TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 734

Hymn: 11_(723)
Verse: 1
Halfverse: a    उपा॑स्मै गायता नरः॒ पव॑माना॒येन्द॑वे ।
   उपा॑स्मै गायता नरः
   उप अस्मै गायत+ नरः
   उपा॑स्मै गायता नरः

Halfverse: b    पव॑माना॒येन्द॑वे ।
   पव॑मानाय इन्द॑वे ।
   पव॑मानाय इन्द॑वे ।

Halfverse: c    अ॒भि दे॒वाँ इय॑क्षते ।।
   अ॒भि दे॒वाँ इय॑क्षते ।।
   अ॒भि दे॒वान् इय॑क्षते ।।
   अ॒भि दे॒वाँ इय॑क्षते ।।

Verse: 2
Halfverse: a    अ॒भि ते॒ मधु॑ना॒ पयो ऽथ॑र्वाणो अशिश्रयुः ।
   अ॒भि ते॒ मधु॑ना॒ पयो
   अ॒भि ते मधु॑ना पयः
   अ॒भि ते मधु॑ना पयो

Halfverse: b    ऽथर्वाणो अशिश्रयुः ।
   अथ॑र्वाणः अशिश्रयुः ।
   अथ॑र्वाणो अशिश्रयुः ।

Halfverse: c    दे॒वं दे॒वाय॑ देव॒यु ।।
   दे॒वं दे॒वाय॑ देव॒यु ।।
   दे॒वम् दे॒वाय देव॒यु ।।
   दे॒वं दे॒वाय देव॒यु ।।

Verse: 3
Halfverse: a    स नः॑ पवस्व॒ शं गवे॒ शं जना॑य॒ शमर्व॑ते ।
   स नः॑ पवस्व॒ शं गवे
   स नः पवस्व शम् गवे
   स नः पवस्व शं गवे

Halfverse: b    शं जना॑य॒ शमर्व॑ते ।
   शम् जना॑य शम् अर्व॑ते ।
   शं जना॑य शम् अर्व॑ते ।

Halfverse: c    शं रा॑ज॒न्नोष॑धीभ्यः ।।
   शं रा॑ज॒न्नोष॑धीभ्यः ।।
   शम् राजन् ओष॑धीभ्यः ।।
   शं रा॑जन्न् ओष॑धीभियः ।।

Verse: 4
Halfverse: a    ब॒भ्रवे॒ नु स्वत॑वसे ऽरु॒णाय॑ दिवि॒स्पृशे॑ ।
   ब॒भ्रवे॒ नु स्वत॑वसे
   ब॒भ्रवे नु स्वत॑वसे
   ब॒भ्रवे नु स्वत॑वसे

Halfverse: b    ऽरु॒णाय॑ दिवि॒स्पृशे॑ ।
   अ॑रु॒णाय दिवि॒स्पृशे ।
   अ॑रु॒णाय दिवि॒स्पृशे ।

Halfverse: c    सोमा॑य गा॒थम॑र्चत ।।
   सोमा॑य गा॒थम॑र्चत ।।
   सोमा॑य गा॒थम् अर्चत ।।
   सोमा॑य गा॒थम् अर्चत ।।

Verse: 5
Halfverse: a    हस्त॑च्युतेभि॒रद्रि॑भिः सु॒तं सोम॑म्पुनीतन ।
   हस्त॑च्युतेभि॒रद्रि॑भिः
   हस्त॑च्युतेभिः अद्रि॑भिः
   हस्त॑च्युतेभिर् अद्रि॑भिः

Halfverse: b    सु॒तं सोम॑म्पुनीतन ।
   सु॒तम् सोम॑म् पुनीतन ।
   सु॒तं सोम॑म् पुनीतन ।

Halfverse: c    मधा॒वा धा॑वता॒ मधु॑ ।।
   मधा॒वा धा॑वता॒ मधु॑ ।।
   मधौ आ धा॑वत+ मधु ।।
   मधा॑व् आ धा॑वता मधु ।।

Verse: 6
Halfverse: a    नम॒सेदुप॑ सीदत द॒ध्नेद॒भि श्री॑णीतन ।
   नम॒सेदुप॑ सीदत
   नम॑सा इत् उप सीदत
   नम॒सेद् उप सीदत

Halfverse: b    द॒ध्नेद॒भि श्री॑णीतन ।
   द॒ध्ना इत् अ॒भि श्री॑णीतन ।
   द॒ध्नेद् अ॒भि श्रि॑णीतन % ।

Halfverse: c    इन्दु॒मिन्द्रे॑ दधातन ।।
   इन्दु॒मिन्द्रे॑ दधातन ।।
   इन्दु॑म् इन्द्रे दधातन ।।
   इन्दु॑म् इन्द्रे दधातन ।।

Verse: 7
Halfverse: a    अ॑मित्र॒हा विच॑र्षणिः॒ पव॑स्व सोम॒ शं गवे॑ ।
   अ॑मित्र॒हा विच॑र्षणिः
   अमित्र॒हा विच॑र्षणिः
   अमित्र॒हा विच॑र्षणिः

Halfverse: b    पव॑स्व सोम॒ शं गवे॑ ।
   पव॑स्व सोम शम् गवे ।
   पव॑स्व सोम शं गवे ।

Halfverse: c    दे॒वेभ्यो॑ अनुकाम॒कृत् ।।
   दे॒वेभ्यो॑ अनुकाम॒कृत् ।।
   दे॒वेभ्यः अनुकाम॒कृत् ।।
   दे॒वेभ्यो अनुकाम॒कृत् ।।

Verse: 8
Halfverse: a    इन्द्रा॑य सोम॒ पात॑वे॒ मदा॑य॒ परि॑ षिच्यसे ।
   इन्द्रा॑य सोम॒ पात॑वे
   इन्द्रा॑य सोम पात॑वे
   इन्द्रा॑य सोम पात॑वे

Halfverse: b    मदा॑य॒ परि॑ षिच्यसे ।
   मदा॑य परि सिच्यसे ।
   मदा॑य परि षिच्यसे ।

Halfverse: c    म॑न॒श्चिन्मन॑स॒स्पतिः॑ ।।
   म॑न॒श्चिन्मन॑स॒स्पतिः॑ ।।
   म॑न॒श्चित् मन॑सः पतिः ।।
   म॑न॒श्चिन् मन॑सस् पतिः ।।

Verse: 9
Halfverse: a    पव॑मान सु॒वीर्यं॑ र॒यिं सो॑म रिरीहि नः ।
   पव॑मान सु॒वीर्यं
   पव॑मान सु॒वीर्य॑म्
   पव॑मान सु॒वीरि॑यं

Halfverse: b    र॒यिं सो॑म रिरीहि नः ।
   र॒यिम् सोम रिरीहि नः ।
   र॒यिं सो॑म रिरीहि नः ।

Halfverse: c    इन्द॒विन्द्रे॑ण नो यु॒जा ।।
   इन्द॒विन्द्रे॑ण नो यु॒जा ।।
   इन्दो इन्द्रे॑ण नः यु॒जा ।।
   इन्द॑व् इन्द्रे॑ण नो यु॒जा ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.