TITUS
Rg-Veda: Rg-Veda-Samhita
Part No. 732
Previous part

Hymn: 9_(721) 
Verse: 1 
Halfverse: a    परि॑ प्रि॒या दि॒वः क॒विर्वयां॑सि न॒प्त्यो॑र्हि॒तः ।
   परि॑ प्रि॒या दि॒वः क॒विर्
   परि प्रि॒या दि॒वः क॒विः
   परि प्रि॒या दि॒वः क॒विर्

Halfverse: b    वयां॑सि न॒प्त्यो॑र्हि॒तः ।
   वयां॑सि न॒प्त्योः हि॒तः ।
   वयां॑सि न॒प्तियो॑र् हि॒तः ।

Halfverse: c    सु॑वा॒नो या॑ति क॒विक्र॑तुः ।।
   सु॑वा॒नो या॑ति क॒विक्र॑तुः ।।
   सु॑वा॒नः या॑ति क॒विक्र॑तुः ।।
   स्वा॒नो % या॑ति क॒विक्र॑तुः ।।


Verse: 2 
Halfverse: a    प्रप्र॒ क्षया॑य॒ पन्य॑से॒ जना॑य॒ जुष्टो॑ अ॒द्रुहे॑ ।
   प्रप्र॒ क्षया॑य॒ पन्य॑से
   प्रप्र क्षया॑य पन्य॑से
   प्रप्र क्षया॑य पन्य॑से

Halfverse: b    जना॑य॒ जुष्टो॑ अ॒द्रुहे॑ ।
   जना॑य जुष्टः अ॒द्रुहे ।
   जना॑य जुष्टो अ॒द्रुहे ।

Halfverse: c    वी॒त्य॑र्ष॒ चनि॑ष्ठया ।।
   वी॒त्य॑र्ष॒ चनि॑ष्ठया ।।
   वी॒ती अ॑र्ष चनि॑ष्ठया ।।
   वी॒ती अ॑र्ष चनि॑ष्ठया ।।


Verse: 3 
Halfverse: a    स सू॒नुर्मा॒तरा॒ शुचि॑र्जा॒तो जा॒ते अ॑रोचयत् ।
   स सू॒नुर्मा॒तरा॒ शुचि॑र्
   स सू॒नुः मा॒तरा शुचिः
   स सू॒नुर् मा॒तरा शुचि॑र्

Halfverse: b    जा॒तो जा॒ते अ॑रोचयत् ।
   जा॒तः जा॒ते अ॑रोचयत् ।
   जा॒तो जा॒ते अ॑रोचयत् ।

Halfverse: c    म॒हान्म॒ही ऋ॑ता॒वृधा॑ ।।
   म॒हान्म॒ही ऋ॑ता॒वृधा॑ ।।
   म॒हान् म॒ही ऋ॑ता॒वृधा ।।
   म॒हान् म॒ही ऋ॑ता॒वृधा ।।


Verse: 4 
Halfverse: a    स स॒प्त धी॒तिभि॑र्हि॒तो न॒द्यो॑ अजिन्वद॒द्रुहः॑ ।
   स स॒प्त धी॒तिभि॑र्हि॒तो
   स स॒प्त धी॒तिभिः हि॒तः
   स स॒प्त धी॒तिभि॑र् हि॒तो

Halfverse: b    न॒द्यो॑ अजिन्वद॒द्रुहः॑ ।
   न॒द्यः अजिन्वत् अ॒द्रुहः ।
   न॒द्यो अजिन्वद् अ॒द्रुहः ।

Halfverse: c    या एक॒मक्षि॑ वावृ॒धुः ।।
   या एक॒मक्षि॑ वावृ॒धुः ।।
   याः एक॑म् अक्षि वावृ॒धुः ।।
   या एक॑म् अक्षि वावृ॒धुः ।।


Verse: 5 
Halfverse: a    ता अ॒भि सन्त॒मस्तृ॑तम्म॒हे युवा॑न॒मा द॑धुः ।
   ता अ॒भि सन्त॒मस्तृ॑तम्
   ताः अ॒भि सन्त॑म् अस्तृ॑तम्
   ता अ॒भि सन्त॑म् अस्तृ॑तम्

Halfverse: b    म॒हे युवा॑न॒मा द॑धुः ।
   म॒हे युवा॑नम् आ द॑धुः ।
   म॒हे युवा॑नम् आ द॑धुः ।

Halfverse: c    इन्दु॑मिन्द्र॒ तव॑ व्र॒ते ।।
   इन्दु॑मिन्द्र॒ तव॑ व्र॒ते ।।
   इन्दु॑म् इन्द्र तव व्र॒ते ।।
   इन्दु॑म् इन्द्र तव व्र॒ते ।।


Verse: 6 
Halfverse: a    अ॒भि वह्नि॒रम॑र्त्यः स॒प्त प॑श्यति॒ वाव॑हिः ।
   अ॒भि वह्नि॒रम॑र्त्यः
   अ॒भि वह्निः अम॑र्त्यः
   अ॒भि वह्नि॑र् अम॑र्तियः

Halfverse: b    स॒प्त प॑श्यति॒ वाव॑हिः ।
   स॒प्त प॑श्यति वाव॑हिः ।
   स॒प्त प॑श्यति वाव॑हिः ।

Halfverse: c    क्रिवि॑र्दे॒वीर॑तर्पयत् ।।
   क्रिवि॑र्दे॒वीर॑तर्पयत् ।।
   क्रिविः दे॒वीः अ॑तर्पयत् ।।
   क्रिवि॑र् दे॒वीर् अतर्पयत् ।।


Verse: 7 
Halfverse: a    अवा॒ कल्पे॑षु नः पुम॒स्तमां॑सि सोम॒ योध्या॑ ।
   अवा॒ कल्पे॑षु नः पुमस्
   अव+ कल्पे॑षु नः पुमः
   अवा कल्पे॑षु नः पुमस्

Halfverse: b    तमां॑सि सोम॒ योध्या॑ ।
   तमां॑सि सोम योध्या ।
   तमां॑सि सोम योधि॑या ।

Halfverse: c    तानि॑ पुनान जङ्घनः ।।
   तानि॑ पुनान जङ्घनः ।।
   तानि पुनान जङ्घनः ।।
   तानि पुनान जङ्घनः ।।


Verse: 8 
Halfverse: a    नू नव्य॑से॒ नवी॑यसे सू॒क्ताय॑ साधया प॒थः ।
   नू नव्य॑से॒ नवी॑यसे
   नु+ नव्य॑से नवी॑यसे
   नू नव्य॑से नवी॑यसे

Halfverse: b    सू॒क्ताय॑ साधया प॒थः ।
   सू॒क्ताय साधय+ प॒थः ।
   सू॒क्ताय साधया प॒थः ।

Halfverse: c    प्र॑त्न॒वद्रो॑चया॒ रुचः॑ ।।
   प्र॑त्न॒वद्रो॑चया॒ रुचः॑ ।।
   प्र॑त्न॒वत् रोचय+ रुचः ।।
   प्र॑त्न॒वद् रोचया रुचः ।।


Verse: 9 
Halfverse: a    पव॑मान॒ महि॒ श्रवो॒ गामश्वं॑ रासि वी॒रव॑त् ।
   पव॑मान॒ महि॒ श्रवो
   पव॑मान महि श्रवः
   पव॑मान महि श्रवो

Halfverse: b    गामश्वं॑ रासि वी॒रव॑त् ।
   गाम् अश्व॑म् रासि वी॒रव॑त् ।
   गाम् अश्वं रासि वी॒रव॑त् ।

Halfverse: c    सना॑ मे॒धां सना॒ स्वः॑ ।।
   सना॑ मे॒धां सना॒ स्वः॑ ।।
   सन+ मे॒धाम् सन+ स्व॑र् ।।
   सना मे॒धां सना सुवः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.