TITUS
Rg-Veda: Rg-Veda-Samhita
Part No. 735
Previous part

Hymn: 12_(724) 
Verse: 1 
Halfverse: a    सोमा॑ असृग्र॒मिन्द॑वः सु॒ता ऋ॒तस्य॒ साद॑ने ।
   सोमा॑ असृग्र॒मिन्द॑वः
   सोमाः असृग्रम् इन्द॑वः
   सोमा असृग्रम् इन्द॑वः

Halfverse: b    सु॒ता ऋ॒तस्य॒ साद॑ने ।
   सु॒ताः ऋ॒तस्य साद॑ने ।
   सु॒ता ऋ॒तस्य साद॑ने ।

Halfverse: c    इन्द्रा॑य॒ मधु॑मत्तमाः ।।
   इन्द्रा॑य॒ मधु॑मत्तमाः ।।
   इन्द्रा॑य मधु॑मत्तमाः ।।
   इन्द्रा॑य मधु॑मत्तमाः ।।


Verse: 2 
Halfverse: a    अ॒भि विप्रा॑ अनूषत॒ गावो॑ व॒त्सं न मा॒तरः॑ ।
   अ॒भि विप्रा॑ अनूषत
   अ॒भि विप्राः अनूषत
   अ॒भि विप्रा अनूषत

Halfverse: b    गावो॑ व॒त्सं न मा॒तरः॑ ।
   गावः व॒त्सम् न मा॒तरः ।
   गावो व॒त्सं न मा॒तरः ।

Halfverse: c    इन्द्रं॒ सोम॑स्य पी॒तये॑ ।।
   इन्द्रं॒ सोम॑स्य पी॒तये॑ ।।
   इन्द्र॑म् सोम॑स्य पी॒तये ।।
   इन्द्रं सोम॑स्य पी॒तये ।।


Verse: 3 
Halfverse: a    म॑द॒च्युत्क्षे॑ति॒ साद॑ने॒ सिन्धो॑रू॒र्मा वि॑प॒श्चित् ।
   म॑द॒च्युत्क्षे॑ति॒ साद॑ने
   मद॒च्युत् क्षेति साद॑ने
   मद॒च्युत् क्षेति साद॑ने

Halfverse: b    सिन्धो॑रू॒र्मा वि॑प॒श्चित् ।
   सिन्धोः ऊ॒र्मा वि॑प॒श्चित् ।
   सिन्धो॑र् ऊ॒र्मा वि॑प॒श्चित् ।

Halfverse: c    सोमो॑ गौ॒री अधि॑ श्रि॒तः ।।
   सोमो॑ गौ॒री अधि॑ श्रि॒तः ।।
   सोमः गौ॒री अधि श्रि॒तः ।।
   सोमो गौ॒री अधि श्रि॒तः ।।


Verse: 4 
Halfverse: a    दि॒वो नाभा॑ विचक्ष॒णो ऽव्यो॒ वारे॑ महीयते ।
   दि॒वो नाभा॑ विचक्ष॒णो
   दि॒वः नाभा विचक्ष॒णः
   दि॒वो नाभा विचक्ष॒णो

Halfverse: b    ऽव्यो॒ वारे॑ महीयते ।
   अव्यः वारे महीयते ।
   अव्यो वारे महीयते ।

Halfverse: c    सोमो॒ यः सु॒क्रतुः॑ क॒विः ।।
   सोमो॒ यः सु॒क्रतुः॑ क॒विः ।।
   सोमः यः सु॒क्रतुः क॒विः ।।
   सोमो यः सु॒क्रतुः क॒विः ।।


Verse: 5 
Halfverse: a    यः सोमः॑ क॒लशे॒ष्वाँ अ॒न्तः प॒वित्र॒ आहि॑तः ।
   यः सोमः॑ क॒लशे॒ष्वाँ
   यः सोमः क॒लशे॑षु आ
   यः सोमः क॒लशे॑षु आँ

Halfverse: b    अ॒न्तः प॒वित्र॒ आहि॑तः ।
   अ॒न्तर् प॒वित्रे आहि॑तः ।
   अ॒न्तः प॒वित्र आहि॑तः ।

Halfverse: c    तमिन्दुः॒ परि॑ षस्वजे ।।
   तमिन्दुः॒ परि॑ षस्वजे ।।
   तम् इन्दुः परि सस्वजे ।।
   तम् इन्दुः परि षस्वजे ।।


Verse: 6 
Halfverse: a    प्र वाच॒मिन्दु॑रिष्यति समु॒द्रस्याधि॑ वि॒ष्टपि॑ ।
   प्र वाच॒मिन्दु॑रिष्यति
   प्र वाच॑म् इन्दुः इष्यति
   प्र वाच॑म् इन्दु॑र् इष्यति

Halfverse: b    समु॒द्रस्याधि॑ वि॒ष्टपि॑ ।
   स॑मु॒द्रस्य अधि वि॒ष्टपि ।
   स॑मु॒द्रस्याधि वि॒ष्टपि ।

Halfverse: c    जिन्व॒न्कोश॑म्मधु॒श्चुत॑म् ।।
   जिन्व॒न्कोश॑म्मधु॒श्चुत॑म् ।।
   जिन्व॑न् कोश॑म् मधु॒श्चुत॑म् ।।
   जिन्व॑न् कोश॑म् मधु॒श्चुत॑म् ।।


Verse: 7 
Halfverse: a    नित्य॑स्तोत्रो॒ वन॒स्पति॑र्धी॒नाम॒न्तः स॑ब॒र्दुघः॑ ।
   नित्य॑स्तोत्रो॒ वन॒स्पति॑र्
   नित्य॑स्तोत्रः वन॒स्पतिः
   नित्य॑स्तोत्रो वन॒स्पति॑र्

Halfverse: b    धी॒नाम॒न्तः स॑ब॒र्दुघः॑ ।
   धी॒नाम् अ॒न्तर् सब॒र्दुघः ।
   धी॒नाम् अ॒न्तः स॑ब॒र्दुघः ।

Halfverse: c    हि॑न्वा॒नो मानु॑षा यु॒गा ।।
   हि॑न्वा॒नो मानु॑षा यु॒गा ।।
   हि॑न्वा॒नः मानु॑षा यु॒गा ।।
   हि॑न्वा॒नो मानु॑षा यु॒गा ।।


Verse: 8 
Halfverse: a    अ॒भि प्रि॒या दि॒वस्प॒दा सोमो॑ हिन्वा॒नो अ॑र्षति ।
   अ॒भि प्रि॒या दि॒वस्प॒दा
   अ॒भि प्रि॒या दि॒वः प॒दा
   अ॒भि प्रि॒या दि॒वस् प॒दा

Halfverse: b    सोमो॑ हिन्वा॒नो अ॑र्षति ।
   सोमः हिन्वा॒नः अ॑र्षति ।
   सोमो हिन्वा॒नो अ॑र्षति ।

Halfverse: c    विप्र॑स्य॒ धार॑या क॒विः ।।
   विप्र॑स्य॒ धार॑या क॒विः ।।
   विप्र॑स्य धार॑या क॒विः ।।
   विप्र॑स्य धार॑या क॒विः ।।


Verse: 9 
Halfverse: a    आ प॑वमान धारय र॒यिं स॒हस्र॑वर्चसम् ।
   आ प॑वमान धारय
   आ प॑वमान धारय
   आ प॑वमान धारय

Halfverse: b    र॒यिं स॒हस्र॑वर्चसम् ।
   र॒यिम् स॒हस्र॑वर्चसम् ।
   र॒यिं स॒हस्र॑वर्चसम् ।

Halfverse: c    अ॒स्मे इ॑न्दो स्वा॒भुव॑म् ।।
   अ॒स्मे इ॑न्दो स्वा॒भुव॑म् ।।
   अ॒स्मे इ॑न्दो स्वा॒भुव॑म् ।।
   अ॒स्मे इ॑न्दो सुआ॒भुव॑म् ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.