TITUS
Rg-Veda: Rg-Veda-Samhita
Part No. 495
Previous part

Hymn: 54_(495) 
Verse: 1 
Halfverse: a    सम्पू॑षन्वि॒दुषा॑ नय॒ यो अञ्ज॑सानु॒शास॑ति ।
   सम्पू॑षन्वि॒दुषा॑ नय
   सम् पूषन् वि॒दुषा नय
   सम् पूषन् वि॒दुषा नय

Halfverse: b    यो अञ्ज॑सानु॒शास॑ति ।
   यः अञ्ज॑सा अनु॒शास॑ति ।
   यो अञ्ज॑सानु॒शास॑ति ।

Halfverse: c    य ए॒वेदमिति॒ ब्रव॑त् ।।
   य ए॒वेदमिति॒ ब्रव॑त् ।।
   यः ए॒व इ॒दम् इति ब्रव॑त् ।।
   य ए॒वेदम् इति ब्रव॑त् ।।


Verse: 2 
Halfverse: a    समु॑ पू॒ष्णा ग॑मेमहि॒ यो गृ॒हाँ अ॑भि॒शास॑ति ।
   समु॑ पू॒ष्णा ग॑मेमहि
   सम् उ पू॒ष्णा ग॑मेमहि
   सम् उ पू॒ष्णा ग॑मेमहि

Halfverse: b    यो गृ॒हाँ अ॑भि॒शास॑ति ।
   यः गृ॒हान् अभि॒शास॑ति ।
   यो गृ॒हाँ अ॑भि॒शास॑ति ।

Halfverse: c    इ॒म ए॒वेति॑ च॒ ब्रव॑त् ।।
   इ॒म ए॒वेति॑ च॒ ब्रव॑त् ।।
   इ॒मे ए॒व इति च ब्रव॑त् ।।
   इ॒म ए॒वेति च ब्रव॑त् ।।


Verse: 3 
Halfverse: a    पू॒ष्णश्च॒क्रं न रि॑ष्यति॒ न कोशो ऽव॑ पद्यते ।
   पू॒ष्णश्च॒क्रं न रि॑ष्यति
   पू॒ष्णः च॒क्रम् न रि॑ष्यति
   पू॒ष्णश् च॒क्रं न रि॑ष्यति

Halfverse: b    न कोशो ऽव॑ पद्यते ।
   न कोशः अव पद्यते ।
   न कोशो अव पद्यते ।

Halfverse: c    नो अ॑स्य व्यथते प॒विः ।।
   नो अ॑स्य व्यथते प॒विः ।।
   न उ अस्य व्यथते प॒विः ।।
   नो अ॑स्य व्यथते प॒विः ।।


Verse: 4 
Halfverse: a    यो अ॑स्मै ह॒विषावि॑ध॒न्न तम्पू॒षापि॑ मृष्यते ।
   यो अ॑स्मै ह॒विषावि॑धन्
   यः अ॑स्मै ह॒विषा अवि॑धत्
   यो अ॑स्मै ह॒विषावि॑धन्

Halfverse: b    न तम्पू॒षापि॑ मृष्यते ।
   न तम् पू॒षा अपि मृष्यते ।
   न तम् पू॒षापि मृष्यते ।

Halfverse: c    प्र॑थ॒मो वि॑न्दते॒ वसु॑ ।।
   प्र॑थ॒मो वि॑न्दते॒ वसु॑ ।।
   प्र॑थ॒मः वि॑न्दते वसु ।।
   प्र॑थ॒मो वि॑न्दते वसु ।।


Verse: 5 
Halfverse: a    पू॒षा गा अन्वे॑तु नः पू॒षा र॑क्ष॒त्वर्व॑तः ।
   पू॒षा गा अन्वे॑तु नः
   पू॒षा गाः अनु एतु नः
   पू॒षा गा अनु एतु नः

Halfverse: b    पू॒षा ।!। र॑क्ष॒त्वर्व॑तः ।
   पू॒षा र॑क्षतु अर्व॑तः ।
   पू॒षा र॑क्षतु अर्व॑तः ।

Halfverse: c    पू॒षा वाजं॑ सनोतु नः ।।
   पू॒षा वाजं॑ सनोतु नः ।।
   पू॒षा वाज॑म् सनोतु नः ।।
   पू॒षा वाजं सनोतु नः ।।


Verse: 6 
Halfverse: a    पूष॒न्ननु॒ प्र गा इ॑हि॒ यज॑मानस्य सुन्व॒तः ।
   पूष॒न्ननु॒ प्र गा इ॑हि
   पूष॑न् अनु प्र गाः इ॑हि
   पूष॑न्न् अनु प्र गा इ॑हि

Halfverse: b    यज॑मानस्य सुन्व॒तः ।
   यज॑मानस्य सुन्व॒तः ।
   यज॑मानस्य सुन्व॒तः ।

Halfverse: c    अ॒स्माकं॑ स्तुव॒तामु॒त ।।
   अ॒स्माकं॑ स्तुव॒तामु॒त ।।
   अ॒स्माक॑म् स्तुव॒ताम् उ॒त ।।
   अ॒स्माकं स्तुव॒ताम् उ॒त ।।


Verse: 7 
Halfverse: a    माकि॑र्नेश॒न्माकीं॑ रिष॒न्माकीं॒ सं शा॑रि॒ केव॑टे ।
   माकि॑र्नेश॒न्माकीं॑ रिषन्
   माकिः नेशत् माकी॑म् रिषत्
   माकि॑र् नेशन् माकीं रिषन्

Halfverse: b    माकीं॒ सं शा॑रि॒ केव॑टे ।
   माकी॑म् सम् शारि केव॑टे ।
   माकीं सं शा॑रि केव॑टे ।

Halfverse: c    अथारि॑ष्टाभि॒रा ग॑हि ।।
   अथारि॑ष्टाभि॒रा ग॑हि ।।
   अथ अरि॑ष्टाभिः आ ग॑हि ।।
   अथारि॑ष्टाभिर् आ ग॑हि ।।


Verse: 8 
Halfverse: a    शृ॒ण्वन्त॑म्पू॒षणं॑ व॒यमिर्य॒मन॑ष्टवेदसम् ।
   शृ॒ण्वन्त॑म्पू॒षणं॑ व॒यम्
   शृ॒ण्वन्त॑म् पू॒षण॑म् व॒यम्
   शृ॒ण्वन्त॑म् पू॒षणं व॒यम्

Halfverse: b    इर्य॒मन॑ष्टवेदसम् ।
   इर्य॑म् अन॑ष्टवेदसम् ।
   इर्य॑म् अन॑ष्टवेदसम् ।

Halfverse: c    ईशा॑नं रा॒य ई॑महे ।।
   ईशा॑नं रा॒य ई॑महे ।।
   ईशा॑नम् रा॒यः ई॑महे ।।
   ईशा॑नं रा॒य ई॑महे ।।


Verse: 9 
Halfverse: a    पूष॒न्तव॑ व्र॒ते व॒यं न रि॑ष्येम॒ कदा॑ च॒न ।
   पूष॒न्तव॑ व्र॒ते व॒यं
   पूष॑न् तव व्र॒ते व॒यम्
   पूष॑न् तव व्र॒ते व॒यं

Halfverse: b    न रि॑ष्येम॒ कदा॑ च॒न ।
   न रि॑ष्येम कदा च॒न ।
   न रि॑ष्येम कदा च॒न ।

Halfverse: c    स्तो॒तार॑स्त इ॒ह स्म॑सि ।।
   स्तो॒तार॑स्त इ॒ह स्म॑सि ।।
   स्तो॒तारः ते इ॒ह स्म॑सि ।।
   स्तो॒तार॑स् त इ॒ह स्म॑सि ।।


Verse: 10 
Halfverse: a    परि॑ पू॒षा प॒रस्ता॒द्धस्तं॑ दधातु॒ दक्षि॑णम् ।
   परि॑ पू॒षा प॒रस्ता॑द्
   परि पू॒षा प॒रस्ता॑त्
   परि पू॒षा प॒रस्ताअ॑द्

Halfverse: b    धस्तं॑ दधातु॒ दक्षि॑णम् ।
   हस्त॑म् दधातु दक्षि॑णम् ।
   धस्तं दधातु दक्षि॑णम् ।

Halfverse: c    पुन॑र्नो न॒ष्टमाज॑तु ।।
   पुन॑र्नो न॒ष्टमाज॑तु ।।
   पुन॑र् नः न॒ष्टम् आ अ॑जतु ।।
   पुन॑र् नो न॒ष्टम् आज॑तु ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.