TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 736

Hymn: 13_(725)
Verse: 1
Halfverse: a    सोमः॑ पुना॒नो अ॑र्षति स॒हस्र॑धारो॒ अत्य॑विः ।
   सोमः॑ पुना॒नो अ॑र्षति
   सोमः पुना॒नः अ॑र्षति
   सोमः पुना॒नो अ॑र्षति

Halfverse: b    स॒हस्र॑धारो॒ अत्य॑विः ।
   स॒हस्र॑धारः अत्य॑विः ।
   स॒हस्र॑धारो अत्य॑विः ।

Halfverse: c    वा॒योरिन्द्र॑स्य निष्कृ॒तम् ।।
   वा॒योरिन्द्र॑स्य निष्कृ॒तम् ।।
   वा॒योः इन्द्र॑स्य निष्कृ॒तम् ।।
   वा॒योर् इन्द्र॑स्य निष्कृ॒तम् ।।

Verse: 2
Halfverse: a    पव॑मानमवस्यवो॒ विप्र॑म॒भि प्र गा॑यत ।
   पव॑मानमवस्यवो
   पव॑मानम् अवस्यवः
   पव॑मानम् अवस्यवो

Halfverse: b    विप्र॑म॒भि प्र गा॑यत ।
   विप्र॑म् अ॒भि प्र गा॑यत ।
   विप्र॑म् अ॒भि प्र गा॑यत ।

Halfverse: c    सु॑ष्वा॒णं दे॒ववी॑तये ।।
   सु॑ष्वा॒णं दे॒ववी॑तये ।।
   सु॑ष्वा॒णम् दे॒ववी॑तये ।।
   सु॑ष्वा॒णं दे॒ववी॑तये ।।

Verse: 3
Halfverse: a    पव॑न्ते॒ वाज॑सातये॒ सोमाः॑ स॒हस्र॑पाजसः ।
   पव॑न्ते॒ वाज॑सातये
   पव॑न्ते वाज॑सातये
   पव॑न्ते वाज॑सातये

Halfverse: b    सोमाः॑ स॒हस्र॑पाजसः ।
   सोमाः स॒हस्र॑पाजसः ।
   सोमाः स॒हस्र॑पाजसः ।

Halfverse: c    गृ॑णा॒ना दे॒ववी॑तये ।।
   गृ॑णा॒ना दे॒ववी॑तये ।।
   गृ॑णा॒नाः दे॒ववी॑तये ।।
   गृ॑णा॒ना दे॒ववी॑तये ।।

Verse: 4
Halfverse: a    उ॒त नो॒ वाज॑सातये॒ पव॑स्व बृह॒तीरिषः॑ ।
   उ॒त नो॒ वाज॑सातये
   उ॒त नः वाज॑सातये
   उ॒त नो वाज॑सातये

Halfverse: b    पव॑स्व बृह॒तीरिषः॑ ।
   पव॑स्व बृह॒तीः इषः ।
   पव॑स्व बृह॒तीर् इषः ।

Halfverse: c    द्यु॒मदि॑न्दो सु॒वीर्य॑म् ।।
   द्यु॒मदि॑न्दो सु॒वीर्य॑म् ।।
   द्यु॒मत् इन्दो सु॒वीर्य॑म् ।।
   द्यु॒मद् इन्दो सु॒वीरि॑यम् ।।

Verse: 5
Halfverse: a    ते नः॑ सह॒स्रिणं॑ र॒यिम्पव॑न्ता॒मा सु॒वीर्य॑म् ।
   ते नः॑ सह॒स्रिणं॑ र॒यिम्
   ते नः सह॒स्रिण॑म् र॒यिम्
   ते नः सह॒स्रिणं र॒यिम्

Halfverse: b    पव॑न्ता॒मा सु॒वीर्य॑म् ।
   पव॑न्ताम् आ सु॒वीर्य॑म् ।
   पव॑न्ताम् आ सु॒वीरि॑यम् ।

Halfverse: c    सु॑वा॒ना दे॒वास॒ इन्द॑वः ।।
   सु॑वा॒ना दे॒वास॒ इन्द॑वः ।।
   सु॑वा॒नाः दे॒वासः इन्द॑वः ।।
   स्वा॒ना % दे॒वास इन्द॑वः ।।

Verse: 6
Halfverse: a    अत्या॑ हिया॒ना न हे॒तृभि॒रसृ॑ग्रं॒ वाज॑सातये ।
   अत्या॑ हिया॒ना न हे॒तृभि॑र्
   अत्याः हिया॒नाः न हे॒तृभिः
   अत्या ह्या॒ना % न हे॒तृभि॑र्

Halfverse: b    असृ॑ग्रं॒ वाज॑सातये ।
   असृ॑ग्रम् वाज॑सातये ।
   असृ॑ग्रं वाज॑सातये ।

Halfverse: c    वि वार॒मव्य॑मा॒शवः॑ ।।
   वि वार॒मव्य॑मा॒शवः॑ ।।
   वि वार॑म् अव्य॑म् आ॒शवः ।।
   वि वार॑म् अव्य॑म् आ॒शवः ।।

Verse: 7
Halfverse: a    वा॒श्रा अ॑र्ष॒न्तीन्द॑वो॒ ऽभि व॒त्सं न धे॒नवः॑ ।
   वा॒श्रा अ॑र्ष॒न्तीन्द॑वो
   वा॒श्राः अ॑र्षन्ति इन्द॑वः
   वा॒श्रा अ॑र्षन्ति इन्द॑वो

Halfverse: b    ऽभि व॒त्सं न धे॒नवः॑ ।
   अ॒भि व॒त्सम् न धे॒नवः ।
   अ॒भि व॒त्सं न धे॒नवः ।

Halfverse: c    द॑धन्वि॒रे गभ॑स्त्योः ।।
   द॑धन्वि॒रे गभ॑स्त्योः ।।
   द॑धन्वि॒रे गभ॑स्त्योः ।।
   द॑धन्वि॒रे गभ॑स्तियोः ।।

Verse: 8
Halfverse: a    जुष्ट॒ इन्द्रा॑य मत्स॒रः पव॑मान॒ कनि॑क्रदत् ।
   जुष्ट॒ इन्द्रा॑य मत्स॒रः
   जुष्टः इन्द्रा॑य मत्स॒रः
   जुष्ट इन्द्रा॑य मत्स॒रः

Halfverse: b    पव॑मान॒ कनि॑क्रदत् ।
   पव॑मान कनि॑क्रदत् ।
   पव॑मान कनि॑क्रदत् ।

Halfverse: c    विश्वा॒ अप॒ द्विषो॑ जहि ।।
   विश्वा॒ अप॒ द्विषो॑ जहि ।।
   विश्वाः अप द्विषः जहि ।।
   विश्वा अप द्विषो जहि ।।

Verse: 9
Halfverse: a    अ॑प॒घ्नन्तो॒ अरा॑व्णः॒ पव॑मानाः स्व॒र्दृशः॑ ।
   अ॑प॒घ्नन्तो॒ अरा॑व्णः
   अप॒घ्नन्तः अरा॑व्णः
   अप॒घ्नन्तो अरा॑वणः

Halfverse: b    पव॑मानाः स्व॒र्दृशः॑ ।
   पव॑मानाः स्व॒र्दृशः ।
   पव॑मानाः सुव॒र्दृशः ।

Halfverse: c    योना॑वृ॒तस्य॑ सीदत ।।
   योना॑वृ॒तस्य॑ सीदत ।।
   योनौ ऋ॒तस्य सीदत ।।
   योना॑व् ऋ॒तस्य सीदत ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.