒र्भिः सखा॑यम् ऋ॒ग्मिय॑म् ।

Halfverse: c    गां न दो॒हसे॑ हुवे ।।
   गां न दो॒हसे॑ हुवे ।।
   गाम् न दो॒हसे हुवे ।।
   गाअं न दो॒हसे हुवे ।।


Verse: 8 
Halfverse: a    यस्य॒ विश्वा॑नि॒ हस्त॑योरू॒चुर्वसू॑नि॒ नि द्वि॒ता ।
   यस्य॒ विश्वा॑नि॒ हस्त॑योर्
   यस्य विश्वा॑नि हस्त॑योः
   यस्य विश्वा॑नि हस्त॑योर्

Halfverse: b    ऊ॒चुर्वसू॑नि॒ नि द्वि॒ता ।
   ऊ॒चुः वसू॑नि नि द्वि॒ता ।
   ऊ॒चुर् वसू॑नि नि द्वि॒ता ।

Halfverse: c    वी॒रस्य॑ पृतना॒षहः॑ ।।
   वी॒रस्य॑ पृतना॒षहः॑ ।।
   वी॒रस्य पृतना॒षहः ।।
   वी॒रस्य पृतना॒षहः ।।


Verse: 9 
Halfverse: a    वि दृ॒ऴानि॑ चिदद्रिवो॒ जना॑नां शचीपते ।
   वि दृ॒ऴानि॑ चिदद्रिवो
   वि दृ॒ऴानि चित् अद्रिवः
   वि दृ॒ऴानि चिद् अद्रिवो

Halfverse: b    जना॑नां शचीपते ।
   जना॑नाम् शचीपते ।
   जना॑नाअं शचीपते ।

Halfverse: c    वृ॒ह मा॒या अ॑नानत ।।
   वृ॒ह मा॒या अ॑नानत ।।
   वृ॒ह मा॒या अ॑नानत ।।
   वृ॒ह मा॒या अ॑नानत ।।


Verse: 10 
Halfverse: a    तमु॑ त्वा सत्य सोमपा॒ इन्द्र॑ वाजानाम्पते ।
   तमु॑ त्वा सत्य सोमपा
   तम् उ त्वा सत्य सोमपाः
   तम् उ त्वा सत्य सोमपा

Halfverse: b    इन्द्र॑ वाजानाम्पते ।
   इन्द्र वाजानाम् पते ।
   इन्द्र वाजा॒नाअम् पते ।

Halfverse: c    अहू॑महि श्रव॒स्यवः॑ ।।
   अहू॑महि श्रव॒स्यवः॑ ।।
   अहू॑महि श्रव॒स्यवः ।।
   अहू॑महि श्रव॒स्यवः ।।


Verse: 11 
Halfverse: a    तमु॑ त्वा॒ यः पु॒रासि॑थ॒ यो वा॑ नू॒नं हि॒ते धने॑ ।
   तमु॑ त्वा॒ यः पु॒रासि॑थ
   तम् उ त्वा यः पु॒रा आसि॑थ
   तम् उ त्वा यः पु॒रासि॑थ

Halfverse: b    यो वा॑ नू॒नं हि॒ते धने॑ ।
   यः वा नू॒नम् हि॒ते धने ।
   यो वा नू॒नं हि॒ते धने ।

Halfverse: c    हव्यः॒ स श्रु॑धी॒ हव॑म् ।।
   हव्यः॒ स श्रु॑धी॒ हव॑म् ।।
   हव्यः स श्रु॑धि+ हव॑म् ।।
   हवि॑यः स श्रु॑धी हव॑म् ।।


Verse: 12 
Halfverse: a    धी॒भिरर्व॑द्भि॒रर्व॑तो॒ वाजाँ॑ इन्द्र श्र॒वाय्या॑न् ।
   धी॒भिरर्व॑द्भि॒रर्व॑तो
   धी॒भिः अर्व॑द्भिः अर्व॑तः
   धी॒भिर् अर्व॑द्भिर् अर्व॑तो

Halfverse: b    वाजाँ॑ इन्द्र श्र॒वाय्या॑न् ।
   वाजा॑न् इन्द्र श्र॒वाय्या॑न् ।
   वाजाँ इन्द्र श्र॒वायि॑यान् ।

Halfverse: c    त्वया॑ जेष्म हि॒तं धन॑म् ।।
   त्वया॑ जेष्म हि॒तं धन॑म् ।।
   त्वया जेष्म हि॒तम् धन॑म् ।।
   त्वया जेष्म हि॒तं धन॑म् ।।


Verse: 13 
Halfverse: a    अभू॑रु वीर गिर्वणो म॒हाँ इ॑न्द्र॒ धने॑ हि॒ते ।
   अभू॑रु वीर गिर्वणो
   अभूः उ वीर गिर्वणः
   अभू॑र् उ वीर गिर्वणो

Halfverse: b    म॒हाँ इ॑न्द्र॒ धने॑ हि॒ते ।
   म॒हान् इन्द्र धने हि॒ते ।
   म॒हाँ इ॑न्द्र धने हि॒ते ।

Halfverse: c    भरे॑ वितन्त॒साय्यः॑ ।।
   भरे॑ वितन्त॒साय्यः॑ ।।
   भरे वितन्त॒साय्यः ।।
   भरे वितन्त॒सायि॑यः ।।


Verse: 14 
Halfverse: a    या त॑ ऊ॒तिर॑मित्रहन्म॒क्षूज॑वस्त॒मास॑ति ।
   या त॑ ऊ॒तिर॑मित्रहन्
   या ते ऊ॒तिः अ॑मित्रहन्
   या त ऊ॒तिर् अमित्रहन्

Halfverse: b    म॒क्षूज॑वस्त॒मास॑ति ।
   म॒क्षूज॑वस्तमा अस॑ति ।
   म॒क्षूज॑वस्त॒मास॑ति ।

Halfverse: c    तया॑ नो हिनुही॒ रथ॑म् ।।
   तया॑ नो हिनुही॒ रथ॑म् ।।
   तया नः हिनुहि+ रथ॑म् ।।
   तया नो हिनुही रथ॑म् ।।


Verse: 15 
Halfverse: a    स रथे॑न र॒थीत॑मो॒ ऽस्माके॑नाभि॒युग्व॑ना ।
   स रथे॑न र॒थीत॑मो
   स रथे॑न र॒थीत॑मः
   स रथे॑न र॒थीत॑मो

Halfverse: b    ऽस्माके॑नाभि॒युग्व॑ना ।
   अ॒स्माके॑न अभि॒युग्व॑ना ।
   अ॒स्माके॑नाभि॒युग्व॑ना ।

Halfverse: c    जेषि॑ जिष्णो हि॒तं धन॑म् ।।
   जेषि॑ जिष्णो हि॒तं धन॑म् ।।
   जेषि जिष्णो हि॒तम् धन॑म् ।।
   जेषि जिष्णो हि॒तं धन॑म् ।।


Verse: 16 
Halfverse: a    य एक॒ इत्तमु॑ ष्टुहि कृष्टी॒नां विच॑र्षणिः ।
   य एक॒ इत्तमु॑ ष्टुहि
   यः एकः इत् तम् उ स्तुहि
   य एक इत् तम् उ ष्टुहि

Halfverse: b    कृष्टी॒नां विच॑र्षणिः ।
   कृ॑ष्टी॒नाम् विच॑र्षणिः ।
   कृ॑ष्टी॒नाअं विच॑र्षणिः ।

Halfverse: c    पति॑र्ज॒ज्ञे वृष॑क्रतुः ।।
   पति॑र्ज॒ज्ञे वृष॑क्रतुः ।।
   पतिः ज॒ज्ञे वृष॑क्रतुः ।।
   पति॑र् ज॒ज्ञे वृष॑क्रतुः ।।


Verse: 17 
Halfverse: a    यो गृ॑ण॒तामिदासि॑था॒पिरू॒ती शि॒वः सखा॑ ।
   यो गृ॑ण॒तामिदासि॑थ
   यः गृ॑ण॒ताम् इत् आसि॑थ
   यो गृ॑ण॒ताम् इद् आसि॑थ

Halfverse: b     आ॒पिरू॒ती शि॒वः सखा॑ ।
   आ॒पिः ऊ॒ती शि॒वः सखा ।
   आ॒पिर् ऊ॒ती शि॒वः सखा ।

Halfverse: c    स त्वं न॑ इन्द्र मृळय ।।
   स त्वं न॑ इन्द्र मृळय ।।
   स त्वम् नः इन्द्र मृळय ।।
   स त्वं न इन्द्र मृळय ।।


Verse: 18 
Halfverse: a    धि॒ष्व वज्रं॒ गभ॑स्त्यो रक्षो॒हत्या॑य वज्रिवः ।
   धि॒ष्व वज्रं॒ गभ॑स्त्यो
   धि॒ष्व वज्र॑म् गभ॑स्त्योः
   धि॒ष्व वज्रं गभ॑स्तियो

Halfverse: b    रक्षो॒हत्या॑य वज्रिवः ।
   र॑क्षो॒हत्या॑य वज्रिवः ।
   र॑क्षो॒हत्या॑य वज्रिवः ।

Halfverse: c    सा॑सही॒ष्ठा अ॒भि स्पृधः॑ ।।
   सा॑सही॒ष्ठा अ॒भि स्पृधः॑ ।।
   सा॑सही॒ष्ठाः अ॒भि स्पृधः ।।
   सा॑सही॒ष्ठा अ॒भि स्पृधः ।।


Verse: 19 
Halfverse: a    प्र॒त्नं र॑यी॒णां युजं॒ सखा॑यं कीरि॒चोद॑नम् ।
   प्र॒त्नं र॑यी॒णां युजं
   प्र॒त्नम् रयी॒णाम् युज॑म्
   प्र॒त्नं र॑यी॒णाअं युजं

Halfverse: b    सखा॑यं कीरि॒चोद॑नम् ।
   सखा॑यम् कीरि॒चोद॑नम् ।
   सखा॑यं कीरि॒चोद॑नम् ।

Halfverse: c    ब्रह्म॑वाहस्तमं हुवे ।।
   ब्रह्म॑वाहस्तमं हुवे ।।
   ब्रह्म॑वाहस्तमम् हुवे ।।
   ब्रह्म॑वाहस्तमं हुवे ।।


Verse: 20 
Halfverse: a    स हि विश्वा॑नि॒ पार्थि॑वाँ॒ एको॒ वसू॑नि॒ पत्य॑ते ।
   स हि विश्वा॑नि॒ पार्थि॑वाँ
   स हि विश्वा॑नि पार्थि॑वा
   स हि विश्वा॑नि पार्थि॑वाँ

Halfverse: b    एको॒ वसू॑नि॒ पत्य॑ते ।
   एकः वसू॑नि पत्य॑ते ।
   एको वसू॑नि पत्य॑ते ।

Halfverse: c    गिर्व॑णस्तमो॒ अध्रि॑गुः ।।
   गिर्व॑णस्तमो॒ अध्रि॑गुः ।।
   गिर्व॑णस्तमः अध्रि॑गुः ।।
   गिर्व॑णस्तमो अध्रि॑गुः ।।


Verse: 21 
Halfverse: a    स नो॑ नि॒युद्भि॒रा पृ॑ण॒ कामं॒ वाजे॑भिर॒श्विभिः॑ ।
   स नो॑ नि॒युद्भि॒रा पृ॑ण
   स नः नि॒युद्भिः आ पृ॑ण
   स नो नि॒युद्भि॑र् आ पृ॑ण

Halfverse: b    कामं॒ वाजे॑भिर॒श्विभिः॑ ।
   काम॑म् वाजे॑भिः अ॒श्विभिः ।
   कामं वाजे॑भिर् अ॒श्विभिः ।

Halfverse: c    गोम॑द्भिर्गोपते धृ॒षत् ।।
   गोम॑द्भिर्गोपते धृ॒षत् ।।
   गोम॑द्भिः गोपते धृ॒षत् ।।
   गोम॑द्भिर् गोपते धृ॒षत् ।।


Verse: 22 
Halfverse: a    तद्वो॑ गाय सु॒ते सचा॑ पुरुहू॒ताय॒ सत्व॑ने ।
   तद्वो॑ गाय सु॒ते सचा
   तत् वः गाय सु॒ते सचा
   तद् वो गाय सु॒ते सचा

Halfverse: b    पुरुहू॒ताय॒ सत्व॑ने ।
   पु॑रुहू॒ताय सत्व॑ने ।
   पु॑रुहू॒ताय सत्व॑ने ।

Halfverse: c    शं यद्गवे॒ न शा॒किने॑ ।।
   शं यद्गवे॒ न शा॒किने॑ ।।
   शम् यत् गवे न शा॒किने ।।
   शं यद् गवे न शा॒किने ।।


Verse: 23 
Halfverse: a    न घा॒ वसु॒र्नि य॑मते दा॒नं वाज॑स्य॒ गोम॑तः ।
   न घा॒ वसु॒र्नि य॑मते
   न घ+ वसुः नि य॑मते
   न घा वसु॑र् नि य॑मते

Halfverse: b    दा॒नं वाज॑स्य॒ गोम॑तः ।
   दा॒नम् वाज॑स्य गोम॑तः ।
   दा॒नं वाज॑स्य गोम॑तः ।

Halfverse: c    यत्सी॒मुप॒ श्रव॒द्गिरः॑ ।।
   यत्सी॒मुप॒ श्रव॒द्गिरः॑ ।।
   यत् सीम् उप श्रव॑त् गिरः ।।
   यत् सीम् उप श्रव॑द् गिरः ।।


Verse: 24 
Halfverse: a    कु॒वित्स॑स्य॒ प्र हि व्र॒जं गोम॑न्तं दस्यु॒हा गम॑त् ।
   कु॒वित्स॑स्य॒ प्र हि व्र॒जं
   कु॒वित्स॑स्य प्र हि व्र॒जम्
   कु॒वित्स॑स्य प्र हि व्र॒जं

Halfverse: b    गोम॑न्तं दस्यु॒हा गम॑त् ।
   गोम॑न्तम् दस्यु॒हा गम॑त् ।
   गोम॑न्तं दस्यु॒हा गम॑त् ।

Halfverse: c    शची॑भि॒रप॑ नो वरत् ।।
   शची॑भि॒रप॑ नो वरत् ।।
   शची॑भिः अप नः वरत् ।।
   शची॑भिर् अप नो वरत् ।।


Verse: 25 
Halfverse: a    इ॒मा उ॑ त्वा शतक्रतो॒ ऽभि प्र णो॑नुवु॒र्गिरः॑ ।
   इ॒मा उ॑ त्वा शतक्रतो
   इ॒माः उ त्वा शतक्रतो
   इ॒मा उ त्वा शतक्रतो

Halfverse: b    ऽभि प्र णो॑नुवु॒र्गिरः॑ ।
   अ॒भि प्र नो॑नुवुः गिरः ।
   अ॒भि प्र णो॑नुवुर् गिरः ।

Halfverse: c    इन्द्र॑ व॒त्सं न मा॒तरः॑ ।।
   इन्द्र॑ व॒त्सं न मा॒तरः॑ ।।
   इन्द्र व॒त्सम् न मा॒तरः ।।
   इन्द्र व॒त्सं न मा॒तरः ।।


Verse: 26 
Halfverse: a    दू॒णाशं॑ स॒ख्यं तव॒ गौर॑सि वीर गव्य॒ते ।
   दू॒णाशं॑ स॒ख्यं तव
   दू॒णाश॑म् स॒ख्यम् तव
   दू॒णाशं सखि॒यं तव

Halfverse: b    गौर॑सि वीर गव्य॒ते ।
   गौः अ॑सि वीर गव्य॒ते ।
   गौर् असि वीर गव्य॒ते ।

Halfverse: c    अश्वो॑ अश्वाय॒ते भ॑व ।।
   अश्वो॑ अश्वाय॒ते भ॑व ।।
   अश्वः अश्वाय॒ते भ॑व ।।
   अश्वो अश्वाय॒ते भ॑व ।।


Verse: 27 
Halfverse: a    स म॑न्दस्वा॒ ह्यन्ध॑सो॒ राध॑से त॒न्वा॑ म॒हे ।
   स म॑न्दस्वा॒ ह्यन्ध॑सो
   स म॑न्दस्व+ हि अन्ध॑सः
   स म॑न्दस्वा हि अन्ध॑सो

Halfverse: b    राध॑से त॒न्वा॑ म॒हे ।
   राध॑से त॒न्वा म॒हे ।
   राध॑से त॒नुवा म॒हे ।

Halfverse: c    न स्तो॒तारं॑ नि॒दे क॑रः ।।
   न स्तो॒तारं॑ नि॒दे क॑रः ।।
   न स्तो॒तार॑म् नि॒दे क॑रः ।।
   न स्तो॒तारं नि॒दे क॑रः ।।


Verse: 28 
Halfverse: a    इ॒मा उ॑ त्वा सु॒तेसु॑ते॒ नक्ष॑न्ते गिर्वणो॒ गिरः॑ ।
   इ॒मा उ॑ त्वा सु॒तेसु॑ते
   इ॒माः उ त्वा सु॒तेसु॑ते
   इ॒मा उ त्वा सु॒तेसु॑ते

Halfverse: b    नक्ष॑न्ते गिर्वणो॒ गिरः॑ ।
   नक्ष॑न्ते गिर्वणः गिरः ।
   नक्ष॑न्ते गिर्वणो गिरः ।

Halfverse: c    व॒त्सं गावो॒ न धे॒नवः॑ ।।
   व॒त्सं गावो॒ न धे॒नवः॑ ।।
   व॒त्सम् गावः न धे॒नवः ।।
   व॒त्सं गावो न धे॒नवः ।।


Verse: 29 
Halfverse: a    पु॑रू॒तम॑म्पुरू॒णां स्तो॑तॄ॒णां विवा॑चि ।
   पु॑रू॒तम॑म्पुरू॒णां
   पु॑रू॒तम॑म् पुरू॒णाम्
   पुरू॒तम॑म् पुरू॒णां

Halfverse: b    स्तो॑तॄ॒णां विवा॑चि ।
   स्तो॑तॄ॒णाम् विवा॑चि ।
   स्तो॑तॄ॒णां विवा॑चि ।

Halfverse: c    वाजे॑भिर्वाजय॒ताम् ।।
   वाजे॑भिर्वाजय॒ताम् ।।
   वाजे॑भिः वाजय॒ताम् ।।
   वाजे॑भिर् वाजय॒ताम् ।।


Verse: 30 
Halfverse: a    अ॒स्माक॑मिन्द्र भूतु ते॒ स्तोमो॒ वाहि॑ष्ठो॒ अन्त॑मः ।
   अ॒स्माक॑मिन्द्र भूतु ते
   अ॒स्माक॑म् इन्द्र भूतु ते
   अ॒स्माक॑म् इन्द्र भूतु ते

Halfverse: b    स्तोमो॒ वाहि॑ष्ठो॒ अन्त॑मः ।
   स्तोमः वाहि॑ष्ठः अन्त॑मः ।
   स्तोमो वाहि॑ष्ठो अन्त॑मः ।

Halfverse: c    अ॒स्मान्रा॒ये म॒हे हि॑नु ।।
   अ॒स्मान्रा॒ये म॒हे हि॑नु ।।
   अ॒स्मान् रा॒ये म॒हे हि॑नु ।।
   अ॒स्मान् रा॒ये म॒हे हि॑नु ।।


Verse: 31 
Halfverse: a    अधि॑ बृ॒बुः प॑णी॒नां वर्षि॑ष्ठे मू॒र्धन्न॑स्थात् ।
   अधि॑ बृ॒बुः प॑णी॒नां
   अधि बृ॒बुः प॑णी॒नाम्
   अधि बृ॒बुः प॑णी॒नाअं

Halfverse: b    वर्षि॑ष्ठे मू॒र्धन्न॑स्थात् ।
   वर्षि॑ष्ठे मू॒र्धन् अस्थात् ।
   वर्षि॑ष्ठे मू॒र्धन् अस्थाअत् ।

Halfverse: c    उ॒रुः कक्षो॒ न गा॒ङ्ग्यः ।।
   उ॒रुः कक्षो॒ न गा॒ङ्ग्यः ।।
   उ॒रुः कक्षः न गा॒ङ्ग्यः ।।
   उ॒रुः कक्षो न गा॑ङ्गि॒यः ।।


Verse: 32 
Halfverse: a    यस्य॑ वा॒योरि॑व द्र॒वद्भ॒द्रा रा॒तिः स॑ह॒स्रिणी॑ ।
   यस्य॑ वा॒योरि॑व द्र॒वद्
   यस्य वा॒योः इ॑व द्र॒वत्
   यस्य वा॒योर् इव द्र॒वद्

Halfverse: b    भ॒द्रा रा॒तिः स॑ह॒स्रिणी॑ ।
   भ॒द्रा रा॒तिः स॑ह॒स्रिणी ।
   भ॒द्रा रा॒तिः स॑ह॒स्रिणी ।

Halfverse: c    स॒द्यो दा॒नाय॒ मंह॑ते ।।
   स॒द्यो दा॒नाय॒ मंह॑ते ।।
   स॒द्यः दा॒नाय मंह॑ते ।।
   स॒द्यो दा॒नाय मंह॑ते ।।


Verse: 33 
Halfverse: a    तत्सु नो॒ विश्वे॑ अ॒र्य आ सदा॑ गृणन्ति का॒रवः॑ ।
   तत्सु नो॒ विश्वे॑ अ॒र्य आ
   तत् सु नः विश्वे अ॒र्यः आ
   तत् सु नो विश्वे अ॒र्य आ

Halfverse: b    सदा॑ गृणन्ति का॒रवः॑ ।
   सदा गृणन्ति का॒रवः ।
   सदा गृणन्ति का॒रवः ।

Halfverse: c    बृ॒बुं स॑हस्र॒दात॑मं सू॒रिं स॑हस्र॒सात॑मम् ।।
   बृ॒बुं स॑हस्र॒दात॑मं
   बृ॒बुम् सहस्र॒दात॑मम्
   बृ॒बुं स॑हस्र॒दात॑मं

Halfverse: d    सू॒रिं स॑हस्र॒सात॑मम् ।।
   सू॒रिम् सहस्र॒सात॑मम् ।।
   सू॒रिं स॑हस्र॒सात॑मम् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.