TITUS
Rg-Veda: Rg-Veda-Samhita
Part No. 737
Previous part

Hymn: 14_(726) 
Verse: 1 
Halfverse: a    परि॒ प्रासि॑ष्यदत्क॒विः सिन्धो॑रू॒र्मावधि॑ श्रि॒तः ।
   परि॒ प्रासि॑ष्यदत्क॒विः
   परि प्र अ॑सिष्यदत् क॒विः
   परि प्रासि॑ष्यदत् क॒विः

Halfverse: b    सिन्धो॑रू॒र्मावधि॑ श्रि॒तः ।
   सिन्धोः ऊ॒र्मौ अधि श्रि॒तः ।
   सिन्धो॑र् ऊ॒र्माव् अधि श्रि॒तः ।

Halfverse: c    का॒रम्बिभ्र॑त्पुरु॒स्पृह॑म् ।।
   का॒रम्बिभ्र॑त्पुरु॒स्पृह॑म् ।।
   का॒रम् बिभ्र॑त् पुरु॒स्पृह॑म् ।।
   का॒रम् बिभ्र॑त् पुरु॒स्पृह॑म् ।।


Verse: 2 
Halfverse: a    गि॒रा यदी॒ सब॑न्धवः॒ पञ्च॒ व्राता॑ अप॒स्यवः॑ ।
   गि॒रा यदी॒ सब॑न्धवः
   गि॒रा यदि+ सब॑न्धवः
   गि॒रा यदी सब॑न्धवः

Halfverse: b    पञ्च॒ व्राता॑ अप॒स्यवः॑ ।
   पञ्च व्राताः अप॒स्यवः ।
   पञ्च व्राता अप॒स्यवः ।

Halfverse: c    प॑रिष्कृ॒ण्वन्ति॑ धर्ण॒सिम् ।।
   प॑रिष्कृ॒ण्वन्ति॑ धर्ण॒सिम् ।।
   प॑रिष्कृ॒ण्वन्ति धर्ण॒सिम् ।।
   प॑रिष्कृ॒ण्वन्ति धर्ण॒सिम् ।।


Verse: 3 
Halfverse: a    आद॑स्य शु॒ष्मिणो॒ रसे॒ विश्वे॑ दे॒वा अ॑मत्सत ।
   आद॑स्य शु॒ष्मिणो॒ रसे
   आत् अस्य शु॒ष्मिणः रसे
   आद् अस्य शु॒ष्मिणो रसे

Halfverse: b    विश्वे॑ दे॒वा अ॑मत्सत ।
   विश्वे दे॒वाः अ॑मत्सत ।
   विश्वे दे॒वा अ॑मत्सत ।

Halfverse: c    यदी॒ गोभि॑र्वसा॒यते॑ ।।
   यदी॒ गोभि॑र्वसा॒यते॑ ।।
   यदि+ गोभिः वसा॒यते ।।
   यदी गोभि॑र् वसा॒यते ।।


Verse: 4 
Halfverse: a    नि॑रिणा॒नो वि धा॑वति॒ जह॒च्छर्या॑णि॒ तान्वा॑ ।
   नि॑रिणा॒नो वि धा॑वति
   निरिणा॒नः वि धा॑वति
   निरिणा॒नो वि धा॑वति

Halfverse: b    जह॒च्छर्या॑णि॒ तान्वा॑ ।
   जह॑त् शर्या॑णि तान्वा ।
   जह॑च् छर्या॑णि तानु॑वा ।

Halfverse: c    अत्रा॒ सं जि॑घ्नते यु॒जा ।।
   अत्रा॒ सं जि॑घ्नते यु॒जा ।।
   अत्र+ सम् जिघ्नते यु॒जा ।।
   अत्रा सं जि॑घ्नते यु॒जा ।।


Verse: 5 
Halfverse: a    न॒प्तीभि॒र्यो वि॒वस्व॑तः शु॒भ्रो न मा॑मृ॒जे युवा॑ ।
   न॒प्तीभि॒र्यो वि॒वस्व॑तः
   न॒प्तीभिः यः वि॒वस्व॑तः
   न॒प्तीभि॑र् यो वि॒वस्व॑तः

Halfverse: b    शु॒भ्रो न मा॑मृ॒जे युवा॑ ।
   शु॒भ्रः न मा॑मृ॒जे युवा ।
   शु॒भ्रो न मा॑मृ॒जे युवा ।

Halfverse: c    गाः कृ॑ण्वा॒नो न नि॒र्णिज॑म् ।।
   गाः कृ॑ण्वा॒नो न नि॒र्णिज॑म् ।।
   गाः कृ॑ण्वा॒नः न नि॒र्णिज॑म् ।।
   गाः कृ॑ण्वा॒नो न नि॒र्णिज॑म् ।।


Verse: 6 
Halfverse: a    अति॑ श्रि॒ती ति॑र॒श्चता॑ ग॒व्या जि॑गा॒त्यण्व्या॑ ।
   अति॑ श्रि॒ती ति॑र॒श्चता
   अति श्रि॒ती ति॑र॒श्चता
   अति श्रि॒ती ति॑र॒श्चता

Halfverse: b    ग॒व्या जि॑गा॒त्यण्व्या॑ ।
   ग॒व्या जि॑गाति अण्व्या ।
   ग॒व्या जि॑गाति अण्वि॑या ।

Halfverse: c    व॒ग्नुमि॑यर्ति॒ यं वि॒दे ।।
   व॒ग्नुमि॑यर्ति॒ यं वि॒दे ।।
   व॒ग्नुम् इयर्ति यम् वि॒दे ।।
   व॒ग्नुम् इयर्ति यं वि॒दे ।।


Verse: 7 
Halfverse: a    अ॒भि क्षिपः॒ सम॑ग्मत म॒र्जय॑न्तीरि॒षस्पति॑म् ।
   अ॒भि क्षिपः॒ सम॑ग्मत
   अ॒भि क्षिपः सम् अग्मत
   अ॒भि क्षिपः सम् अग्मत

Halfverse: b    म॒र्जय॑न्तीरि॒षस्पति॑म् ।
   म॒र्जय॑न्तीः इ॒षः पति॑म् ।
   म॒र्जय॑न्तीर् इ॒षस् पति॑म् ।

Halfverse: c    पृ॒ष्ठा गृ॑भ्णत वा॒जिनः॑ ।।
   पृ॒ष्ठा गृ॑भ्णत वा॒जिनः॑ ।।
   पृ॒ष्ठा गृ॑भ्णत वा॒जिनः ।।
   पृ॒ष्ठा गृ॑भ्णत वा॒जिनः ।।


Verse: 8 
Halfverse: a    परि॑ दि॒व्यानि॒ मर्मृ॑श॒द्विश्वा॑नि सोम॒ पार्थि॑वा ।
   परि॑ दि॒व्यानि॒ मर्मृ॑शद्
   परि दि॒व्यानि मर्मृ॑शत्
   परि दि॒व्यानि मर्मृ॑शद्

Halfverse: b    विश्वा॑नि सोम॒ पार्थि॑वा ।
   विश्वा॑नि सोम पार्थि॑वा ।
   विश्वा॑नि सोम पार्थि॑वा ।

Halfverse: c    वसू॑नि याह्यस्म॒युः ।।
   वसू॑नि याह्यस्म॒युः ।।
   वसू॑नि याहि अस्म॒युः ।।
   वसू॑नि याहि अस्म॒युः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.