TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 733

Hymn: 10_(722)
Verse: 1
Halfverse: a    प्र स्वा॒नासो॒ रथा॑ इ॒वार्व॑न्तो॒ न श्र॑व॒स्यवः॑ ।
   प्र स्वा॒नासो॒ रथा॑ इव
   प्र स्वा॒नासः रथाः इव
   प्र स्वा॒नासो रथा इव

Halfverse: b     अर्व॑न्तो॒ न श्र॑व॒स्यवः॑ ।
   अर्व॑न्तः न श्र॑व॒स्यवः ।
   अर्व॑न्तो न श्र॑व॒स्यवः ।

Halfverse: c    सोमा॑सो रा॒ये अ॑क्रमुः ।।
   सोमा॑सो रा॒ये अ॑क्रमुः ।।
   सोमा॑सः रा॒ये अ॑क्रमुः ।।
   सोमा॑सो रा॒ये अ॑क्रमुः ।।

Verse: 2
Halfverse: a    हि॑न्वा॒नासो॒ रथा॑ इव दधन्वि॒रे गभ॑स्त्योः ।
   हि॑न्वा॒नासो॒ रथा॑ इव
   हिन्वा॒नासः रथाः इव
   हिन्वा॒नासो रथा इव

Halfverse: b    दधन्वि॒रे गभ॑स्त्योः ।
   द॑धन्वि॒रे गभ॑स्त्योः ।
   द॑धन्वि॒रे गभ॑स्तियोः ।

Halfverse: c    भरा॑सः का॒रिणा॑मिव ।।
   भरा॑सः का॒रिणा॑मिव ।।
   भरा॑सः का॒रिणा॑म् इव ।।
   भरा॑सः का॒रिणा॑म् इव ।।

Verse: 3
Halfverse: a    राजा॑नो॒ न प्रश॑स्तिभिः॒ सोमा॑सो॒ गोभि॑रञ्जते ।
   राजा॑नो॒ न प्रश॑स्तिभिः
   राजा॑नः न प्रश॑स्तिभिः
   राजा॑नो न प्रश॑स्तिभिः

Halfverse: b    सोमा॑सो॒ गोभि॑रञ्जते ।
   सोमा॑सः गोभिः अञ्जते ।
   सोमा॑सो गोभि॑र् अञ्जते ।

Halfverse: c    य॒ज्ञो न स॒प्त धा॒तृभिः॑ ।।
   य॒ज्ञो न स॒प्त धा॒तृभिः॑ ।।
   य॒ज्ञः न स॒प्त धा॒तृभिः ।।
   य॒ज्ञो न स॒प्त धा॒तृभिः ।।

Verse: 4
Halfverse: a    परि॑ सुवा॒नास॒ इन्द॑वो॒ मदा॑य ब॒र्हणा॑ गि॒रा ।
   परि॑ सुवा॒नास॒ इन्द॑वो
   परि सुवा॒नासः इन्द॑वः
   परि स्वा॒नास % इन्द॑वो

Halfverse: b    मदा॑य ब॒र्हणा॑ गि॒रा ।
   मदा॑य ब॒र्हणा गि॒रा ।
   मदा॑य ब॒र्हणा गि॒रा ।

Halfverse: c    सु॒ता अ॑र्षन्ति॒ धार॑या ।।
   सु॒ता अ॑र्षन्ति॒ धार॑या ।।
   सु॒ताः अ॑र्षन्ति धार॑या ।।
   सु॒ता अ॑र्षन्ति धार॑या ।।

Verse: 5
Halfverse: a    आ॑पा॒नासो॑ वि॒वस्व॑तो॒ जन॑न्त उ॒षसो॒ भग॑म् ।
   आ॑पा॒नासो॑ वि॒वस्व॑तो
   आपा॒नासः वि॒वस्व॑तः
   आपा॒नासो वि॒वस्व॑तो

Halfverse: b    जन॑न्त उ॒षसो॒ भग॑म् ।
   जन॑न्तः उ॒षसः भग॑म् ।
   जन॑न्त उ॒षसो भग॑म् ।

Halfverse: c    सूरा॒ अण्वं॒ वि त॑न्वते ।।
   सूरा॒ अण्वं॒ वि त॑न्वते ।।
   सूराः अण्व॑म् वि त॑न्वते ।।
   सूरा अण्वं वि त॑न्वते ।।

Verse: 6
Halfverse: a    अप॒ द्वारा॑ मती॒नाम्प्र॒त्ना ऋ॑ण्वन्ति का॒रवः॑ ।
   अप॒ द्वारा॑ मती॒नाम्
   अप द्वारा मती॒नाम्
   अप द्वारा मती॒नाअम्

Halfverse: b    प्र॒त्ना ऋ॑ण्वन्ति का॒रवः॑ ।
   प्र॒त्नाः ऋ॑ण्वन्ति का॒रवः ।
   प्र॒त्ना ऋ॑ण्वन्ति का॒रवः ।

Halfverse: c    वृष्णो॒ हर॑स आ॒यवः॑ ।।
   वृष्णो॒ हर॑स आ॒यवः॑ ।।
   वृष्णः हर॑से आ॒यवः ।।
   वृष्णो हर॑स आ॒यवः ।।

Verse: 7
Halfverse: a    स॑मीची॒नास॑ आसते॒ होता॑रः स॒प्तजा॑मयः ।
   स॑मीची॒नास॑ आसते
   समीची॒नासः आसते
   समीची॒नास आसते

Halfverse: b    होता॑रः स॒प्तजा॑मयः ।
   होता॑रः स॒प्तजा॑मयः ।
   होता॑रः स॒प्तजा॑मयः ।

Halfverse: c    प॒दमेक॑स्य॒ पिप्र॑तः ।।
   प॒दमेक॑स्य॒ पिप्र॑तः ।।
   प॒दम् एक॑स्य पिप्र॑तः ।।
   प॒दम् एक॑स्य पिप्र॑तः ।।

Verse: 8
Halfverse: a    नाभा॒ नाभिं॑ न॒ आ द॑दे॒ चक्षु॑श्चि॒त्सूर्ये॒ सचा॑ ।
   नाभा॒ नाभिं॑ न॒ आ द॑दे
   नाभा नाभि॑म् नः आ द॑दे
   नाभा नाभिं न आ द॑दे

Halfverse: b    चक्षु॑श्चि॒त्सूर्ये॒ सचा॑ ।
   चक्षुः चित् सूर्ये सचा ।
   चक्षु॑श् चित् सूरि॑ये सचा ।

Halfverse: c    क॒वेरप॑त्य॒मा दु॑हे ।।
   क॒वेरप॑त्य॒मा दु॑हे ।।
   क॒वेः अप॑त्यम् आ दु॑हे ।।
   क॒वेर् अप॑त्यम् आ दु॑हे ।।

Verse: 9
Halfverse: a    अ॒भि प्रि॒या दि॒वस्प॒दम॑ध्व॒र्युभि॒र्गुहा॑ हि॒तम् ।
   अ॒भि प्रि॒या दि॒वस्प॒दम्
   अ॒भि प्रि॒या दि॒वः प॒दम्
   अ॒भि प्रि॒या दि॒वस् प॒दम्

Halfverse: b    अध्व॒र्युभि॒र्गुहा॑ हि॒तम् ।
   अ॑ध्व॒र्युभिः गुहा हि॒तम् ।
   अ॑ध्व॒र्युभि॑र् गुहा हि॒तम् ।

Halfverse: c    सूरः॑ पश्यति॒ चक्ष॑सा ।।
   सूरः॑ पश्यति॒ चक्ष॑सा ।।
   सूरः पश्यति चक्ष॑सा ।।
   सूरः पश्यति चक्ष॑सा ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.