TITUS
Rg-Veda: Rg-Veda-Samhita
Part No. 487
Previous part

Hymn: 46_(487) 
Verse: 1 
Halfverse: a    त्वामिद्धि हवा॑महे सा॒ता वाज॑स्य का॒रवः॑ ।
   त्वामिद्धि हवा॑महे
   त्वाम् इत् हि हवा॑महे
   तु॒वाम् इद् धि हवा॑महे

Halfverse: b    सा॒ता वाज॑स्य का॒रवः॑ ।
   सा॒ता वाज॑स्य का॒रवः ।
   सा॒ता वाज॑स्य का॒रवः ।

Halfverse: c    त्वां वृ॒त्रेष्वि॑न्द्र॒ सत्प॑तिं॒ नर॒स्त्वां काष्ठा॒स्वर्व॑तः ।।
   त्वां वृ॒त्रेष्वि॑न्द्र॒ सत्प॑तिं॒ नर॑स्
   त्वाम् वृ॒त्रेषु इन्द्र सत्प॑तिम् नरः
   तु॒वां वृ॒त्रेषु इन्द्र सत्प॑तिं नर॑स्

Halfverse: d    त्वां काष्ठा॒स्वर्व॑तः ।।
   त्वाम् काष्ठा॑सु अर्व॑तः ।।
   तु॒वां काष्ठा॑सु अर्व॑तः ।।


Verse: 2 
Halfverse: a    स त्वं न॑श्चित्र वज्रहस्त धृष्णु॒या म॒ह स्त॑वा॒नो अ॑द्रिवः ।
   स त्वं न॑श्चित्र वज्रहस्त धृष्णु॒या
   स त्वम् नः चित्र वज्रहस्त धृष्णु॒या
   स त्वं न॑श् चित्र वज्रहस्त धृष्णु॒या

Halfverse: b    म॒ह स्त॑वा॒नो अ॑द्रिवः ।
   म॒हः स्त॑वा॒नः अ॑द्रिवः ।
   म॒ह स्त॑वा॒नो अ॑द्रिवः ।

Halfverse: c    गामश्वं॑ र॒थ्य॑मिन्द्र॒ सं कि॑र स॒त्रा वाजं॒ न जि॒ग्युषे॑ ।।
   गामश्वं॑ र॒थ्य॑मिन्द्र॒ सं कि॑र
   गाम् अश्व॑म् र॒थ्य॑म् इन्द्र सम् किर
   गाअम् अश्वं र॒थिय॑म् इन्द्र सं कि॑र

Halfverse: d    स॒त्रा वाजं॒ न जि॒ग्युषे॑ ।।
   स॒त्रा वाज॑म् न जि॒ग्युषे ।।
   स॒त्रा वाजं न जि॒ग्युषे ।।


Verse: 3 
Halfverse: a    यः स॑त्रा॒हा विच॑र्षणि॒रिन्द्रं॒ तं हू॑महे व॒यम् ।
   यः स॑त्रा॒हा विच॑र्षणिर्
   यः स॑त्रा॒हा विच॑र्षणिः
   यः स॑त्रा॒हा विच॑र्षणिर्

Halfverse: b    इन्द्रं॒ तं हू॑महे व॒यम् ।
   इन्द्र॑म् तम् हूमहे व॒यम् ।
   इन्द्रं तं हू॑महे व॒यम् ।

Halfverse: c    सह॑स्रमुष्क॒ तुवि॑नृम्ण॒ सत्प॑ते॒ भवा॑ स॒मत्सु॑ नो वृ॒धे ।।
   सह॑स्रमुष्क॒ तुवि॑नृम्ण॒ सत्प॑ते
   सह॑स्रमुष्क तुवि॑नृम्ण सत्प॑ते
   सह॑स्रमुष्क तुवि॑नृम्ण सत्प॑ते

Halfverse: d    भवा॑ स॒मत्सु॑ नो वृ॒धे ।।
   भव+ स॒मत्सु नः वृ॒धे ।।
   भवा स॒मत्सु नो वृ॒धे ।।


Verse: 4 
Halfverse: a    बाध॑से॒ जना॑न्वृष॒भेव॑ म॒न्युना॒ घृषौ॑ मी॒ऴ ऋ॑चीषम ।
   बाध॑से॒ जना॑न्वृष॒भेव॑ म॒न्युना
   बाध॑से जना॑न् वृष॒भः ! इ॑व म॒न्युना
   बाध॑से जना॑न् वृष॒भेव म॒न्युना

Halfverse: b    घृषौ॑ मी॒ऴ ऋ॑चीषम ।
   घृषौ मी॒ऴे ऋ॑चीषम ।
   घृषौ मी॒ऴ ऋ॑चीषम ।

Halfverse: c    अ॒स्माक॑म्बोध्यवि॒ता म॑हाध॒ने त॒नूष्व॒प्सु सूर्ये॑ ।।
   अ॒स्माक॑म्बोध्यवि॒ता म॑हाध॒ने
   अ॒स्माक॑म् बोधि अवि॒ता म॑हाध॒ने
   अ॒स्माक॑म् बोधि अवि॒ता म॑हाध॒ने

Halfverse: d    त॒नूष्व॒प्सु सूर्ये॑ ।।
   त॒नूषु अ॒प्सु सूर्ये ।।
   त॒नूषु अ॒प्सु सूरि॑ये ।।


Verse: 5 
Halfverse: a    इन्द्र॒ ज्येष्ठं॑ न॒ आ भ॑रँ॒ ओजि॑ष्ठ॒म्पपु॑रि॒ श्रवः॑ ।
   इन्द्र॒ ज्येष्ठं॑ न॒ आ भ॑रँ
   इन्द्र ज्येष्ठ॑म् नः आ भ॑र
   इन्द्र ज्येष्ठं न आ भ॑रँ

Halfverse: b    ओजि॑ष्ठ॒म्पपु॑रि॒ श्रवः॑ ।
   ओजि॑ष्ठम् पपु॑रि श्रवः ।
   ओजि॑ष्ठम् पपु॑रि श्रवः ।

Halfverse: c    येने॒मे चि॑त्र वज्रहस्त॒ रोद॑सी॒ ओभे सु॑शिप्र॒ प्राः ।।
   येने॒मे चि॑त्र वज्रहस्त॒ रोद॑सी
   येन इ॒मे चि॑त्र वज्रहस्त रोद॑सी
   येने॒मे चि॑त्र वज्रहस्त रोद॑सी

Halfverse: d    ओभे सु॑शिप्र॒ प्राः ।।
   आ उ॒भे सु॑शिप्र प्राः ।।
   आ उ॒भे सु॑शिप्र प्राअः ।।


Verse: 6 
Halfverse: a    त्वामु॒ग्रमव॑से चर्षणी॒सहं॒ राज॑न्दे॒वेषु॑ हूमहे ।
   त्वामु॒ग्रमव॑से चर्षणी॒सहं
   त्वाम् उ॒ग्रम् अव॑से चर्षणी॒सह॑म्
   तु॒वाम् उ॒ग्रम् अव॑से चर्षणी॒सहं

Halfverse: b    राज॑न्दे॒वेषु॑ हूमहे ।
   राज॑न् दे॒वेषु हूमहे ।
   राज॑न् दे॒वेषु हूमहे ।

Halfverse: c    विश्वा॒ सु नो॑ विथु॒रा पि॑ब्द॒ना व॑सो॒ ऽमित्रा॑न्सु॒षहा॑न्कृधि ।।
   विश्वा॒ सु नो॑ विथु॒रा पि॑ब्द॒ना व॑सो
   विश्वा सु नः विथु॒रा पि॑ब्द॒ना व॑सो
   विश्वा सु नो विथु॒रा पि॑ब्द॒ना व॑सो

Halfverse: d    ऽमित्रा॑न्सु॒षहा॑न्कृधि ।।
   अ॒मित्रा॑न् सु॒षहा॑न् कृधि ।।
   अ॒मित्रा॑न् सु॒षहा॑न् कृधि ।।


Verse: 7 
Halfverse: a    यदि॑न्द्र॒ नाहु॑षी॒ष्वाँ ओजो॑ नृ॒म्णं च॑ कृ॒ष्टिषु॑ ।
   यदि॑न्द्र॒ नाहु॑षी॒ष्वाँ
   यत् इन्द्र नाहु॑षीषु आ
   यद् इन्द्र नाहु॑षीषु आँ

Halfverse: b    ओजो॑ नृ॒म्णं च॑ कृ॒ष्टिषु॑ ।
   ओजः नृ॒म्णम् च कृ॒ष्टिषु ।
   ओजो नृ॒म्णं च कृ॒ष्टिषु ।

Halfverse: c    यद्वा॒ पञ्च॑ क्षिती॒नां द्यु॒म्नमा भ॑र स॒त्रा विश्वा॑नि॒ पौंस्या॑ ।।
   यद्वा॒ पञ्च॑ क्षिती॒नां द्यु॒म्नमा भ॑र
   यत् वा पञ्च क्षिती॒नाम् द्यु॒म्नम् आ भ॑र
   यद् वा पञ्च क्षिती॒नां द्यु॒म्नम् आ भ॑र

Halfverse: d    स॒त्रा विश्वा॑नि॒ पौंस्या॑ ।।
   स॒त्रा विश्वा॑नि पौंस्या ।।
   स॒त्रा विश्वा॑नि पौंसि॑या ।।


Verse: 8 
Halfverse: a    यद्वा॑ तृ॒क्षौ म॑घवन्द्रु॒ह्यावा जने॒ यत्पू॒रौ कच्च॒ वृष्ण्य॑म् ।
   यद्वा॑ तृ॒क्षौ म॑घवन्द्रु॒ह्यावा जने
   यत् वा तृ॒क्षौ म॑घवन् द्रु॒ह्यौ आ जने
   यद् वा तृ॒क्षौ म॑घवन् द्रु॒ह्याव् आ जने

Halfverse: b    यत्पू॒रौ कच्च॒ वृष्ण्य॑म् ।
   यत् पू॒रौ कत् च वृष्ण्य॑म् ।
   यत् पू॒रौ कच् च वृष्णि॑यम् ।

Halfverse: c    अ॒स्मभ्यं॒ तद्रि॑रीहि॒ सं नृ॒षाह्ये॒ ऽमित्रा॑न्पृ॒त्सु तु॒र्वणे॑ ।।
   अ॒स्मभ्यं॒ तद्रि॑रीहि॒ सं नृ॒षाह्ये
   अ॒स्मभ्य॑म् तत् रिरीहि सम् नृ॒षाह्ये
   अ॒स्मभ्यं तद् रिरीहि सं नृ॒षाहि॑ये

Halfverse: d    ऽमित्रा॑न्पृ॒त्सु तु॒र्वणे॑ ।।
   अ॒मित्रा॑न् पृ॒त्सु तु॒र्वणे ।।
   अ॒मित्रा॑न् पृ॒त्सु तु॒र्वणे ।।


Verse: 9 
Halfverse: a    इन्द्र॑ त्रि॒धातु॑ शर॒णं त्रि॒वरू॑थं स्वस्ति॒मत् ।
   इन्द्र॑ त्रि॒धातु॑ शर॒णं
   इन्द्र त्रि॒धातु शर॒णम्
   इन्द्र त्रि॒धातु शर॒णं

Halfverse: b    त्रि॒वरू॑थं स्वस्ति॒मत् ।
   त्रि॒वरू॑थम् स्वस्ति॒मत् ।
   त्रि॒वरू॑थं सुअस्ति॒मत् ।

Halfverse: c    छ॒र्दिर्य॑छ म॒घव॑द्भ्यश्च॒ मह्यं॑ च या॒वया॑ दि॒द्युमे॑भ्यः ।।
   छ॒र्दिर्य॑छ म॒घव॑द्भ्यश्च॒ मह्यं॑ च
   छ॒र्दिः य॑छ म॒घव॑द्भ्यः च मह्य॑म् च
   छ॒र्दिर् यछ म॒घव॑द्भ्यश् च मह्य % च

Halfverse: d    या॒वया॑ दि॒द्युमे॑भ्यः ।।
   या॒वय+ दि॒द्युम् एभ्यः ।।
   या॒वया दि॒द्युम् एभियः ।।


Verse: 10 
Halfverse: a    ये ग॑व्य॒ता मन॑सा॒ शत्रु॑माद॒भुर॑भिप्र॒घ्नन्ति॑ धृष्णु॒या ।
   ये ग॑व्य॒ता मन॑सा॒ शत्रु॑माद॒भुर्
   ये ग॑व्य॒ता मन॑सा शत्रु॑म् आद॒भुः
   ये ग॑व्य॒ता मन॑सा शत्रु॑म् आद॒भुर्

Halfverse: b    अभिप्र॒घ्नन्ति॑ धृष्णु॒या ।
   अ॑भिप्र॒घ्नन्ति धृष्णु॒या ।
   अ॑भिप्र॒घ्नन्ति धृष्णु॒या ।

Halfverse: c    अध॑ स्मा नो मघवन्निन्द्र गिर्वणस्तनू॒पा अन्त॑मो भव ।।
   अध॑ स्मा नो मघवन्निन्द्र गिर्वणस्
   अध स्म+ नः मघवन् इन्द्र गिर्वणः
   अध स्मा नो मघवन्न् इन्द्र गिर्वणस्

Halfverse: d    तनू॒पा अन्त॑मो भव ।।
   त॑नू॒पाः अन्त॑मः भव ।।
   त॑नू॒पा अन्त॑मो भव ।।


Verse: 11 
Halfverse: a    अध॑ स्मा नो वृ॒धे भ॒वेन्द्र॑ ना॒यम॑वा यु॒धि ।
   अध॑ स्मा नो वृ॒धे भ॑व
   अध स्म+ नः वृ॒धे भ॑व
   अध स्मा नो वृ॒धे भ॑व

Halfverse: b     इन्द्र॑ ना॒यम॑वा यु॒धि ।
   इन्द्र ना॒यम् अव+ यु॒धि ।
   इन्द्र ना॒यम् अवा यु॒धि ।

Halfverse: c    यद॒न्तरि॑क्षे प॒तय॑न्ति प॒र्णिनो॑ दि॒द्यव॑स्ति॒ग्ममू॑र्धानः ।।
   यद॒न्तरि॑क्षे प॒तय॑न्ति प॒र्णिनो
   यत् अ॒न्तरि॑क्षे प॒तय॑न्ति प॒र्णिनः
   यद् अ॒न्तरि॑क्षे प॒तय॑न्ति प॒र्णिनो

Halfverse: d    दि॒द्यव॑स्ति॒ग्ममू॑र्धानः ।।
   दि॒द्यवः ति॒ग्ममू॑र्धानः ।।
   दि॒द्यव॑स् ति॒ग्ममू॑र्धानः ।।


Verse: 12 
Halfverse: a    यत्र॒ शूरा॑सस्त॒न्वो॑ वितन्व॒ते प्रि॒या शर्म॑ पितॄ॒णाम् ।
   यत्र॒ शूरा॑सस्त॒न्वो॑ वितन्व॒ते
   यत्र शूरा॑सः त॒न्वः वितन्व॒ते
   यत्र शूरा॑सस् त॒नुवो वितन्व॒ते

Halfverse: b    प्रि॒या शर्म॑ पितॄ॒णाम् ।
   प्रि॒या शर्म पितॄ॒णाम् ।
   प्रि॒या शर्म पितॄ॒णाअम् ।

Halfverse: c    अध॑ स्मा यछ त॒न्वे॒ तने॑ च छ॒र्दिर॒चित्तं॑ या॒वय॒ द्वेषः॑ ।।
   अध॑ स्मा यछ त॒न्वे॒ तने॑ च छ॒र्दिर्
   अध स्म+ यछ त॒न्वे तने च छ॒र्दिः
   अध स्मा यछ त॒न्वे तने च छ॒र्दिर्

Halfverse: d    अ॒चित्तं॑ या॒वय॒ द्वेषः॑ ।।
   अ॒चित्त॑म् या॒वय द्वेषः ।।
   अ॒चित्तं या॒वय द्वेषः ।।


Verse: 13 
Halfverse: a    यदि॑न्द्र॒ सर्गे॒ अर्व॑तश्चो॒दया॑से महाध॒ने ।
   यदि॑न्द्र॒ सर्गे॒ अर्व॑तश्
   यत् इन्द्र सर्गे अर्व॑तः
   यद् इन्द्र सर्गे अर्व॑तश्

Halfverse: b    चो॒दया॑से महाध॒ने ।
   चो॒दया॑से महाध॒ने ।
   चो॒दया॑से महाध॒ने ।

Halfverse: c    अ॑सम॒ने अध्व॑नि वृजि॒ने प॒थि श्ये॒नाँ इ॑व श्रवस्य॒तः ।।
   अ॑सम॒ने अध्व॑नि वृजि॒ने प॒थि
   अ॑सम॒ने अध्व॑नि वृजि॒ने प॒थि
   अ॑सम॒ने अध्व॑नि वृजि॒ने प॒थि

Halfverse: d    श्ये॒नाँ इ॑व श्रवस्य॒तः ।।
   श्ये॒नान् इव श्रवस्य॒तः ।।
   श्ये॒नाँ इ॑व श्रवस्य॒तः ।।


Verse: 14 
Halfverse: a    सिन्धूँ॑रिव प्रव॒ण आ॑शु॒या य॒तो यदि॒ क्लोश॒मनु॒ ष्वणि॑ ।
   सिन्धूँ॑रिव प्रव॒ण आ॑शु॒या य॒तो
   सिन्धू॑न् इव प्रव॒णे आ॑शु॒या य॒तः
   सिन्धूँ॑र् इव प्रव॒ण आ॑शु॒या य॒तो

Halfverse: b    यदि॒ क्लोश॒मनु॒ ष्वणि॑ ।
   यदि क्लोश॑म् अनु स्वनि ।
   यदि क्लोश॑म् अनु ष्वणि ।

Halfverse: c    आ ये वयो॒ न वर्वृ॑त॒त्यामि॑षि गृभी॒ता बा॒ह्वोर्गवि॑ ।।
   आ ये वयो॒ न वर्वृ॑त॒त्यामि॑षि
   आ ये वयः न वर्वृ॑तति आमि॑षि
   आ ये वयो न वर्वृ॑तति आमि॑षि

Halfverse: d    गृभी॒ता बा॒ह्वोर्गवि॑ ।।
   गृ॑भी॒ताः बा॒ह्वोः गवि ।।
   गृ॑भी॒ता बा॑हु॒वोर् गवि ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.